صوت في الياي ما الحل

[صدق النوى]

السلام عليكم ورحمة الله وبركاته
كيف الحال إن شاء الله بخير

عندي باترول ربع 90 مركب عليه يايات استراليه وفيها صوت تقرقع
في البر والمطاب اشغلتني قسم بالله حتى الموتر لين جا في ثالث ودست
تسمع اليايات تسولف أنواع القرقعه . :mad:
غيرنا يايات قلنا يمكن يروح الصوت لأن الأوله مركب عليها كعكات
ونفس المشكله صوت ولما أحمل يروح الصوت ميه في الميه
هل من حل ؟ :confused:
الي عنده خبره يفيدنا او محل يزينهن

و أكون من الشاكرين لكم ,, :good:

[شامخ ألهيلا]

غسل السياارة بستم من تحت بديزل

وجرب بخاخ الصدا wd-40

[shaheenshah]

الربلات اللي فوق الياي وتحته يبي لها تغيير (ان كانها موجوده ما تقطعت) ويروح الصوت ان شاء الله

[النجم الأول]

الربلات اللي فوق الياي وتحته يبي لها تغيير (ان كانها موجوده ما تقطعت) ويروح الصوت ان شاء الله




هذا الحل لإن الصوت اللي تسمعه صوت الياي يطق بالحديد.

[قناص خلاوي]

بسيارات الديزل يطلع قرقعة وقرقشة من اليايات خصوصا لاقومت الموتر بنمرة ضعيفة وحلها تلبس الياي من فوق ومن تحت بـ ( لي) واحرص يكون (اللي) قوي ولين ( مجربة)

[صدق النوى]

الربلات اللي فوق الياي وتحته يبي لها تغيير (ان كانها موجوده ما تقطعت) ويروح الصوت ان شاء الله
مغيرهن بس ما نفع الصوت نفسه
شكراً لك وما قصرت

[صدق النوى]

تلبس الياي من فوق ومن تحت بـ ( لي) واحرص يكون (اللي) قوي ولين ( مجربة)
طيب وين الي يصلحونها يركب الي
شكرا لك وماقصرت

[قناص خلاوي]

طيب وين الي يصلحونها يركب الي
شكرا لك وماقصرت

الشغلة ماتبي مهندس اخوي
فك الياي وخذ لك لي ( دينمو ماء) 3/4 بوصة وركبه على أول لفة من الياي واخر لفة فوق ..
واذا ماتقدر تفك الياي بأي ورشة قله يفكه وجب معك اللي يركبه لك
الشغله كلها بـ 40 إلى 60 ريال شغل يد .

[صدق النوى]

الشغلة ماتبي مهندس اخوي
فك الياي وخذ لك لي ( دينمو ماء) 3/4 بوصة وركبه على أول لفة من الياي واخر لفة فوق ..
واذا ماتقدر تفك الياي بأي ورشة قله يفكه وجب معك اللي يركبه لك
الشغله كلها بـ 40 إلى 60 ريال شغل يد .
شكرا لك وماقصرت بيض الله وجهك
راح نركب الي ونجرب

[سوبر VTC]

و عليكم السلام و رحمة الله

لبس اليايات (لي)
و ان شاء الله امورك زينه :good:

ان بغيت ورشة تخصص نيسان
الرياض او بريده
علمن

موفق

[اكليل الجبل]

والله وانا اخوك نفس المشكلة عندي الصوت اقلقني

بس السوال اللي ابي له اجابة الحين لو اشري ياي جديد ياباني طبعاً قيمتة 120 ريال هل اقدر اقص منة لفة عشان ينزل الموتر من قدام ولا لا ؟؟؟ تكفون افيدوني

[قمة افرست]

وليش مركز على الياي
ممكن الصوت من شي اخر
شوف الاشياء الي تسوي قربعه بالسيارة
1- كرسي الشكمان وهذا مزعج واحيانا مع التحميل يكبس البودي علية خاصة بالتويوتا
2- جلد المساعدات مهترية ( متقطعه )
3- جلد عمود التوازن سواء امامي او خلفي وتعرفها بعد اي مشوار صحرا تلقى اطراف الجلده واضح الاحتكاك فيها
4- جلد البودي يكون محلوله بالذات الامامية الي بالصدام
5- الياي اذا كان معدوم بمعنى اذا نزلت تحت السيارة وحركته يتحرك لان فيه يايات اذا انسفط مايرجع قاسي
فاذا انكبس صعب يرجع ( تجاري )
6- كسر في اي من حوامل داخل الرفرف الامامي

اخيرا اذا متاكد من الياي انزل تحت السيارة وحركة بقوة اذا اتحرك معناه تالف ولازم تغيرة

[رفيع المقآم]

لكل من يشتكي من صوت اليايات في الباترول الربع (http://www.mekshat.com/vb/showthread.php?t=244629) هلا بك جبت لك الرابط وانت افتحه وراح تدعيلي وعلمنا وش سويت