المساعد الشخصي الرقمي

مشاهدة النسخة كاملة : أخبار مزاد الطيور في حائل اليوم الأحد


ابوسالم
10/10/2004, 09:21 PM
السلام عليكم ورحمة الله وبركاته
الله يمسيكم بالخير ياجماعة الخير .
اليوم ولله الحمد والمنه تم المزاد على مايزيد على 20 طير منها شبة فروخ تم بيعها بالتفريد في استراحة القناص في عقده واليكم التفاصيل:

بيع فرخ اسود16.5 *16.5 بمبلغ 7300 ريال
بيع نفس الطير الأسود مره ثانيه بعده بلحظات 7600 ريال
بيع فرخ حمر مجهم 16.5*16.00 بمبلغ 7000 ريال
بيع فرخ مجهم 16.5*16.5 بمبلغ 6500 ريال
بيع فرخ (تفريخ) ابيض جير 16.5*16.5 بمبلغ 8500 ريال وكسب 500 ريال ورفض البيع
بيع قرناس بيتي خضر 16.5 * 16 بمبلغ 5500 ريال
بيع قرناس بيتي 17*16.5 بمبلغ 7000 ريال
بيع قرناس بيتي 17*17 بمبلغ 8500 ريال
بيع قرناس بيتي 16.5 *16.5 بمبلغ 5000 ريال

هذا وسوف نوافيكم بأخبار مزاد الأسبوع القادم انشاالله .
تقبلو مني خالص امتناني على مروركم .
نرحب بأستفساراتكم على تلفون 065328893
ابوزيد -ابوسالم
المري
11/10/2004, 12:37 AM
مرحبا اخي ابو سالم


وحياك الله يالغالي وماقصرت على ذا العلوم الطيبة

وياليت انك كتبت رقم جوالك يالغالي..


اخوك / المري
أبو رداد
11/10/2004, 12:58 AM
بسم الله الرحمن الرحيم
السلام عليكم ورحمة الله وبركاته

تسلم يابو سالم على هذه الاخبار .... بس هذه الطيور فيها طيور مطروحه في السعوديه ....
طيرحوران
11/10/2004, 08:06 AM
ابو سالم حياك الله

والله يوفقكم لما يحب ويرضاه والحمد لله أن صار عندكم مثل هالحراج.

الطيورالثلاث الأخيره ماذكرة ألونها إلا إذا كانت خضر .

وأحب أذكر للأخوان شيء ماذكره أبو سالم إللي هو عند خوينا أبو زيد إضافه للحراج مربط طيور ومربط حلو أنا شايفه . ربط . وطلق وذلك للمعلوميه عاد وش خليت حائل فيها البراد !!!!!!!!!! .
تحياتي للجميع . والسلام خالد
راعي مزيون
11/10/2004, 10:21 AM
السلام عليكم ورحمة الله وبركاته

جزاك الله خير على العلوم الطيبه أخوي ابوسالم
ولا تحرمنا من علومك
ابوسالم
12/10/2004, 01:34 AM
اخي المري/
هلا ومسهلا حياك الله
حاضرين يالغالي .
بالنسبه للرقم فالرقم المذكور هو الرقم الرسمي للمركز وبالنسبه للجوال للأسف الموقع لم تتوفر فيه
خدمة الجوال حاليا .
وهذا رقم التلفون الثابت مره ثانيه عن الشكه:)
065328893
سرني مرورك الكريم

اخي ابو رداد /
هلا هلا يامرحبا يابو رداد###الله يفك دياركم سو الأيام
حياك الله يابو رداد هلا ورحب.
اما بالنسبه للفروخ فيقولون واحد من افغانستان واثنين من سوريا والتفريخ معه اوراقه كامله اذا ماني غلطان فهو من فالكون سنتر
تحياتي ولاتحرمنا من طلتك شكرا على مرورك

اخي طير حوران/
حياك الله يالغالي ونجاح المزاد راجع لتوفيق الله ثم الصقاقير الي احيوا السوق .
والله لايهينك يالغالي وهذا ماهو الا اجتهاد والتوفيق من الله.
وبالنسبه للطيور الي ماذكرت الوانه فسقطت سهواوالطيور الثلاث هي:
ابو 7000 حمر فيه دقوق خفيفه بأسفل الظهر وراسه من ظهره
ابو 8500 حمر برقاط وسره حلو وراسه حلو عليه شروط
ابو 5000 عادي من الطيور الخضر
تحياتي لك وللشباب

اخي راعي مزيون/
وعليكم السلام ورحمة الله وبركاته
جزانا واياك والمسلمين كل خير.وحي الله اهل قطر
عزيزي حاضرين بكل جديد انشاالله
مرورك سرني لاتحرمنا
العتيبي......
12/10/2004, 12:47 PM
السلام عليكم ورحمة الله وبركاته

الاخ العزيز ابوسالم لك جزيل الشكر على الموجهود الطيب ولاكن عندي سؤال؟

هل كان في السوق فروخ شواهين سوريه او باكستانيه؟

وتحياتي لك:العتيبي
ابوسالم
13/10/2004, 01:49 PM
هلا اخوي العتيبي
عليكم السلام ورحمة الله وبركاته
لاشكر على واجب عزيزي . وهالمجهود هذا حاجه بسيطه بالنسبه لامتاع واسعاد كل صقار يهتم
بهالهوايه العريقه.
وبالنسبه لفروخ الشياهين للأسف ماكان فيه بالسوق هالمره لكن نتمنا بالمره الجايه يكون فيه

عزيزي شكراً لاهتمامك
البريكي
13/10/2004, 01:51 PM
يعطيك العافيه اخوي ابو سالم على هذا التقرير المفصل عن سوق الطيور بحايل

واتمنى انك تشوفي الفروخ ولا الوحوش اذا انزلت السوق على كم انباعت