المساعد الشخصي الرقمي

مشاهدة النسخة كاملة : رديتر vxrينشق كل ماركب جديد


معدي المرقاب
05/11/2009, 11:58 PM
السلام عليكم ورحمة الله وبركاته
اخواني احد الزملاء استشارني عن عطل في موتره وهو جيب في اكس ار 2002العطل هو عبارة عن شق في الاديتر من دون سبب راح وركب اصلي من الوكاله وبعد شهر نفس المشكلة وله الان ثمانية اشهر الي هو ركب اربع رديترات وتنشقوتخرخر مياه وش السبب المسكين مشيب فيه الموتر.علما ان الموتر حرارته طبيعية تم تغيير كافة الخراطيم وكذلك بلف الحرارة علما ان مكان الشقوق مفرقة ليست بنفس المكان.نرجو من الاخوان ان من قد مرة عليه المشكله او لديه الحل ان الايبخل علينا.والله يعطيكم العافية
HAS5SAN
06/11/2009, 01:52 AM
يا عزيزي فسر لنا من أين هذه الشقوق وكيف شكلها
لأن خويك ذا صار يركب راديتر جديد كل شهرين ...........؟؟؟؟؟
إذا من الخارج فهذي بفعل فاعل
وإذا من الداخل فهذى المروحه تلامس الراديتر أو قاعدة الراديتر غير ثابته
الربذي
06/11/2009, 08:15 AM
والله شي محير

لكن اشوف ان الاقرب هو طرمبة الماء ماتحرك المويه

وثانيا اصلا يهرب الماء قبل ينفقع الاديتر ..
معدي المرقاب
06/11/2009, 08:59 AM
الله يعطيكم العافية فالشقوق تكون صغيره جدا تسمح بخروج الماء وكلك تم التشييك على قواعد الاديتر وكذلك الطرمبة والمروحة وجميعها سليمة.وفيه ناس قالو من المكينة والموتر يحبس الهواء.ولاودنا نلمس المكينة الا باخر شي .
شامخ ألهيلا
06/11/2009, 10:54 AM
اخوي خويك يزود موية من قلباااان وارتوازات
تاكد منه وش الي يستعمل مااء
لاني اذكر صاحب لي صارت معه نفس الشي في لومينا وهي جديده وجالس يشتكي
وطلع ابو الشبااب يعبي من بير المرزعه كبريتي وماالح بعد

ياليت يروح يسووي تنظيف كامل لصدر المكينه والاديتر ويحط ماء اخصر بعدها وان شاء الله ماراح يشوف الا العافيه والاديتر لايغيره موجود لحاام المنيووم له
ذيب الليل
06/11/2009, 07:42 PM
أنصح زميلك يغيير الثرمومتر الخاص بالحرارة والذي يتحكم بالحرارة شتاءً ويكون في مكان دخول الماء من الرديتر الى الماكينة ويستخدم الماء الخاص بالرديتر .
عبدوش
06/11/2009, 08:19 PM
اتوقع فعل فاعل موب معقوله اربع رديترات مالك الا تركب كميرا عند الباب
غديك تكفشه
تايقر11
06/11/2009, 08:32 PM
هذا طال عمرك رأس المكينة ضرب

لأنها صارت معاي ..وصار اللديتر يعبي هواء وبالتالي يتشقق من قوة الضغط الهائل داخله بسبب مشكلة برأس المكينة.
روحوا يم ميكانيكي ممتاز عشان يشوف الرأس اذا يحتاج تغيير أو بس يسوي له مسح بالمخرطة.. أهم شيء يكون المكانيكي فاهم
معدي المرقاب
06/11/2009, 11:22 PM
الل يعطيكم العافية
أبورزان100
06/11/2009, 11:45 PM
اخي الكريم صارت معي وسبب الخلل بعد جهد جهيد من كراسي المكينه تتحرك وتشق الاديتر غيرنا الكراسي والحمدلله
راعى شاهين
07/11/2009, 12:25 AM
اخي الكريم صارت معي وسبب الخلل بعد جهد جهيد من كراسي المكينه تتحرك وتشق الاديتر غيرنا الكراسي والحمدلله
صحيح وكراسى الرديتر بعد صارت معى وغيرت كراسى الراديتر :good:
جبل حبشي
07/11/2009, 09:07 AM
صحيح وكراسى الرديتر بعد صارت معى وغيرت كراسى الراديتر :good:
حصلت معنا ونحن في البر وعلي تويوتا جيب
لقينا كراسي المكينة تعبانه وتتحرك المكينة علي الراديتر وتشقه
معدي المرقاب
07/11/2009, 03:15 PM
الله يعطيكم الف عافية وشكرا لتعاونكم
اابوحمد
07/11/2009, 04:03 PM
صحيح من كرسي الراديتر يجي ربل غيرها
لانه ممكن يسوي احتكاك من المطبات و يشعره
ربلات تحت وفوق
mazenk15
07/11/2009, 06:06 PM
الربع افادوك
ونتظر ردك بعد التجربة ليستفيد الكل
معدي المرقاب
08/11/2009, 12:29 AM
ابشرو بعزكم