بريق شاي لجيمع المزاجات

[عرق ساقان]

اما هالبريق على كيفك كيفك

وين الي يبيعونه حتى لو

محترق مثل الي بالصور
http://dc05.arabsh.com/i/00702/lnvkhjtwi8ar.jpg (http://arabsh.com)
:D
1_ يخرج منه الماء 2 _ يخرج منه الشاي دون اي اضافات

3 _ يضع فيه الشاي الورق 4_ يضع هنا الماء والسكر


http://dc05.arabsh.com/i/00702/9n0iyy5wquow.jpg (http://arabsh.com)

هنا يكون الشاي دون اضافات
http://dc03.arabsh.com/i/00702/40eqezkkqkn4.jpg (http://arabsh.com)

هنا الماء والسكر

http://dc03.arabsh.com/i/00702/ztzfq860lhc3.jpg (http://arabsh.com)

جميع المزاجات في بريق واحد خذ مايناسبك
http://dc05.arabsh.com/i/00702/zlfhdl985bqm.jpg (http://arabsh.com)



:j حتى انا ابحث عن هذا الابريق لا تقول من وين

[كادر]

كان فيه موضوع قديم عن نفس الابريق يمكن تلقا فيه معلومات عنه

[الضاحي]

موجود عند برق الحيا وفي البطحاء

[ابولولو]

متوفر عند اكثر محلات الرحلات والاوانى المنزليه
بس ياخذ مكان كبير بالعزبه

[المكروف]

تماما مثل ماقال اخينا الضاحي موجود عند برق الحيا ولكن بصنبور واحد فقط

[Raselny]

شايفه عند البرية

[ابو تمام]

والله اتذكر شفته عند الهزازي اللي بطريق العروبه اظن ؟؟ نسيت

هذا البريق تركي الاتراك هذا شغلهم في الشاهي اهل مزاج صح :p

دمت بود

[لاتكب البيالة]

موجود بكثير من محلات الرحلات لكن ما يصلح وما انصحك به صلح لك ببريقين عهادية واحد ثقيل وواحد خفيف احسن لك

[تناهيت]

استخدمته لي سنتين وخذت عليه وما ينزل من العزبة ابد

شريته من محلات المطابخ حقت الأتراك اللي في حي العود بــ70 ريال حجم وسط بس يبيله واحد رايق يضبط وزنيتة ويعرف لمثاعيبه زين ,

تحياتي

[الضاحي]

موجود بكثير من محلات الرحلات لكن ما يصلح وما انصحك به صلح لك ببريقين عهادية واحد ثقيل وواحد خفيف احسن لك



انا فعلا جربته ومليت منه بسرعة

بريقين احسن وافود من هالبريق ابو وجهين :D

[العاااازف]

هذا البريق تركي الاتراك هذا شغلهم في الشاهي اهل مزاج صح :p




راعي الشاي المضبوط لايعترف بهذا الابريق ((السامج)) لكن موضة تذكرني باهل الاسهم

[عرق ساقان]

يعطيكم العافيه


ماقصرتو مشكورين جميعا

[for]

هالبريق مافيه انسه ابد شفته مع رفيق لي وصبلي بياله عجزت تقبله نفسي حسيت اني بعزبه زيود مصلحين شاهي نشارت خشب لا طعم ولا ريحه

[ربع 91]

مشاءالله
يعطيك العافيه

[منتعش]

متواجد عند أكثر محلات الرحلات
عند البرية وبرق الحيا والمروج
وسعره من 70-75 ريال
وصناعته تركية
ومثال ما قال الأخوان يأخذ مكان لكبره وثقيل
وفق الله الجميع

[alsagr12]

ما شاء الله تبارك الله

حلو ورائع

[الدارسي]

اخوي الكريم عرق ساقان والأخوة الزملاء
السلام عليكم لك ولجميع الإخوان
أما بالنسبة للإبريق فهو ممتاز جدا لمن عرف وزنيته وأنا شريته من برق الحيا من اسبوعين بتوصية من أحد الإخوان الزائرين لمحل برق الحيا الذي أثنى عليه ( ما اعرفه اللي بسلامته ) وشريته نفس اللي بالصورة تماماً وله ثلاث مقاسات
صغير بــ 65 ريال / وسط بــ 75 ريال / كبير بـ 85 ريال
والسلام عليكم . اخوك ابو علي

[تيمون2]

الله يعطيك العافيه اخوي والله هو شي الصراحه

[ابو تمام]

راعي الشاي المضبوط لايعترف بهذا الابريق ((السامج)) لكن موضة تذكرني باهل الاسهم[/center]



والله ياخوي العازف كل واحد وومزاجه


انا مثلك ما احب استخدمه لكن كتبت كلمة مزاج لأن كل واحد له في الشاهي وزنيه معينه
مثلا انا ما احب اشرب الشاهي سكر زياده أفضله سكر قليل مره ويكون خفيف مو ثقيل وفي ناس العكس


دمت بود

[العريني1]

هذا يبي له كتلوج للاستخدام

[احساس الصمت]

هذا الإبريق موجود عند محل (طريق الأشقاء) اللي بالمروج ومتوفر بعدة أحجام
أنا مريتهم قبل أسبوعين وحصلتها عندهم
بالتوفيق

[مستور الحال]

نصيحة اخواك انحش عنه من واقع تجربه ما يصلح ابدآ وانا ما سمعت النصيحه من احد العزيزين على القلب والعقاب خسارة سبعين ريال والحمدلله على المقسوم

[صلفان.نجد]

هذا يبي له الدكتور الربيعه يسوي له فصل.

[Waleed1]

السلام عليكم

عطونا صورة وبعدين وين الاقية بالشرقية وشكراً

[فتى احد]

قبل أمس شاريه من السوق الشعبي في النعيرية مقاس 16 صغير وفيه وسط 18 وفيه كبير 20 والصغير سعره 60 ريال .

[الكونترولCONTROL]

ما تحس ان الابريق شكله يخوف شوي ؟؟؟؟
يا أخي أنا أشك ان الدعوى مجرد ابريق !!
مرة جالس عند واح و اشترطت عليه يطلع الابريق
من المجلس أو أطلع أنا !!!! هههههه
على فكرة .... موجود ,, في محلات كثيرة

[أبو مشعل]

السلام عليكم


هذا البريق يصلح لشريبة الشاهي

انا اشتريته من سوق الاراني في الكويت