استفسار يااهل البحر

[Shark.NEW]

السلام عليكم

اود الاستفسار عن الزيت الذي يخلط مع البنزين

كم مقدار الزيت في جالون 10 لتر مثلا

وماهي الاضرار المترتبه على عدم خلط الزيت مع البنزين

وماهو نوع البنزين المفضل لمكائن ياماها احمر , اخضر

ودمتم بحفظ الله

[accentkool]

ان شاء الله خبراء المكائن يفيدوووووووووووك

[كنعد]

هلا اخوي حياك الله




مقدار الزيت

في كل 25 لتر علبة واحدة من الحجم الصغير زيت تو استروك تحصلة بـ6 ريال

على ما اعتقد انة لتر او نص لتر ما اذكر كم لتر



الي اعرفة ان بنزين 95 افضل

بس ما ادري هل هو يصلح للياماها ولا لا

خلي الاخوان يردون عليك




.

[صقرالبحار]

ان شاء الله ربي يرزقك من واسع فضله وتشتري مكائن سوزوكي فور استروك وتريح راسك لاخلط زيت ولاصوت يفقع راسك\ زي مكينة السيارة يتغيرلها زيت

[كنعد]

بس السوزوكي يقولون فيها شرائح الكترونية

زي السيارات الي فيها كمبيوتر

يعني اذا تعطلت الله يعينك


ولله اعلم



.

[شاهين2007]

وعليكم السلام
بالنسبه لمكاين التو ستروك
فتكون نسبه الزيت للبنزين بمعدل لتر زيت لكل 50 لتر بنزين
ووقت تمرين المكينه اذا كانت جديده او بعد توظيب فيكون لتر زيت لكل 25 لتر بنزين.

[غوااص رابغ]

والله انا ما استخدم الا بنزين احمر والتانكي 25 لتر احطله علبه الا ربع

[أبوالقروش]

يا أخوان تراكم غلطانين ياليت تتأكدون من المعلومات هاذي لان نقص الزيت راح يصلب المكينه والزيادة راح تعدمها وتكربن الكربيترات وتعدم البواجي وتقلل عزم المكينه
الكميه الصحيحه لكل 25 لتر بنزين 1لتر زيت ومو اي زيت زيت خاص بمكائن التو ستروك ينباع في البنقله ب5 ريال العلبه والكرتون ب140 هذا تبع بترومين اما اليمها الاصلي ب12 الي 15 ريال وما فرق عن بترومين بشي ابدا وبالنسبه للبنزين خاب توفر استخدم اخضر حاب تزيد العزم بنسبة 3 الي 5% الاحمر ونصيحة لحد يستهتر بنسبة الزيت لاتزود ولا تنقص لان عطل المكينه في البحر ممكن يكلفك حياتك لاسمح الله وتوضيب المكينه راح يكلفك من 2500 الي 7500 حسب المكينه ومكائن التو استروك احسن بالف مرة من الفور استروك اللهم موضوع الدخان والصوت اما الفور استروك نكبه بمعني الكلمة صيانة مكلفه حرارتها ترتفع اذا مشيت عليها اكثر من 5 ساعات بالسرعه القصوي بالاضافه للتعقيد والالكترونيات الي فيها ومو اي مكنيكي يشتغلها يظبطها وقطعها غاااااااااااااليه نار وحتي الزيت تبعها غالي ومكلف تغيره
هاذا الي عندي تقبل مروري وتحياتي لك وللجميع.......

[محآآآآآآآآآآر]

جاك العلم من الإخوان بس عندي بعض الإضافات البسيطة
اللي مكينتة تعبانة وفيها شنبر أو سبيكة أو أي مشكله
لا يقلل الزيت بالعكس زيد الزيت شوي
واللي ماكينتة طيبة أو جديدة لا يقلل ولايزيد
أخوك،،،،،،،،،،،
محآآآآآآآآآآآآآآآآآر