يا اهل الخبره بالتايوتا

[بعيد الهقاوي9]

السلام عليكم ورحمة الله وبركاته
عندي كامري 2002 قير اتوماتيك 4 سلندر
فيه مشكله بالعزم داخل البلد زي الحلاوه بس مع الخط اوقات ما تتعدى 140 خاصه اذا الخط فيه طلوع بسيط جدا اومتساوي واقات تجيب الطبلون اذا الخط نزول
وما أدري ايش الحل اللي عنده خبر عن هالمشكله لايبخل علينا طفشنا من
كلام الورش اللي يقول غير القير عادي واللي يقول غير الجنزير..................................الخ

[Nasser-ahah]

إذا أنت بالرياض رح لم ورشة البريدي بشارع عبدالرحمن بن عوف
عند معارض النسيم
يفحص كبيوتر علشان تشوف حالة الماكينة ويفحص الجير وتحت السيارة

والورشة غنية عن التعريف

[سوبر VTC]

و عليكم السلام و رحمة الله

احتمال عندك ضعف بطرمبه البنزين
نظف فلتر الهواء
تاكد من البواجي
تاكد من زيت القير
اذا كان تعبان غير فلتر و زيت
فيه حساس دايم يخرب بالجيب و الكامري
حساس تي بي اس قيمته ب170ريال تقريبا
هذا الحساس يركب على اللهاة حقت الثلاجه
اللهاة اللي يركب عليه خرطوش القربه
هذا الحساس رئة الموتر هو الزبده :good:
لانه يدور مع اللهاة عند الدعس على دعسه البنزين
احيانا الخراب من منظم الهواء

مع احد الربع كامري تماتيك م2001 فاكه وكالة 4سلندر
الموتر بعد فترة
ما به عزم ضعيف جدا
طبعا اغلب الورش يقولون توضيب قير :mad::mad:
وداه لورشة البريدي رجال كبير و فاهم عمالة فلبينه
ورشته شرق معارض النسيم على نفس الشارع العام
طلعت المشكلة من طرمبه البنزين
حصل لي الدفع اللي فوق الطرمبه منشق يهرب بنزين و يرجع للتانكي
و احيانا من السيلة او الوجه اللي فوق الطرمبه

مشكلتك باذن الله
من حساس تي بي اس او منظم الهواء
او بواجي او لي الطرمبه

اهم شي اخبرنا بعد فحص الموتر
عن سبب المشكلة

موفق