مــchـــبـــــوس الدجاج الكويـــتي

[مصمك تميم]

السلام عليكم ورحمة الله وبركاته ..
طبعاً الكتاب باين من عنوانه ..
مــchـــبـــــوس دجاج كويتي 99% ( لأن لازم يكون من يد الوالدة عشان يكون 100 % ) :D


طبعاً الطبخة مايبيلها شيخ ..
نبدأ بالمقادير المعروفة :
1/ بصلتين - هيل - مسمار - دارسين ( قرفة ) - ملح .
2/ دهن عداني أو موزريلا .... الخ - ماي ورد - زعفران .
3/ دجاج أو لحم انت ومزاجك .. ( طبعاً زيَوا زيَــوا بالطبخ يفرق الوقت فقط ) + رز حسب أجسام المجموعة الطيبة ..
4/ استكانة شاي وانت تقرا الموضوع .

الأول نقطع البصل ونحمسه بالجدر لين يبدى يتغير لونه ..


-1-


http://www.mekshat.com/pix/upload03/images131/mk114150_1 copy.jpg






حط الدجاج بالجدر ، نعطيه نكهة البصل بالحمسة الخفيفة ، نصب الما إلين يطفح full:D ونحط البهارات ( هيل - مسمار - دارسين ( قرقة ) - ملـح ) ، ثم نتركه عالنار يبدي يقلب ويقلب ويقلب ويقلب لين تبدي الدجاجة بنفسها تبطل الجدر وتقولك الله يرحملي والدينك ابي أطلع اشم شوية هوا .. انت بهاللحظة لاتصير عزوبي وينكسر خاطرك قدام الدجاجة ، خلها لمدة 35 - 45 دقيقة ..

-2-
http://www.mekshat.com/pix/upload03/images131/mk114150_22.jpg



هذا مهوب شاي يالربع لحد يشرب .. هذا ماي ورد + زعفران ، بالأخير تعرفون وشوله ..

-3-

http://www.mekshat.com/pix/upload03/images131/mk114150_33.jpg


عقب ماتخلص الــ 45 دقيقة ، طلع الدجاجة وخلها على جنب ، طبعاً انت تكون منقع العيش عشر دقايق بالماي الحار ، بعدها حط العيش بالجدر مع ميّــة الدجاج ( لكـن ) بعد ماتشخل البهارات منها ، حط شوية ملح لأن الدجاج شرب الملح كلــه ، وصب عليه استكانة دهن موزرلا ;)

-4-

http://www.mekshat.com/pix/upload03/images131/mk114150_44.jpg



اترك العيش على نار قوية بالبداية ، بعد دقيقتين وط النار على هاديه ، وخلها لمدة 10 دقايق ، وقبل لا يخلص العيش النثري صب زيادة نص استاكنة دهن مرة ثانية عشان كرشك يوضح للناس انك ماكل مــchـــبوس ..



أثناء فترة نضوج العيش ، احمص الدجاج لين يحمر ( سواء بزيت وتحطه على قلاية وتبدي تقلب ، أو بالفرن .. ) لين يصير شكلة مثل هالدجاجة الحلوة ..

-6-
http://www.mekshat.com/pix/upload03/images131/mk114150_66.jpg



لاخلص العيش كب استاكنة الشاي ، أقصد الماي ورد والزعفران - اللي بالصورة رقم ( 3 ) على العيش بطريقة فنية لا مجال للرجوع منها ، يصير شكلة كذا ..

http://www.mekshat.com/pix/upload03/images131/mk114150_55.jpg



بالأخير ، عليكم بستين ألف عافية واضرب بالخمس اذا كنت جوعان وبالثلاث لاتباع سنة الحبيب المصطفى .. :)

http://www.mekshat.com/pix/upload03/images131/mk114150_77.jpg



طبعاً إذا ماكان الشاي على استكانة ( ام نقيطة ) ، اسمحلي ، لا تفشل نفسك وتقول انك أكلت مجبوس دجاج:no2: :p :p :p

http://www.mekshat.com/pix/upload03/images131/mk114150_88.jpg



والسموحة على الصور إن كانت غير واضحه ، الجايات انشالله نزبطها أكثر :)
تقبلوا تحياتي :rolleyes:
والسلام عليكم ورحمة الله وبركاته

[راايق تميم]

وعليكم السلام ورحمة الله

الله عليك
وش هالزين اللي يذبح بالجوع ههههههههههههه





4/ استكانة شاي وانت تقرا الموضوع


والله اقراه وانا تحت البطانيه ومطفي اللمبه بعد هههههههههههه

<< يبي ينام بس جاء براسه مكشات هههههههههههه


مشكوور اخوي لاهنتـ ؛؛

[اشهب]

كيف طعمها بالله
ماء ورد بالرز
جديده علي هذي
وينها من الرز المندي
طيب قريب طعمها من البخاري والا يفرق
لاتقول زي طعم البرياني
طيب تعرف ام علي
احيانا يحطون عليه ماء ورد فهل طعمها قريب من ام علي
تصدق عاد
نفسي اذوقه
ممكن تعزموني اكل رز بس
ومافيه مانع اذا حطيتو فخذ او صدر من الدجاجه
علشان اتطمن انه استوت
اشكرك بعنف

[قدر مكتوب]

مشكور والشكل لايعلى عليه والاسلووووووب اروع واحلى

[رعد الصحراء]

وعليكم السلام ورحمة الله وبركاته

الله يعطيك العافيه

كبسه كايفه وشغل سنع

ماء الورد يعطي نكهه غير طبيعيه

بانتظار جديدك

تقبل مروري

[العريني1]

شغل عدل :good: :good:
جوعان مرررره
بس ماتلاحظ الدياي ..:D :D اقصد الدجاج واجد عليه 40 دقيقه
شكرا لك

[الكايف 1]

وعليكم السلام ورحمة الله وبركاته :
حياك الله وابقاك يا /مصمك تميم انت واهل الكويت الغالين كلهم
الله يخليلك الوالده ويطول بعمره
ماشاء الله تبارك الله
وش هالشغل العدل
الشرح وافي والتصوير حلو
والنتيجه
http://www.mekshat.com/pix/upload03/images131/mk114150_77.jpg
واضحه ماشاء الله كالرعد من قوته ;)
الله يجعله بالف صحه وعافيه
بارك الله فيك
تقبل مروري

[الملثم]

كبسة مايعلى عليها تسلم يمينك

[mazenk15]

تسلممممم يمينك ياالمصمك التميمي
ولاهنت يالذيب

[ابو عبدالملك 2]

ماشاء الله تبارك الله الله يبيض وجهك شغل متكتك بس ناقص الدقوس

[أبوزيد20006]

تسلم يمينك

[الدرعيه]

رحنا للكويت مانشبع من عيشهم ماشاء الله عليك ويعطيك العافيه

[طويل شبور]

الله وش ذا

مبدع بالشرح مصمك

والف شكر

وبالعافيه

ولازم نجربها

اخوووك طويل شبور

[أبو زيد 2007]

مشاء الله تبارك الرحمن
تسلم يمينك يا التميمي

[alsagr12]

مشاء الله عليك
وبالهناء والعافيه

[وطن النهار]

يه يه يه يه

شغل عدل

تسلم اييد الوالده وايدك (عشان كتبت ههههههههههه)

وكملتها سكانه ام انقيطه :) :)

يبيله

ان شاء الله اسوي قباقب وانزل الموضوع :)

[ابوفهيدان]

لاهنت علي المجبوس
او الكبسة
وننتظر جديدك

[الشاص عز لهله]

ههههههههههه شناوي علينا يا التميمي دهن عداني خخخخخخخ لا ويكون مكحلها موزرلا يعني اخف
اما رقم 4خخخخخخخخخخخخخخخ
عسى مو انت الي طابخة ترا عيب الريايل يطبخون بالبت بس بالبر ولا المزرعة ولا الشاليه عادي
و المرة الياية دقوس وانت ما تدري

[سوالف]

مكبوووس روووووعه

وماقصرت

والف شكر لك

[السراب9999]

يسلموووووووووووووووووووووووووووووووووووو

[مصمك تميم]

[/QUOTE=راايق ت
يبي ينام بس جاء براسه مكشات هههههههههههه
مشكوور اخوي لاهنتـ ؛؛ [/QUOTE]

عساك بس ماجلست بمكشات لي اليوم اللي بعده


كيف طعمها بالله
ماء ورد بالرز
جديده علي هذي
وينها من الرز المندي
طيب قريب طعمها من البخاري والا يفرق
لاتقول زي طعم البرياني
طيب تعرف ام علي
احيانا يحطون عليه ماء ورد فهل طعمها قريب من ام علي
تصدق عاد
نفسي اذوقه
ممكن تعزموني اكل رز بس
ومافيه مانع اذا حطيتو فخذ او صدر من الدجاجه
علشان اتطمن انه استوت
اشكرك بعنف
اخوي المجبوس الكويتي غالب أهل الديرة يضيفون معاه شويت ماي ورد ، انت لو تلاحظ انا حاطن شوي مو كثير ..
وام علي هذي تعبتر من الحلو ، غالب ماتكون بالأعراس ، مالها أي دخل بالمجبوس طال عمرك :no2: ... البخاري ، البرياني ، شرق عن غرب الله يهداك .. انت حياك الكويت وأبشر بعزك ..




يعطيك العافيه مصمك
وشكله لذيذ
شكراً لك
العفو عزيزي .. اللذة تكتمل بردك المبارك :)

مشكور والشكل لايعلى عليه والاسلووووووب اروع واحلى
قراءتك للموضوع زادني شرفاً أخي الكريم ..



وعليكم السلام ورحمة الله وبركاته\
الله يعطيك العافيه ]كبسه كايفه وشغل سنع]
ماء الورد يعطي نكهه غير طبيعيه
بانتظار جديدك
تقبل مروري
عدل كلامك اخوي ، للماء ورد طعما ولا أروع ..


[CENTER]شغل عدل :good: :good:
جوعان مرررره
بس ماتلاحظ الدياي اقصد الدجاج واجد عليه 40 دقيقه
شكرا لك
هههههه ، الدياي ، اقصد الدجاج ، ساعه الا ربع كثير صح لكني قاعد اطبخ على كهرب ماهي نار قويه :( .. الموضوع يبيله قعده ماهي نص ساعه مثل الوالده الله يبارك فيها

وعليكم السلام ورحمة الله وبركاته :
حياك الله وابقاك يا /مصمك تميم انت واهل الكويت الغالين كلهم
الله يخليلك الوالده ويطول بعمره
ماشاء الله تبارك الله
وش هالشغل العدل
الشرح وافي والتصوير حلو
والنتيجه
http://www.mekshat.com/pix/upload03/images131/mk114150_77.jpg
واضحه ماشاء الله كالرعد من قوته
الله يجعله بالف صحه وعافيه
بارك الله فيك
تقبل مروري
الله محييك عزيزي ، الوالده كان لها الفضل بالتعليم عن طريق الهاتف :D .. وحياك الله وبأهل الخليج كلهم ..

كبسة مايعلى عليها تسلم يمينك
حياك ربي اخي الكريم ..

تسلممممم يمينك ياالمصمك التميمي
ولاهنت يالذيب
لا ندمت اخوي الكريم ..

ماشاء الله تبارك الله الله يبيض وجهك شغل متكتك بس ناقص الدقوس
ههههه ياخوك معتادين بالبيت كثر الدهن وانسى الدقوس .. أبشر انشالله باللحم نجيب الدقوس .. والحشو بعد :D

تسلم يمينك
ويمناك عالرد عزيزي ..

رحنا للكويت مانشبع من عيشهم ماشاء الله عليك ويعطيك العافيه
بالعافية عليك عزيزي ، و الود ودنا كان ندز لكم عالنت العيش :D .. لكن الحق واجب وانا اخوك ..

الله وش ذا

مبدع بالشرح مصمك

والف شكر

وبالعافيه

ولازم نجربها

اخوووك طويل شبور
ابشر انت هات العنوان بس ومالك الا طيبة الخاطر ..


مشاء الله تبارك الرحمن
تسلم يمينك يا التميمي
حياك الله ولد عمي :) .. زادني شرفا مرورك الميمون ..

مشاء الله عليك
وبالهناء والعافيه
الله يعافيك الصقر ;)

يه يه يه يه

شغل عدل

تسلم اييد الوالده وايدك (عشان كتبت ههههههههههه)

وكملتها سكانه ام انقيطه :)

يبيله

ان شاء الله اسوي قباقب وانزل الموضوع :)
هههه عزيز وغالي ولد الديرة ,, بس القباقب عساها حمسه :D ، بس انطر بالصيف سوها ، الحين وقت المجابيس والمضاغيط والمندي :D

لاهنت علي المجبوس
او الكبسة
وننتظر جديدك
شكرا عزيزي ..

ههههههههههه شناوي علينا يا التميمي دهن عداني خخخخخخخ لا ويكون مكحلها موزرلا يعني اخف
اما رقم 4خخخخخخخخخخخخخخخ
عسى مو انت الي طابخة ترا عيب الريايل يطبخون بالبت بس بالبر ولا المزرعة ولا الشاليه عادي
و المرة الياية دقوس وانت ما تدري
ههههههه طال عمرك انجبرنا بالطباخ بحكم الدراسة في الخارج :( ..

مكبوووس روووووعه

وماقصرت

والف شكر لك
الف شكر على ردك الجميل سوالف ..:)

والعذر عالتأخير :)

[السهلى 1]

مكيبيسه خصم الخصم , تسلم ايدك وايد الوالده والدهن ترى مو موزرلا هذى جبنه انت تقصد
مازولا ....


تدرى وشناقص هالطبخه ؟

دقوس طماط خاثر مع ثوم

+++ حشو على العيش من كشمش ونخى وبصل باالكويتى والمعنى زبيب وحمص صغير واونيون


يسلمووووووووووووووووووووووووووو مليوووووووووووووووووون

[مصمك تميم]

مكيبيسه خصم الخصم , تسلم ايدك وايد الوالده والدهن ترى مو موزرلا هذى جبنه انت تقصد
مازولا ....


تدرى وشناقص هالطبخه ؟

دقوس طماط خاثر مع ثوم

+++ حشو على العيش من كشمش ونخى وبصل باالكويتى والمعنى زبيب وحمص صغير واونيون


يسلمووووووووووووووووووووووووووو مليوووووووووووووووووون


هههههه عدل عدل ماوزلا مو موزريلا :) ياخوك عليمي اعذرني :D
ياااااااه الحشو ( كشمش ونخي وبصل ) عز الطلب والله ..
تسلم عالتعقيب السليـــم عزيزي ..

[الغزال الشارد]

ماشاءالله تسلم يمينك اخوي واستاذي مصمك تميم وبيض الله وجهك والى الامام وتستاهل ثلاث نجوم...وبنتظار جديدك....اخوك ابونايف

[عاشق السيل]

ياعيني على المتشبوس اللذيذ !!

بيض الله ويهك يالنشمي ذكرتني والله بالمسلسلات الكويتية هههههههههههه !!!

عافاك الله وسلمت الأيادي والله يخلي لكم الوالدة مع الصحة والعافية وتقبل مروري يالغالي ....

[العتين]

الله يعطيك العافيه

[الشمالي3]

ماشاء الله شغل مايحتاج
تسلم يدين الوالده والله يطول بعمرها ويحفظها لك ان شاء الله
وبعد تسلم يدينك يالغالي
تحياتي لك

[بن شمروخ]

ودي ارد بس دخت الله يهديك

يازين مشابيس الكويت زيناهـ

واستكانة ام دقة >> على قولة جيرانكم

لها طعم ثاني

[ياعين ابوي]

تبآرك الرحـــــــــــــــــمن .. أبدعت الله يخليلكـ الوآلده ويردكـ لهآ .....

http://ahyaarab.net/images/171.gif

[مصمك تميم]

تبآرك الرحـــــــــــــــــمن .. أبدعت الله يخليلكـ الوآلده ويردكـ لهآ .....

http://ahyaarab.net/images/171.gif

آآآآمين يارب .. أشكر مروركِ أختي ..

ماشاءالله تسلم يمينك اخوي واستاذي مصمك تميم وبيض الله وجهك والى الامام وتستاهل ثلاث نجوم...وبنتظار جديدك....اخوك ابونايف

أحرجتي برفسوري الكبــير بونايف بردك الجميل .. لكن العين عمرها ما علت عالحاجب وانا اخوك .. نتعلم منك الجديد واللذيذ :) ..

ياعيني على المتشبوس اللذيذ !!

بيض الله ويهك يالنشمي ذكرتني والله بالمسلسلات الكويتية هههههههههههه !!!

عافاك الله وسلمت الأيادي والله يخلي لكم الوالدة مع الصحة والعافية وتقبل مروري يالغالي ....

ووجهك أبيض ..
ههههه المسلسلات الكويتية والقديمة خاصة مالها الا ( مموش ) مع ( دقوس صبار ) هههههه
الله يرفع قدرك بمرورك الغالي ..

الله يعطيك العافيه

الله يعافيكويخليك وبيت مكه يوديـــك .. :D


ماشاء الله شغل مايحتاج
تسلم يدين الوالده والله يطول بعمرها ويحفظها لك ان شاء الله
وبعد تسلم يدينك يالغالي
تحياتي لك

تسلم أناملك المباركه بالرد المبارك ..

ودي ارد بس دخت الله يهديك

يازين مشابيس الكويت زيناهـ

واستكانة ام دقة >> على قولة جيرانكم

لها طعم ثاني


استكانة ام دقه على قولتك أغلب الشيبان مايشربون الا منها .. ( تعصب للستكانه ) :D :D
مدري وشحادهم عالتطور هههه ..

شاكر لكم ردكم الوافي أعزائي ..

[ســـرحـــان]

شرح طيب ... واسلوب اطيب ... واثارة وتشويق مايحتاج .. كاني انتظر الحين باسمع كلمة يالله ياشباب طاح .. (طبعا طاح بالكويت لما تكون الجمعة مافيها غريب ربع يعني ويقلطون للعشا يقولون يالله طاح )

[مصمك تميم]

شرح طيب ... واسلوب اطيب ... واثارة وتشويق مايحتاج .. كاني انتظر الحين باسمع كلمة يالله ياشباب طاح .. (طبعا طاح بالكويت لما تكون الجمعة مافيها غريب ربع يعني ويقلطون للعشا يقولون يالله طاح )

شاكر لك ردك اخوي ., طاح الغدا أو العشا يعني الأكل جاهز للضرب :D
بمعنى آخر طريقة للتفاهم بين الأصحاب والعائلة بأن الأكل راح يتم خمس دقايق وبعدها ماتشوف الا والسفرة تتنظف :) ..
متشكر مرورك المبارك عزيزي ..

[أخت البنات]

امووووووووووووووت على الاchل :) الكويتي

لذييييييييييييييييييييييييييييييذ حييييييييييييييييييييييييييييل:good:

[مصمك تميم]

مشكوره اختي .. لكن شقصدج بالأchــل ؟؟؟
يعني الأكل ؟؟

[أخت البنات]

واضحه الله يسلمك انها الاكل
على وزن مـchبوس:cool:

[مصمك تميم]

عذراً لكن كنت أحسب أنك تعتقدين إن في الكويت تنطق هكذا ..
السموحة أختي ..