قير الماركيز ما يعشق

[wahm66]

السلام عليكم

تكفون يأخوان ابي الفزعه
موتري جراند مراكيز 98
المشكله باختصار السياره ماتمشي لما اعشق بـD ,1, 2 و R
ويطلع صوت وصوصه يزود كل ما ادعس وهي واقفه بـN ويخف لما احطها بـD
وبالطبلون ماشتغلت به ولا لمبه (الاكتروني)
مع ان الماكينه تشتغل زي الحلاوه (البواجي جديده)

وش تتوقعون المشكله

متغرب في امريكا

[zyarahmy]

شيك القير عند الملحم او ترايستار لا تصلح عندهم

[تميمي]

خخخخ يقول في امريكا الله يصلحك

بالنسبة للقير اخبر القراند ماركيز فيه مشكلتين بالقير

الاولى من الفيوز شيك عليها

والثاني الزيت حق القير ناقص ولا محروق

والله يعينك

[wahm66]

مشكور ياzyarahmy على محاولتك
----------------
ويعطيك العافيه يالتميمي
الزيت وردي وكامل مابه الا العافيه

بس الفيوز اللي تقول وين مكانه وين القاه (فيوز معين ولا كيف)
لو تصوره 6x4 وتضيف الصوره يكون احسن بعد << الميكانيكيه عندنا ياخذ 80$ بالساعه والحسابه بتحسب

....................

[ahmad995]

عندك الفلتر حق القير
والزيت
والحساس
كلهن شيك عليهن

[تميمي]

والله ياخوي أني ماخذ العلم من المشرف اصيل حجازي وهذا كلامه


لـكـني أكـآ د أجـزم أن أغـلـب مـشـآ كل القير:
أمـا نقـص أو الـزيت مـحـروق أو نــآ شـف :

هـذا أن لـم تـكـون تـوصـيـلات الـتـعـشـيـق أنـفـصـلـت /
أو الـفـتـآ يـل { الفيوزآت } محروقة.

وهذا رابط الموضوع , وكان لواحد القير ما يعشق معه

وغير الفيوز وضبط معه , عاد ارجع للموضوع ولا راسل اصيل حجازي

ان شا الله يفيدك والله ييسر أمرك ويعينك

http://www.mekshat.com/vb/showthread.php?t=237247

[shaheenshah]

اخي الكريم
سالفة الفيوز ما راح تنفع لك ليه؟
لان الموضوع اللي فيه الفيوز المشكلة ان عصى القير ما تعشق والسبب الكهرب قاطع عن الفرامل (سيارات الاوتوماتيك ما يعشق القير الا لين تضغط على الفرامل وبعدين تسمع زي الطقه خفيفة هذي طقة القفل الكهربائي واذا احترق الفيوز ما عاد يفتح القفل وما عاد تقدر تحرك عصى القير)

خلفيتي عن القير الاوتوماتيك قليلة
ولكن اتوقع مشكلتك في كلتشات القير عندك محروقه

[zyarahmy]

خذ لك لمبه فحص
وافتح غطاء الفيوزات اللي تحت الدركسون واشبك السلك في اي مكان اهم شي يكون المكان اللي بتشبكه في حديد
وتفحص الفيوزات من اولها الى اخرها

وشلون تعرف اذا الفيوز خربان والا لا

بعد ما تشبك طرف لمبه الفحص
دق سلف الموتر بس لا تشغل
الفيوز يجي فيه حديدتين اذا لمست الحديدتين واشتغلت الثنتين الفيوز شغال 100/100
اذا لمس الحديدتين وكلها ما اشتغلت الفيوز شغال 100/100
اذا وحده اشتغلت والثانيه ما اشتغلت الفيوز محترق

شيله وغيره وافحص الجديد على طول
اذا نفس اللي شلته يعني ما استحمل واحترق
غيره بواحد يزيد عنه ب5 انمبير

وسكر الغطاء وحط الللمبه في الشنطه ووفر فلوسك

[wahm66]

الله يعطيكم العافيه ويقويكم

اول ما نصبح ان شاء الله ابي اتفاهم مع الفيوزات كلها

[zyarahmy]

وش صار معك