المساعد الشخصي الرقمي

مشاهدة النسخة كاملة : ارتفاع ...اسهم.... مكشات .....في بورصة.........المنتديات


خشم الحصان
12/10/2004, 12:25 AM
الاخوه الغالين
السلام عليكم
قبل اشهر كان العدد الي يدخل المنتدي مابين 25 الي 40 تقريبآ وذالك لعدة اسباب منها الاجازه والسفر لكن الحين الي متابع عدد الدخول يشاهد ان الاسهم مرتفعه يعني مقصودي ان الربع بدو يرجعون الي مكشات وهذا يدل علي حب الاعضاء والمشرفين لمنتدهم الطيب وكانت المشاركات قليله وا الردود اقل في ذالك الوقت مماسبب بعض الاحباط (الاحباط) هو ضيقة الصدر لي ولكن الحين ارتاح صديري يوم قمت اشوف الرقم من 100 الي 110 واكثر بعض الوقت ويدخل في هذا الرقم الزوار ولكن هم نقول حلو اليوم زائر وباسر عضو وعقبه مشرف ليش لا الي ابقوله لكم
لاياكم تبيعون اسهم مكشات ببخس الاثمان خلوها ورث لعيالكم ولا يغركم اسهم الشركات الاخر ترها سحابة صيف بروق ورعود ولاهنا مطر والمعني في بطن الشاعر
الله يغفر لنا ولكم ومبروك علينا وعليكم قدوم شهر الخير
اخوكم
خشم الحصان
راعي محل
12/10/2004, 12:47 AM
وانا جيت

شراي لاسهم مكشات
وابشرك ما نيب بايع لو تطير في السماء نسب :eek:
<<==== تهقاه صادق ;)

حياك اخوي

لكن تعال تقول خشم الحصان ومسمي الديرة الصمان ليش ما هيب الرغبة او البرة .حيث ما هو موجود

<<< الله من الحربثه والبثارة والله يعينك يا خشم الحصان عليه , حبك من اول مره :D :D
((( الحر)))
12/10/2004, 12:50 AM
تسلم ياخشم الحصان .... وبارك الله فيك...!!!

اولا مبروك التوقيع وصراحة توقيع رائع وارشحه يدخل مسابقة اخوي ومشرفنا المرى...!!!

المهم

ارسل لي احد الربع وهو من زوار مكشات وليس من الاعضاء قصيده خاصة بمكشات يثني فيها على المنتدى والقائمين عليه ويقول هذي رد بسيط لما وجدته في مكشات من فوائد...!!!

وسوف اقوم بعرضها بالمنتدى خلال الايام القادمه...!!!

تحيتي..........اخوك...............((( الحر)))...!!!
عروان
12/10/2004, 01:16 PM
أبو جراح

أسهم مكشات نعتبره أصول مهي أسهم بس.


الله يجمع الاعضاء و يزيدهم

و المنفعة مشتركه
GENERAL 3NTAR
12/10/2004, 02:36 PM
السلام عليكم ورحمة الله وبركاته

منها للاعلى ان شاء الله
أبو يوسف
12/10/2004, 06:30 PM
الله يزودهم
وملاحظة دقيقة اخوي أبو جراح

بس اللي أعرفه ان اللي يهرجون بالأسهم والبورصة هم كبار السن ( محنب خادشين وجارحين بعض الناس )
وانا على حسب ما أعرفه ان عمرك ثماطعش :)
وشلون ؟؟

مشكور ومع التحية
خشم الحصان
12/10/2004, 09:15 PM
الاخوان في الله
السلام عليكم ورحمة الله وبركاته
حياكم الله والسلام تحيه
.........................
الاخ
الغالي
راعي محل
هلا بك و مرحبا وطع شوري لا ياك تبيع تراه يفك ضيقة الصدر والهواجيس
طيب انت الحين تقول البلد الصمان والدهناء ايه صح لئن البلد لي تكشت فيها غير البلد لي تولد فيها بعدين انت تشتغل مع حقين الاحصاء الله يعين الخشم علي ولا الله يعيني علي الخشم تدري كلهن سوا كلن الله يعينه علي الثاني حياك الله يابعدهم والله يغفر لنا ولك ويجزاك عنا كل خير علي المرور والمشاركه
اخوك
خشم الحصان
...............
الاخ الحبيب
(((الحر)))
حياك الله يابعدهم وهلا كل الهلا بمرورك يالغالي وتسلم والله انت الله يبارك فيك وعاد ياخيي ترفق شوي وش دعوا مامداني افقس الا القس يعني مامداني احط توقيع الا مرشح روحي ومن بيرشح قطعة هالبلاطه وكل من وديته له في الصناعيه قال ماعندنا مكينة قص كبره لكن الله كريم.
القصيده فيني انا :D :D مشكور الله يغفرلك ويرفع من قدرك يابعدهم علي مرورك والمشاركه وتزيني طلتك
البهيه ولو مع الدريشه وانت مسرع
اخوك
خشم الحصان
....................
الاخ الغالي
عررررررررررررروان:mad: :mad:
انا الحين باحل بكلمة (اسهم. وبورصه) سمعها البارح في الاخبار وانت جبت وحده معرفها (اصول)
هي اكبر من الاسهم:D :confused: .
اللهم امين الله يزيدهم ويطرح فيهم البركه لاخوانهم المسلمين امين ومشكور يابعدهم الله يثيبك
اخوك
خشم الحصان
............................
الاخ الكريم
GENERAL 3NTAR
الله يقبل منا ومنك امين وجعلنا نشوف مكشات نجم عالي يشار اليه بالدربيل والتلسكوبات ومشكور يابعدهم والله يجزاك عنا بدخول الجنه علي المشاركه و المرور.
اخوك
خشم الحصان
..............................
الاخ :mad: ابو:mad: هديل
انت وش مسلطك علي بها الرموز الي لا هيب مكشاتيه تعال نسدح حسيك
1-ملاحضه دقيقه هذي مشكور عليها الله يغفر لك
2-بس اللي أعرفه ان اللي يهرجون بالأسهم والبورصة هم كبار السن......... بدينا في البطانيج والرقله
يعني قصدك اني (منهم) حقين الجفره ;)
3- ( محنب خادشين وجارحين بعض الناس )......... خذ نقدي خادشين علي وزن خشم تقولي ليش لنا اقولك اول حرف من الكلمه(خ) صح واخر حرف(ن)اذا علي وزن خشم الحصان
وجارحين علي وزن....... جراح..... و (ن) مدري وش جابها :confused: مدري ياخيي
4-(وانا على حسب ما أعرفه ان عمرك ثماطعش)........... عرفنا قصدك هالكلمه علي وزن قم تعش والي يتعشاء مبسر ينام ......... صح اخيي ورا ماتقول (شايب ) وتريحنا الله يغفرلك ويثيبك يابعدهم رجيت سحيلة راسي .....بمان الله
اخوك
خشم الحصان
بليزر
13/10/2004, 08:55 AM
الله يردهم لنا
وينفعبهم المسلمين
وجزاك الله كل خير لحرصك على المنتدى الرائع
عبد العزيز العجاجي
15/10/2004, 09:43 PM
الأصل كُتب بواسطة بليزر
الله يردهم لنا
وينفعبهم المسلمين
وجزاك الله كل خير لحرصك على المنتدى الرائع
خشم الحصان
15/10/2004, 11:48 PM
الاخوه الغالي
مرحبآ فيكم وكلن بسمه
...............
الاخ الحبيب
بليزر
حياك الله يابعدهم وياهلا كل الهلا بك ومشكور يالغالي علي المشاركه والمرور والله يتقبل منا ومنك الدعاء امين بهالشهر الكريم الله يردهم لنا وينفع بهم المسلمين
الله يغفر لنا ولك ويثيبك يالغالي
اخوك
خشم الحصان
.................................
الاخ الكريم
المرشد
حياك الله يابعدهم مثل ماقلنا الاخ بليزر نقولك
اخوك
خشم الحصان