المساعد الشخصي الرقمي

مشاهدة النسخة كاملة : سؤال ياهل الخبره بالباترول


ابو99
07/11/2009, 12:45 PM
عندي الباترول فيه تقظيع وقالوالي اهل الورش طرمبة بانزين وقريت في منتدانا الغالي ان طرمبة الvxrتركب علي الباترول وعندي عدة اسئله من يعرف يجيب جزاه الله ا لخيرمشكور
1- تركب الطرمبه بدون ترهيم اوتبديل بالكهرب
2- كم موديل التايوتا الvxr
مع العلم انني سبق غيرت الظرمبه من عند محل باتيس قبل 8شهور ب500ريال على انها اصليه ولم تكمل سنه وسلا متكم
ابو99
07/11/2009, 01:00 PM
وين اهل البواترل
عنيد الجبيل
07/11/2009, 01:53 PM
انا ركبت طرمبة فتك 2002 وماشية زي الحلاوة
ابو99
08/11/2009, 11:46 AM
68 الذين شاهدوا الموضوع ولا ردا الاواحد جزاه الله خير
الحسام الصارم
08/11/2009, 11:59 AM
هلاوغلا ابو99
الي معك الباترول99صح
راعي الطلعات
08/11/2009, 12:10 PM
الي معك باترول بخاخ ولا كلبيتر

ومتى يكون التقطيع عندك في بداية التحرك ولا في وسط القيادة
وهل السياره وانت واقف تتفتف

ياليت الافاده
pateeka
08/11/2009, 12:19 PM
السلام عليكم

انا ركبتها عندي ومن احلى مايكون ومافيها اي ترهيم
انا ركبت طرمبة Vxr موديل 99
abo-lma
08/11/2009, 12:25 PM
السلام عليكم

انا ركبتها عندي ومن احلى مايكون ومافيها اي ترهيم
انا ركبت طرمبة Vxr موديل 99


ركبتها عندك على أيش مركبها على جيب والا ددسن والا والا

ياليت توضح نوع موترك اليي انت ركبت عليه وموديله وكم كلفت الشغله

لايكون الرد مبهم نبي الفايدة تعم الجميع
سوبر VTC
08/11/2009, 07:31 PM
الجيب الصالون م98 و طالع
يركبون له طرمبه فتك :good:
لان طرمبه 98 شد البلد (غبية جدا و تضعف و تخرب)
عندك ورشة التركي ابو صالح بالصناعيه القديمه
تخصص نيسان
ان بغيت ورش بالقصيم علمن
طرمبه الفتك ناجحة :good:
سعره ب340 الى 380
عندنا الكهربائي العثيم ببريده
يركب للباترول طرمبه فتك
ان حبيت يركب لك حقت فكسار م98 الى 2007
كلهن نفس بعض
يعني على حسب طلب الزبون
سعر حقت الفكسار ب530ريال تقريبا


انصحك بطرمبه الفتك :good:
لانه نفس ضغط طرمبه الفكسار
ما بينهن فرق يذكر

موفق
ابو99
09/11/2009, 01:38 PM
جزاكم الله خير جميع من قرأ أو رد او استفسر
الموديل 99 بخاخ
التقطيع والكتم عند المشي بالديره وكذاك بالخط مايمش الا120 والسلام للجميع
سفاري959
10/11/2009, 01:56 AM
السلام عليكم ورحمة الله وبركاته
اخوي مشكلتك اتوقع انها في الكهرباء
وتحياتي لك
سوبر VTC
10/11/2009, 06:33 AM
جزاكم الله خير جميع من قرأ أو رد او استفسر
الموديل 99 بخاخ
التقطيع والكتم عند المشي بالديره وكذاك بالخط مايمش الا120 والسلام للجميع


تاكد اولا من ضغط الطرمبه
لانه ما تعطي بنزين كافي الى المكينه و الى البخاخات
بعد ذلك اذا الموتر تلقلق بلوفه
اوزن الديلكو 8 10 + وزن البلوف
اذا بغيت تعرف وزنة الديلكو المضبوطه
فز الموتر بالاول خل البنص يوصل 4
اذا كانت فزته قوية فالوزن تمام :good::good:
تاكد من منظم الهواء يحتمل خربان
فلتر بنزين بواجي اسلاك بواجي الاسلاك يحتمل تهرب كهرب
اهم شي ابدا بالطرمبه
فك لي الدفع اللي راكب على البخاخات و اشبكه على ساعة الفحص
طرمبه الفكسار ممتازة لانه تعطي بنزين بزياده الى البخاخات (تطكي احتياج المكينه)
و بالتالي يخف الموتر نسبيا (الصرفيه مادري عنه)
ابو99
10/11/2009, 01:46 PM
ذهبت امس العصر الي ورشه ذكرها لي احد الاخوان في منتداناالغالي سوبر vTcجزاة الله خيرصاحب الورشه الهبيش بحي خضيرا ببريده فحص الموتر وقال عندك ضعف بطزمبه البانزين وخرطوش البخاخ الي يوصل بالقربه .
وقال جب لي اطرمبة بانزين امريكي رقم 1-240وفعلا وجدت الرقم علي الكرتون وشريته ب 260 مع الفلتر وشريت الخرطؤش وغيرتهم وابشركم ان الموتر يفحط بالخامس مع العلم اني شريت من قبل كم شهر طرمبه من محل باتيس وكلفتني 500ريال وخربت وتحيا تي للجميع واشكر الجميع علي تعاونهم
راعي الطلعات
10/11/2009, 02:22 PM
الحمدلله شي طيب وفعلا الاخوان ماقصرو

وبالنسبة للطرمبه الي شريت هي حقة فورد او انها اسمها كذا طرمبه امريكيه رقم 1-240

شكرا وسعيد جداً على انتها مشكلتك :)
ابو99
14/11/2009, 01:19 PM
راعي الطلعات الله يحيي الجميع طرمبه كابرس الله يحفظك
راعي الطلعات
14/11/2009, 01:37 PM
راعي الطلعات الله يحيي الجميع طرمبه كابرس الله يحفظك

جزاك الله الف خير

الله يحفظك ويرزقك ووالدينك الجنة

شكرا على الإفادة
pateeka
15/11/2009, 08:52 PM
السلام عليكم

انا مركبها على سوبر سفاري اتوماتيك موديل 99 والطرمبه كلفتني 580 اما شغل اليد فانا مركبها بالبيت عندي.