المساعد الشخصي الرقمي

مشاهدة النسخة كاملة : طرمبة ألبنزين وألا ألسلف؟؟


تاهو2007
07/11/2009, 01:43 PM
ألسلام عليكم

لاهنتوا يالربع وش أفضل ورشة لليوكن XL موديل 2002 عندي مشكله مدري من الطرمبه وألا ألسلف ... ألموتر كل يوم واقف مايشتغل ..ومرة يقولون طرمبه ومررره يقولون سلف والمخباة أنشقت :j

أفيدونا جزاكم الله خير
ريشه صقر
07/11/2009, 03:00 PM
البطاريه جديده ؟؟
تاهو2007
07/11/2009, 03:05 PM
ألبطارية جديده مالها شهرين... بس المشكله الموتر هذي ثالث مره أصلحه .... السلف يدق لكن مايشتغل ... أحد يقول سلف او فيوز...وأحد يقول طرمبة البنزين ...وفك وركب ومافيه فايده نفس المشكله تنعاد بعد اقل من أسبوع ....وماتدري الصدق وين !!
سوبر VTC
07/11/2009, 03:16 PM
و عليكم السلام و رحمة الله

مر على مواضيعي اللي بالتوقيع

جميع اعطال الطرمبه + معاناتي مع الجمس + فك الطرمبه

اعتقد المشكلة يا فيش راخي او ريقيوريتر ماصورة البخاخات

تاكد بعد فتح السويتش هل الطرمبه له صوت ام لا ؟؟؟؟

اذكر موقعك عشان يدلونك الربع على ورشة زينه

موفق
تاهو2007
07/11/2009, 03:21 PM
مشرفنا الغالي ,,, بارك الله فيك ... وسوف أقرأ المواضيع بتمعن من كثر ماعانيت ... موقعي بالرياض ....
Magellan
07/11/2009, 04:02 PM
عندي لك كهربائيين 2 على كيف كيفك
بس المشكلة انهم في غرب الرياض
طبعا على حسب اللي اشتغلوا عندهم مدحوهم:


المشاركة الأصلية كتبت بواسطة ابو الجازي http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=3180863#post3180863)
سلام عليكم ورحمة الله وبركاته

من ناحية الطرمبه انا صارت لي قصه معاها خربت علي وركبت الاصلية بسعر 1200 ريال

وبعد شهر بالتمام والكمال خربت علي وسبحان الله كنت رايح اشتري اغراض يوم الثلاثاء لطلعتنا البر

وماراحنا هذاك اليوم ووصفلي واحد من الشباب محل صغير موقعه في معارض الشفاء باكستاني اسمه رشيد

جيتته وقلتله الموضوع كامل قال ولا تزعل قال اركب لك طرمبة فكسار وفعلاً ركبها ولله الحمد والمنه لها سنتين

الى الحين ماستنكرت شر منها ومركبها على جمس حوض مديل 97 واسم محله المقاطي قبل لا تدخل البرحة

حقت الشفاء اطلع سيدة خل دخلت البرحة على يسارك ووجهك غرب تحصله على يسراك قبل المسجد الي على

يمين وبالتوفيق يالغالي وان شاء الله انك استفدت يالغالي ابو الجاازي

وهذا الثاني:


بالنسبة للسيارة حصلتلي مطوع سعودي عندة ورشة ومعه مثل موتري بس اقدم شوي وقالي مباشرة الطرمبة وفعلا مثل ماقال وقالي لاتاخذ وكالة رح وجب لي طرمبة في اكس ار 8او 6 سلندر تركب مباشرة بس نغير الفيش احسن من الامريكية وماراح تخرب ان شاء الله عليك والرجال عنده فلبيني ممتاز بالمرة ويرهم طرمبات وراني عنده اكثر من طرمبة لجموس ويوكونات والسيارة اطلعها اليوم بعد المغرب ان شاء الله والصناعية هي صناعية العاصمة الي بغرب الرياض امتداد طريق المدينة المنورة والورشة اسمها ( ورشة درب القافلة ) شغل يدة 200 ريال ونصحني اعبي بنزين 95 يقول ان 91 يسبب خراب الطرمبة على كلامة ..... على فكرة طرمبة البليزر عند التقوى بسعر ( 990 ) ريال وفيه ناس عندها بسعر (1300) ريال !!! واحس انهم حرامية ! ..................