الفزعة بالنصيحة يااخوان في كامري

[نايف الصقار]

السلام عليكم ورحمة الله وبركاته ودي اسأل عن الكامري وارد امريكا يعني استخدام امريكي
لقيت وحده موديلها 2006 ماشيه 91 الف السيارة نظيفة بس ودي تعطوني النصيحة يااخوان
تكفون ودي اشتريها صاحبها طالب 46000 ريال ....

[عاشق الvx]

عليكم السلام ورحمة الله وبركاته
اخوي الي اعرفه عن الكامري الامريكية ان بعض قطع الغيار ماتحصله
بعدين بها القيمة خذ سعودية افضل لك وانا اخوك ...
اتمنى اني افدتك,,

[نايف الصقار]

الله يكرمك ويجزاك خير شكرا ياخوي عاشق على النصيحة والفائدة

[ذيب عالية نجد]

غاليه نوعاً ما
لاكن نصيحة لوجه الله لاتاخذ إلا سعودية قطع غيارها موجودة غير كذا تنفعك عند البيع في المستقبل
على العموم الله يعطيك من خير السيارة اللي بتشتريها ويكفيك شرها
تحياتي لك

[تاج1426]

مشكلة السيارات الامريكية تشوفها من برا وتقول هذي نفسها اللي عندنا
لكن اذا فكيت المكينه ـ لا سمح الله ـ او بغيت تغير شي غير واضح وخاصة بعض الكراسي في السياره ما تحصل مثلها وخاصة التجهيزات الكهربائيه .
وتحياتي

[ابومعزي]

الاخ نايف انا لدي كامري موديل 98 استخدام امريكي وقبل لا اشتريها ما فيه واحد مدحها كل الناس يقولون قطعها ماهي نفس السعودية وهذا بسبب اصحاب محلات قطع الغيار الكذابين
والله العظيم اني اروح جميع محلات القطع ووكالة تويوتا واطلب قطع 98 سعودي وتطلع نفسها واركبها
اهم شي اذا رحت محلات القطع لاتقول السيارة استخدام لانهم بيقولون القطع ماتركب
بالرغم انها نفسها حتى القطع اللي داخل المكينة نفسها وطبعا محلات قطع الغيار اذا جيتهم وشافوا السيارة واقفة عند الباب قال ما عندي قطع استخدام واقول له عطني قطعة سعودي ويعطيني وتطلع نفسها
اسف على الاطاله بس حبيت الجميع يستفيد

[Gx-R2000]

ياراعي الكامري انا ماانصحك تشتريها لان اسعمالهم هناك غير هنا هم يزيدون الزيت مايغيرونه وانت استخر وتوكل على الله :d

[P A T R I O T]

السلام عليكم
اخوي والله غاليه مره
لا تخذها دورلك سعوديه
بي التوفيق