شيروا علي يالكشاتة ,,

[الداير11]

بسم الله الرحمن الرحيم

إخواني أعضاء منتدى مكشات الأعزاء ..السلام عليكم ورحمة الله وبركاته ..

وبعد ....


أسعد الله مساكم بالخير ..

روي عن الرسول صلى الله عليه وسلم أنه قال : { إذا استشار أحدكم أخيه فليشر عليه }

وقال أيضا :{ المستشار مؤتمن }

وأخوكم مهوب مقتنع ولا نمعترف إلا بشوركم..

السالفة هي أن محاتسيكم عنده ونيت جمس بالمواصفات التالية :

1- الحجم قطع عشرة (1500 ).

2- القير عادي .

3- دفرنسين .

4- ماشي حوالي 320000 كيلو .

5- الموديل 1995

6- اللون أسود

7-الحمد لله السيارة إلى هالحين وهي سالكة ..

باختصار كامل والكامل وجه الله..هذا غير الإضافات اللي من عندي

اللي حصل أني لقيت عند واحد من الربع ونيت نفس المواصفات بس الموديل

يختلف (2000 ) واللون يختلف (أبيض ) والممشى طبعا أقل بكثير

وهالجمس ما يحتاج أخو الجديد وراعيه رجالن تكانة ( شروى من عندي )

عاد أنا ابي منكم الشور هو أنا أتوكل على الله وآخذه , وإلا أقضب قردك

لايجيك أقرد منه ,, وإلا وش السواة ..؟؟؟ وماخاب من استخار وما ندم من استشار ..

ولكم مني جزيل الشكر ..

ودمتم سالمين ..

[طحنون]

السلام عليكم ورحمة الله وبركاته
الداير 11
يالله حيه كيف حالك اخوي
الموتر موترك وانت ابخص فيه وانت اللي عارف اللي فيه واللي مافيه
يعني وجه نظري خلك على موترك
وما تدري يمكن اذا اخت الموتر الثاني تطلعلك خرابات انت في غنى عنها
وانت لك نظره
(ويرى الحاظر مالا يرى الغائب)
والتغيير زين ((حيرتك صح)
الله يوفقك
اخوك طحنون

[Bader-M]

اممممممممم

الشف وانا خوك في هذا الامر خاصه لا تشاور غير نفسك

لانك انت ابخص في موترك
و حالتك الماديه
...
اما بنسبه لرايي
بدال ما تحط دراهمك في سياره
حطها في بنك احسن لك او استثمرها

وما دام الموتر ما شي معك زي الوز
ليه تبيعه
وخاصه انه يفي في الغرض


ولك مني اجمل تحية

[Eagle]

مثل ماقالو الاخوان الموتر موترك وانت ادرى فيه
بس بنظري موترك بينت فيه الشيبات :)
عمره حول 10 سنين يعني بده يتهالك خاصه انه وانيت يعني محمل عليه وحق بر وراح تبين فيه الخرابات ويبدا يسحب من جيبك وبعدين قيمته تنخفض مع الفتره لانه قديم
الامر راجعلك واسأل احد مجرب الموتر الجديد وقارن بينهم
والله يكتب الي فيه الخير ان شاء الله

[الداير11]

السلام عليكم ورحمة الله وبركاته..

أخوي طحنون .. وأخوي طاير بالعجة .. وأخوي Eagle ..

أولا : أشكركم جميعا على التفاعل

ثانيا : قسمن بالله إن شوركم على عيني وعلى راسي .. وما يخفى علي إتفاقكم على شور واحد

وأنا متأكد أنكم ما تجتمعون إلا على خير ..وجعل اللي جمعنا في هالمنتدى يجمعنا في جنته قولوا آمين .

ثالثا : يقول أخوي Eagle ( واسأل احد مجرب الموتر الجديد وقارن بينهم ) ,

فياليت الأخوان اللي جربوا الجموس التالية يفيدوني .. ولكم ولهم كل الشكر والتقدير..

[وين يبون بنا]

هلا اخوي الداير..

انا من رأيي خلك على موترك .. وعطني رقم خويك لأني أدور جمس خل ابشريه .. :D

الله يطعمك من خيرهن ويكفيك شرهن كلهن ..

[كشاته]

السلام عليكم


أخوي أنا عندي قناعة أن مواتر البر لزم تكون ( سنايدية )

بمعنى تنحط على يمناك

موتر ينغزى به

كل ما كان جديد كل ما كان أأمن

وموترك زي ما قالوا الشباب ، بدى الشيب يظهر عليه (3200000) مب سهله

والقاعدة تقول /// بع الموتر كما يطلب منك .

أتمنى إني أفدتك

[الداير11]

السلام عليكم ورحمة الله وبركاته..

أسعد الله مساء الجميع بالخير..

أخوي وين يبون بنا .. مشكور على ردك وشورك .. وياهلا بالسعي ..:D

أخوي .. كشاته ..مرحبا بك ومسهلا ورايك وقناعتك أنا معك فيها وعلى عيني وراسي

بس تسنك مكثر الممشى شويتين .. تشكر ياعم .