قطع غيار لقدر ضغط

[ابو نجود]

احد الاخوان عنده قدر ضغط اسمه sagor اعتقد انه اسباني ويريد محل يبيع قطع غياره فاين نجده؟؟ وجزاكم الله خيرا..

[ابولولو]

اخوى اذكر السيف عنده وفروعه منتشره

[ابو نجود]

جزاك الله خير..

[abo-lma]

احد الاخوان عنده قدر ضغط اسمه sagor اعتقد انه اسباني ويريد محل يبيع قطع غياره فاين نجده؟؟ وجزاكم الله خيرا..

السلام عليكم ورحمة الله
عندنا في جدة محل أسمه ( العطاس) يبع قطع غيار الاجهزة الكترونيه بأشكالها

وأيضآ قدور الظغط

أذا مالاقيت القطعة اليي أنت تبيها

عطني أسمها وانا أجيبها لك وارسلها لك

ومثل ماتفضل أخونا أبو لولو السيف عنده قطع غيار لقدور الضغط

موفق خير

[سرهيد]

السلام عليكم

وش نوع القطع اللي تبي بالضبط ويمكن اخدمك ببعض المحلات اللي بتلقاها عندم

تقبل مودتي

[مشعل العيسى]

ماشاء الله... الشباب جزاهم الله كل خير ما قصرو ..

سبق لي ان بحثت قبل عدة ايام عن صفاره قدر الضغط مولينكس القديم .. والحقيقة عجزت ومالقيتها المشكلة مالقيت أحد يعرف وين القاها .. لكن لقيت محل عنده صفارة سب الفرنسي والحمد لله ركبت عليه وصارت نفس المقاس وقيمتها 30 ريال واصليه ...

اخوي ان كان قدرت تعرف من وكيله رح عنده وتحصل جميع قطع الغيار ...

يعني اذا مالقيت غرضك اسأل عن الوكيل وان شاء الله تلقاها عنده ... بالنسبة لمدينة الرياض شف عندك اسواق العويس مليانه محلات اواني منزلية ... وعندك ثلاثة محلات اتوقع يفيدونك البراك والدخيل والخليف وطبعاً يفتحون على شارع العليا ما عدا الدخيل ...
وكان تبي اي فزعة فأنا مستعد ..

والله ييسر أمرك ...

[ابو نجود]

جزاكم الله خير لتجاوبكم..والقطعة المطلوبة هي العمود او الخابور الذي يركب في وسط الغطاءوتركب فوقه الذراع والفرارة..
وعندي استفسار للاخوان الذين يملكون القدر الاسباني.هل تركب عليه قطع القدور الفرنسية ام لا؟؟
وجزاكم الله خيرا..

[سرهيد]

جزاكم الله خير لتجاوبكم..والقطعة المطلوبة هي العمود او الخابور الذي يركب في وسط الغطاءوتركب فوقه الذراع والفرارة..
وعندي استفسار للاخوان الذين يملكون القدر الاسباني.هل تركب عليه قطع القدور الفرنسية ام لا؟؟
وجزاكم الله خيرا..

هلا بك اخوي الكريم

بالنسبة للقطعة التي تسأل عنه فهذي نادرا ان تجددها

ما وجدته عند بعض المحلات هو الأيدي والصفيرة

لكن بالنسبة للعمود فلم اجد ذلك عند محلات الخزان وعند محلات ابن دايل وكذلك الشايب اللي في شارع سوق الغنم بعد المحكمة الكبرى تروح يمين يجيك على اليمين هذا يجي عنده قطع غيار

تقبل مودتي

[ابو نجود]

جزاك الله خير يابو عبد الله على تجاوبك..وسؤالي هل القطع الفرنسية تركب له؟؟

[سرهيد]

جزاك الله خير يابو عبد الله على تجاوبك..وسؤالي هل القطع الفرنسية تركب له؟؟

لا اعلم

ولكن لدي قدر اسباني وقدر سب ساجرب فيما بينهما واعطيك الخبر ان سمح لي الوقت

تقبل تحياتي

[قناص الووعول]

نو ع العطل جلبه الغطا

[فيصل الغازي]

السلام عليكم جربة تروح لسوق الحراج يمكن تحصلها في سوق الحراج تحصل بعض الاحيان قطع حق قدور ضغط ويمكن تحصل حق القدر الأسباني.