الحذر من الشنذرة

[770]

السلام عليكم ورحمة الله.......
صباح او مساء الخير
أحب انقل لكم المعلومة للتجنب والحذر
(بخصوص الشنذره)
يوم الخميس الماضي وديت طيري لعيادة الصقور بالرياض لإجرا بعض الفوحصات .وذكرت للطبيب بأن الطير عند العلف لأيأكل إلى شي قليل. فأسمع من بعض الصقارين ان سبب عدم شهية الطير للعلف تجمع الشحوم من بعد الربطة وعلاجه (الشنذرة) . فحذرني الطبيب من الشنذرة وتعرض الطير للأمراض منها
1- تضخم بالكبد
2- تضم بالأمعاء(المصران)
3- التهاب بجدار المعده
(الاعراض ضعف في جسم الطير بعد فترة)
أرجو العذر والسموحة على الإطالة

[صقار الحماد]

الشنذره حلوه للطير بعد القرنسه

[شامان 28]

يعطيك العافيه

[@قرناص@]

جربناها ولا فيها شيئ لاكن استخدامها بطريقه الصحيحه تقيك من الامراض .

[ابو امنه]

الله يعطيك العافية اخوي
ماتشنذر الطير الا تفحصه ةتتاكد انه خالي من جميع الامراض بعدين تشنذرة وعلى حسب طلريقة الشناذرة
موفق خير يالغالي

[راعي اللزقز]

السلام عليكم يالربع ترى كلام الرجال صحيح ويعطيه الف عافيه انا بعد وديت طير عندي للعياده مريض وقالولي ان الطير ملتهبه المعده عنده ومتجرحه وقلتلهم اني البارح مشنذره وحذروني منهاا لاكن اكثر الصقاقير يستخدمونهاا واناا انصح انكم تعطون الطيور الشناذره الطبيعيه وفي نفس الوقت قبل لاتعطيهاا الطير تحاول انك تزيتهاا عشان ماتجرح جدار المعده وبعدها عطه سكر نبات ام الكبسولات تراها اتعبت طير عندي

[القنـاص2008]

يعطيك العافي على المعلومة

[الحرالاكحل]

معليش يا الاخوان ممكن تفيدنا عن معنى الشنذره ومشكورين

[حر الجوف]

مشكووور والله يشفي طيرك

[@السيف@]

جزاك الله الف خير

[ذعذاع نجد]

اخوي770 اى طير يطلع من الربطة لا بد من الشنذرة يحذف الشبيكاء وسمونها بعد الشحمة تكبت على الطير وقت الهدد ولا يرغي الهدد واجد ولا بد من الشنذرة ومن زمان وحنا نشنذر الطيور ما جاهاء الا كلخير

[صقار رفحاء]

يعطيك العافيه كلامك صح بس افضل طريقه اللي هي تقصر علي طيرك وتدعيه وبعدين تفكر بالشناذر

[فتى الوداي]

الله لايهينك ويعطيك العافيه

[الفياض***]

الله يعطيك العافيه ,مشكور وماقصرت اخوي

[770]

السلام عليكم ورحمة الله
اشكر كل من رد على الموضوع وأبداء مرئياته . وليس بضروري انيكون كلام الطبيب هو الصحيح. ا لمثل يقول( أسئل مجرب ولاتسئل طبيب)فالتجربة خير برهان. فياما اطباء بشريه شخصو تشخيص خاطى واعطو علاج ليسى له علاقة بالمرض, فكيف للطبيب البيطري.فالعلم عند اهل الخبرة والتجربة........وشكرا

[راعي جالود]

عمرنا .. كله وحنا نشنذر الطيور

لكن تبدا .. مشكلة الشناذره .. أذا كبرتها .. زياده عن اللزوم .. أو .. صغرتها ..وثنتينهم مصيبه .. ودك تجيب قياسها بـ المليّ على الطير .. عشان لا تذووب فيه


والتوفيق .. من الله سبحانه وتعالى

[راعي الذيب1]

شاهين جرناس 5 سنين
و كل سنة نشنذره.. و كل سنة يبيض الويه و صايد له ميات الكراوين و يلحق لحوق الموت

عقب المقيض.. الشناذرة مطلوبة و الطير عديد عشان ما تعله
وبيطيب خاطره للقنص

السموحة

[كحيلان 2006]

السلام عليكم
من يوم عرفنا الطيور وحن نشنذر الطيور بعد الربطه ولا فيه شي تنظيف لا بد من الشنذرة يحذف الشبيكاء الي في المقيض بس تأكد من انا الطير سليم من الامراض عشان ماتوجع الطير وبعد ماتشنذره عطه حبوب اتهاب للحرص عليه او حليب سعوديه مع العلف بدون عظم


تحياتي : كحيلان