هل حقيقه هناك ربع شوزن

[SDR]

اخواني انا سمعت انهم يقولون ان الشوزن له ربع
انا اعرف ب الشوزن والنص به ربع ولا لا واذا به ابي صورته ولا صورت رصاصه

[حاتم البدراني]

صحيح فيه ربع يجي شكلها مثل الخرازه تعشيق
طلقه وحده ورصاصها بعد قريب من شكل الخرازه
نفس حديدته بس يجي اخرها مصكوك بملح حق البارود
ونادر ماتحصله وفشقها شبه مقطوع
واما الصور ماعندي لانها منقطعه

وانشالله اني افتك

[عاشق البر والصيد]

ايه فيه ربع شوزل وانصحك ماتشريها
لأن الفشق حقها مقطوع صعب مره تحصله

وللجميع تحياتي

[smk115]

السلام عليكم
ارى ان الاخوة كفو لكنهم اخطو بانة مقطوع انا واحد من ربعنا يشتري صندوق على الموسم الواحد كيف تقولون مقطوع
انا بالسعودية يمكن باماكن ثانية مقطوع

[dhym]

كيف مقطوع انا عندي ربع شوزن ، واليوم شاري فشق لاكن صراحه يالله
حصلتها ، شرية كرتون صناعة ايطالية
مقاس 6 ، فيه 50 فشقة سعره تقريباً 150

[يازين البر]

هذي هي

http://www.mekshat.com/pix/upload03/images131/mk32953_jh.jpg

[ماأعرف أحد]

مرحبا أخوي SDR
نعم فيه شوزن من نوع ربع
فيه طلقه وحده نفس الخرازه
وفيه أم خمس
أما بالنسبه لفشقها فهي حسب المنطقة اللي أنت فيها

وما أنصحك أنك تشتريها لأنها ماتصلح إلا للقريب :no2:
والساكتون أحسن منها بالنسبة للقريب .

[قانوص قديم]

ماقصرو الاخوان عطوك العلم الاكيد

[بقعااوي]

انا عندي وحده للبيع لني مالقيت فشقها ومن كان عنده يبلغني

[الكونترولCONTROL]

بعد الخرازة و الساكتونات القوية ما عاد له ذكر
و رصاصه أصغر من مقاس البطاريات الصغيرة
حسب ما اذكر كان يجي نوعين كسر و تعشيق !

[براوينغ]

والله اخوي موجوده الربع وخاصه عندنا بالكويت واجد الربع شوزن وموجوده بالمحلات وناس واجد يستخدمونها وبندق حلوه وخفيفه وصغيره وتصلح لطيور الصغيره ومتوسطة الحجم ,, مثل الدخل والحمام وإلخ وهي افضل من الساكتون لانها رش ترش الرصاص وينتشر وانا عندي وحده ايطاليه كسر ,, بس فيه عيب واحد عندنا بالكويت ان ما يجينا الا فشق نوع واحد الا وهو فيوتشي وسعره غالي اغلى من سعر فشق الشوزن ,, وبالنسبه لرميها حلوو وانا رامي فيها حمام وصفر والدخل وبصو(حصد) ,, والبندق حلوه ولكن بالسعوديه ما اعلم عن فشقها ان كان متواجد او لا واسمحلي على التقصير ,, اخوك ابوسعد

[شاهين2]

تنفع للطيور الصغيره وعلي الشجر يعني من مسافه قريبه وبس
وفشقها غالي ما تنفع

[R7AAL]

يا زين الربع والله ايام حلوه هذه عندي بالكبت اعطيها العيال الصغار يلعبون فيها تونسهم << ههههههههههههههههههههه

[نباك]

على الرابط بتلقى صور شوزن ربع المانيه سكادو ام وحده
http://www.mekshat.com/vb/showthread.php?t=277050




اتمنى اني افدتك بشي

[ابو عبدالله06]

انا عندي ربع للبيع وينك ياشاري

[الجنوبي007]

فشقها تتعب على شان تلقاه

[ibrahim.k.s]

اسمحولي ياراعي الربع انا ما عمري جربته لاكن جماعتي ولا واحد مدحه لي ويقولون لي السكتون احسن بمليوووووووووووووووون مره

ويقولون صوته كذا : تث تث تث تث هههههههههههههههههه

[الرامي الماهر]

كيف مقطوع انا عندي ربع شوزن ، واليوم شاري فشق لاكن صراحه يالله
حصلتها ، شرية كرتون صناعة ايطالية
مقاس 6 ، فيه 50 فشقة سعره تقريباً 150


اخوي لاهنت انا في جده وابي اشتري فشق الشوزن ربع ومالقيته اذا في امكانية اتواصل معاك وتفيدني او احد الاخوان لاهنتو والقلب داعيلكم

[باترول_94]

طيب بكم سعرها ؟؟

[ابو دعيع]

نعم يوجد هناك ربع شوازل مثل ماقالو الأخوان

[صلفان.نجد]

الشوازن مقاساتها مختلفه ابتداء من الشوزن الكامله وتتدرج ل الثلاث ارباع والنص والربع وكل نوع له استعمالاته ومحبيه على حسب الفئه العمريه ونوعية الصيد, وكما ان البعض يفضل الاتوماتيك تلقى واحد يفضل ام بطنين او ام بطن والقياس على ذلك.

[ابو عبدالله06]

اخوي بريداوي اصلي المعذرة ما أقدر ارسلك على الخاص لاني ماكملت خمسين مشاركه هههه
من ناحية البندق هي من الاولات ام حبه ونضيفة نسبيا واذا تبي تشوفها ارسلي رقمك على الخاص

[Dr_x]

انا عندي ربع للبيع وينك ياشاري







السلام عليكم
يعطيك العافيه اخوي
انا شراي

[خليل909]

نعم فيه وكانت لي تجربه فيه وان شاء الله اوافيك فيها لاحقاً

[ابوصالح3]

الشوزن الربع موجوده وكلن يعرفها ,,وكذلك النص ووكذلك التونتي الثلاث ارباع او المثلوثه

لكن اللي يدبل الكبد ويرفع الضغط عندي بندق ثلث ماهي بشوزل كامله ولانص ولاثلاث ارباع

مقاسها 16 ’’’رميها طيب لكن عيبها فشقها نادر جدا جدا جدا ,,,؟

[خليل909]

اخواني انا سمعت انهم يقولون ان الشوزن له ربع
انا اعرف ب الشوزن والنص به ربع ولا لا واذا به ابي صورته ولا صورت رصاصه

http://www.mekshat.com/vb/showthread.php?t=572389

[icom1969]

نعم فيه وتصلح للدخل

[رحال7]

الموضوع قديييييم من ٢٠٠٩

الربع بندق معروف ولكن انتهى سوقه مع ظهور الخرازه ولكن من خبره طويله الربع للصيد القريب لا يخطئ تقريبا بسبب الرش

[المتلولس]

الربع كانو الشياب يرمون فيها الدخل لما كان فشقها رخيص وهي فعلا مرماها قريب وافضلها الامريكيه الكسر

[ابوحمد5]

الربع نادره جدا وقليله الفايده