ياشباب وين اجد قطع غيار حافظات الثلج

[ابشر بسعدك]

يامكشاتية ....... ياهل الحميه من يخبرلي اين اجد قطع غيار حفظات الثلج مثل( قت او ايقل) ابي المفصلات والقفل حقها انا بالرياض تكفون وترى تكفى تهز الرجاجيل
:d ودمتم سالمين :d

[سرهيد]

السلام عليكم

حقيقة لا ادري عن محل يمكن ان تتوفر لديه هذه القطع

لكن بامكانك ان تدخل الحراج وتبحث عن اي قوت خربات وستجد فيه المفصلات التي تريد وباسعار خيالية مع القفل

هذي من تجربتي وقد قمت بها لصيانة بعض الترامس القوت التي لديّ

تقبل مودتي

[بدران9]

اعتقد والله اعلم في سوق منفوحه يبيعون بعض قطع ادوات الطبخ الغير متوفره مثل ابره الكاتم.. وومكن تحصل مطلوبك هناك.. وان شاء الله يفيدونك الاخوان.

[عاشق الفرعه]

أنا مع أبوعبد الله

[ابشر بسعدك]

ياعيني على الذيابه اذا فزعوا لك في وقت قياسي مشكورين لكل من اتحفني برده لاخلاء ولااعدم ياشياب واللي يعرف لايخلينا تكفون :d

[ali742]

السلام عليكم
وانت نازل مع شارع البطحاء باتجاه الجنوب من عند الحراج تجيك عماره فيها الزقزوق والمتبولي نهايه العماره لف يمين قبل المسجد ثم ادخل للعماره من الخلف ثاني باب ادخل معه وفي الدور الثاني تلقى شركه المنتجات الاستهلاكيه وترها وكيله جوت وربر ميد امل اني افدتك