مشكلة المخوش البسيطة [الأرشيف]

مشاهدة النسخة كاملة : مشكلة المخوش البسيطة

aljde40

09/11/2009, 10:51 PM

السلام عليكم شباب
سيارتي لاند كروزر رصاصي غامقو مع الأيام ومع الناس اللي ماعنده ذمة لابد من مخوش بسيطة وحكات خفيفة وووو .
سؤالي وش الحل ؟ هل هناك ورش تصلحها بدون سمكرة قوية ؟
وعلى فكرة سمعت ان فيه ملمع يلمع فيه مكان المخش او الخدش فتتداخل البوية مع بعض وتزين الأمور ...
اللي عنده علم بهذا لايبخل علينا الله لايحوجه لهذه الأمور .

VXR.2007

10/11/2009, 12:29 PM

للـــــــــــــرفع

بدوي جنوبي

10/11/2009, 03:04 PM

اعتقد الحل لمعالجة المخوش
انت تذهب لمحلات تركيب البويات الخاص
بالسياره ،،، ويشوف رقم لون سيارتك
ويعمل لك بويه فى علبه صغيره وتصبغ مكان المخوش

او محلات الزيته عندهم اقلام بويه بالوان متعدده
ابحث عن اقرب لون يناسب سيارتك .

بالتوفيق

العابر2222

10/11/2009, 03:16 PM

هلااا اخوووي

انا نفس مشكلتك لدرجة ان المخوش مخربة شكل السيارة

ورحت امس الصناعيه ولقيت ورشة عندها جيوب واقفه وقفت عنده قلتله عندك حل قال شف هاذي كلها سيارات شريطيه حقين المعارض ونصها شروكيات شركة الأتصالات

يقول نسوي لها تلقيط بالريشه بعدين نصنفرها بمادة تسوي تداخل للبويه ويرجع البدي جديد

اذا تبيني اوصفها لك ابشششر بس والله ما حطيت موتر قلت برجعلهم الأسبوع الجاي

شامخ ألهيلا

10/11/2009, 03:39 PM

السلام عليكم
نفس كلام اخوي بدوي جنوبي

اقرب محل بويات سيارات وخله يسوي لك نفس البويه في علبه صغيرة
واشتر لك ملمعين واحد خشن والثاني ناعم
وورق صنفره انعم شي بالسووق

ادهن مكان الخدش وثاني يووم استعمل ورق الصنفره مع مااء في صنفرة مكان البوويه في الخدش
ونشفها وبعد ذلك استعمل الملمع الخشن وادهنه بقطعة قطن
وبعد ذلك الناعم وايضا بقطعة قطن

وان شاء الله بعد ذلك تنزل الصوور وتورينا كيف سوويت

سوبر VTC

10/11/2009, 04:37 PM

و عليكم السلام و رحمة الله

ساعطيك طريقتي و لعل احد الاخوان تكون فكرته و طريقته افضل
ما نستغني عن ابداعاتهم

تشري من المكتبه ريشه حقت رسم اللي راسه مثل فرشة الاسنان او مثل الفرشات حقت راعين البويه
طبعا تاخذ اصغر مقاس و بعدين تقص كل الشعر بالمقص ماعدا 7 شعرات تقريبا
ال7 شعرات تقصهن بحيث يكون طول الشعره الواحده ثلث او نص سم للجميع
ثم تجيب غراء ياباني كرتونه برتقالي سعره ب2ريال
او امريكي كرتونه ابيض بسعر 3ريال
و تحط غراء على نفس هذه الشعرات او الشعيرات
حاول تجعلها متلاصقة بعد وضع الغراء
و اذا جف او نشف الغراء تقص من هذه الشعرات من الاعلى لمسة خفيفه تقريبا 1ملم
عشان يكون الراس مدبب و هذه نقطه مهمه من اجل تنقيط البويه بالشكل الصحيح

و تروح تاخذ بويه من حقين بويات السيارات
احرص على افضل شخص مشهور بتطبيق البوية بالشكل الصحيح
عادة تجد رقم بوية سيارتك من خلال باب السواق او من خلال الاستكر بدرج السيارة...الخ
خذ من عنده ربع كيلو ب10ريال او 5ريال
و خذه من عنده تنر ب5ريال و حطه بعلبه صغيرة مثل حقت مويه
و خذ قطن او قماش

بعدين تحط تكب بعض البوية بعلبه قطرة عيون حقت الصيدلية تعبيه بويه تقريبا ثلث فنجال القهوة او ربع بيالة
عشان ما تنشف البوية بسبب تعرضه للهواء
و انت عارف ان شغلة التنقيط تحتاج سعه صدر تقريبا نص ساعه فاكثر اذا كانت الخدوش كثيرة
الريشة تغمر راس الريشه فقط بالبوية لا تكثر عشان ما تسيل البوية
يعني كل خدش تقدره التقدير الصحيح من ناحية كمية البوية و غمر الريشة
طبعا تنقط البدي بواسطة هذه الريشة و في نفس الوقت تحط اصبعك الكبير على نفس العلبة ==> تسكر الفتحه عشان ما تنشف البوية بسبب الهواء
ان امكن تلبس مدساس حق المستشفيات تحصله بالصيدليه
10حبات بريال

اذا نقطت البدي بالبوية و اخطات في مكان التنقيط او سالت البوية من مكان الخدش
امسحه بواسطة التنر==>مسحه خفيفه و لاراح يضر
و اكمل عملك حتى تنتهي

هذه الطريقة اذا طبقتها بالشكل الصحيح يطلع الشغل رااااااائع جدا :good:
افضل من بعض الورش و الوكالات لانهم ماعندهم ذمه
و حالهم يقول ==> جلد مهب جلدك على الشوك جره :mad:

انا سبق جربت الابره حقت الصيدليه اصغر مقاس
لكنه متعبه جدا و تسيل البويه بكثره

موفق

تشتاق

10/11/2009, 05:19 PM

السلام عليكم

أخوي اذا كانت المخوش هي عبارة عن بوية للسيارة الثانية بحيث انطبعت بويتها على سيارتك فامرها بسيط ، وهو انك تستعمل ملمع خشن بـ 15 ريال من محلات الزينة.

أما ان كانت المخوش قشر لبوية سيارتك فاعتقد ان الاخ سوبر Vtc والاخوان افادوك.

aljde40

10/11/2009, 11:07 PM

aljde40

10/11/2009, 11:13 PM

مشكورين يالغالين كلن باسمه
وما زلت ابي المزيد من المشاركات حتى يستفيد الجميع لأن الموضوع تراه عام كلن يعاني من هالمشكلة .

ابوفيصل9

12/11/2009, 11:34 AM

الله يعطيكم العافيه

aljde40

14/11/2009, 09:54 PM

للرفع للأهمية .