عطل غريب في الvxr

[وراد البدائع]

السلام عليكم اعضاء مكشات الاعزاء عندي عطل في vxr 99 وحصلت معي مرتين وهو اني كنت واقف عند الاشارة وفجاءة ولعت لمبة على شكل محرك برتقالية جيت امشي ماتمشي ارجع للخلف ترجع بس قدام ادوس ماتمشي بعدين طفيت السياره وشغلتها مرتين ورجعت طبيعية وطفت اللمبه . نبي وجهت نظركم واللي سبق ان حصلت له يقولنا ولكم مني خالص التحية واسف على الاطالة .

[جساس5]

ولله شي غريب يفيدونك الاخوان

[الكاسرابوعمر]

السلام عليكم ورحمة الله وبركاته

اخي الكريم يمكن ان يكون سير المكينه الداخلي يحتاج تغيير اذا كانت السياره ماشيه 150000كم يجب تغييره

والله يوفقك لاصلحها

[وراد البدائع]

جساس 5
الكسر ابوعمر جزاكم الله خير على الرد السريع
اما بخصوص السير الداخلي فانا مغيره قبل فتره بسيطه يعني ماشي فيه حوالي 30000 كم عند البازعي .

[وراد البدائع]

للرفععععععععععع

[شامخ ألهيلا]

السلام عليكم

اخوي جرب افصل اصابع البطاريه لمدة عشر دقايق
لانها تسوي اعادة برمجه لسيارة

وان شاء الله تنحل الامور

[ksa--505]

السلام عليكم اعضاء مكشات الاعزاء عندي عطل في vxr 99 وحصلت معي مرتين وهو اني كنت واقف عند الاشارة وفجاءة ولعت لمبة على شكل محرك برتقالية جيت امشي ماتمشي ارجع للخلف ترجع بس قدام ادوس ماتمشي بعدين طفيت السياره وشغلتها مرتين ورجعت طبيعية وطفت اللمبه . نبي وجهت نظركم واللي سبق ان حصلت له يقولنا ولكم مني خالص التحية واسف على الاطالة .



وانا برضه صارة لي ممكن مرتين قبل شهرين بس انها طفة ولا عاد اشتغلت
بصراحة اشغلتني شوي

[ksa--505]

ننتضر احد يمكن يقول لنا وش المشكله

[الوسم]

نوعية القير ؟؟

عادي أو تماتيك ؟؟

[ksa--505]

هلا بيك القير عادي

[ن م ر]

فحص الكمبيوتر يعطيك النتيجة بإذن الله

لأن اللمبه ما ولعت الا من احد حساسات المكينه

وان شاء الله تكون المشكله بسيطه

[عاشق الvx]

والله غريبه والاغرب انك تقول انها تمشي بالريوس
وقدام مايمشي...
اتوقع يكون حساس او شي
عالعموم راجع الدليل حق الاستخدام وراح تحصل اللمبه
وشف ايش تابعه له...

[الوسم]

والله غريبه والاغرب انك تقول انها تمشي بالريوس
وقدام مايمشي...
اتوقع يكون حساس او شي
عالعموم راجع الدليل حق الاستخدام وراح تحصل اللمبه
وشف ايش تابعه له...

وبما أنك تقول إن القير عايدي زادت الحيرة عندي

ولكن نصيييييييييييييييييييحة 00

مر وكالة الضحيان في الرياض بالصناعية القديمة وأفحص كمبيوتر وقل إن العطل كذا وكذا

وعلى ضوء فحصهم نشوف وش الله يكتب لك

وعلى حسب كلامك وبما إن القير عادي ما أتوقع إن المشكله كهربائية لأن القير ميكانيكي ولكن إحتياطاً مر الوكالة وإفحص كومبيوتر

[هاوي الترحال]

وعليكم السلام ورحمة الله وبركاته
اخوي وراد البدائع صار معي نفس اللي صار معك والله اعلم انت تعبي موترك 91 اوكتان وهو اللي يسبب المشكله ارجع لل95 بالتدريج يعني اذا صار التانكي فيه النص 91 غلقه ب95 وبعدها لاتعبي الا 95 ولاحظ الفرق
تحياتي لك

[الكونترولCONTROL]

ما أعتقد يكون سير التايمينق :no2: ( الجنزير ) لأنه يجي علامة t-belt
أتوقع - و الله أعلم - أن عندك شعر ( شطب ) في أحد كويلات البواجي
و لا يبين الا بفك كويلات البواجي كلها حتى يتبين الكويل المنشعر و تغيره

[تاج1426]

انا مع اخوي الكاسر ابو عمر وتحياتي للجميع

[xahmaedx]

تاكد من حساسات الجير ؟؟

[mohammad2008]

السلام عليكم
اخوي اول شيء النزين 91 هذا مشكله وحاول تعبي 95 اذا تبي الخربات تقل . والشيء الثاني شوف عندك منظم الهواء احتمال كبييييييير انه منه هذي المشكله . حاووول تتاكد والله اعلم

[asdali]

لمبة تشيك انجن تعني وجود خلل كهربائي او مشكلة في دبة المحول الحفاز (دبة التلوث)