كنعدة هذا الاسبوع [الأرشيف]

النوخذة

15/10/2004, 04:46 PM

السلام عليكم ورحمة الله وبركاته
هاذي كانت صيد يوم الخميس الموافق 14\10\2004 صادها رجال حولنا
في كورنيش الدمام وسمح لنا بتصويره ووضع صوره في المنتدى كان وزنها 22 كيلو
طبعا حنا جلسنا تقريبا من الفجر الى الساعة عشر ومن دون فايدة وثم روحنا
والى ذاك الوقت مافيه احد جاب شئ باستثناء ضلعة صادها رجال ثاني
ان شاء الله عقبال كل الحداقة
http://www.mekshat.com/pix/upload/images6/mk5291_1.jpg
http://www.mekshat.com/pix/upload/images6/mk5291_3.JPG
نرجو ان تنال اعجابكم

MARINE

15/10/2004, 04:54 PM

ماشاء الله خوش كنعده والله ويستاهل الرجال
وعقبالك يابوعتيق
اخوك
MARINE
:heart:

mox600

15/10/2004, 04:58 PM

صيد طيب يا النوخذه
وهذه ارزاق من ربك
وانت ما شاء الله باين عليك
شبعان من الصيد بس رايح تتسلى

تحياتي

طحنون

16/10/2004, 01:09 AM

السلام عليكم ورحمة الله وبركاته
نعم نعم نعم
هاذا اللي ادور عليه
ماشاء الله هاذا المطلوب
الشخص قصير القامه هاذا اعرفه راعي بحر
وهو شخص بحريني:D
كورنيش الدمام هل الايام صادو حوالي 16 حبه في عشره ايام تقريبا وهاذا احصائيه
من واحد يداوم في كرنيش الدمام
مشكور يالنوخذه على الصور والموضوع الرائع
اخوك طحنون

MARINE

16/10/2004, 01:17 AM

نعم نعم اخي طحنون هذا شخص بحريني ويستاهل بصراحه فاتك لو تشوفه وهو يسحب الكنعده
يالله شد حيلك اخوي طحنون انت و هذا عدوك اللدود وموسمه بدأ وان شاء الله تصيد اكبر منها
بالتوفيق
اخوك
MARINE
:heart:

طحنون

16/10/2004, 01:32 AM

السلام عليكم ورحمة الله وبركاته
شلونك اخويMARINE
امس العصر الحصيله
1- ظلعه تقريبا 7كيلو وتعرف الظلع لما تظرب يظرب القلب معاهها وتطير في الجو زي الكنعد
ويوم شفتها من بعيد قلت بس هلا وصل الكنعد ويوم اني سحبتها وطلعت ظلعه قلت في خاطري خلها توصل على السيف
علشان (استعد ) على راسها المخوذه طيرت عيوني احسبها كنعد
2- ثلاث حبات دويلمي ابو كيلو ونص ( زين للصويلينه):D
بس انا مايطري علي اني اصور لان كل شي يجي فجاءه
ترى الاخ اللي شايل هل الغنيمه البحرني ما شاء الله حظه زين واكثر صيده لفاح

gulfhunter

16/10/2004, 06:30 AM

السلام عليكم ورحمة الله وبركاته

حياك الله أخوي النوخذه ومشكور على الصيد الطيب …
أن شاء الله المره الجايه يكون الصيد من نصيبك……
MARINE زي ماقلت الصيد مسكت.......... وان شاء الله يرزق بأزين منه....
أخوي طحنون.... أقول خلك حول البحريني يمكن الحظ ينتقل لك ....... ودي انك تصيد الكنعد ...... وان شاء الله فالك طيب

lone

16/10/2004, 02:01 PM

مشاء الله تبارك الله... خوش كنعده...
هذا الصيد والا بلاش... الله يجعلها من نصيبك المره الجايه اخوي النوخذة...

اخوي طحنون... انا رائي من راي اخوي gulfhunter ... خلك حول البحريني ترى احيانا الحظ يناقز من واح الى واحد... :D

اخوك
Lone

MARINE

16/10/2004, 02:09 PM

السلام عليكم ورحمة الله وبركاته
كيف حالك اخوي طحنون صيدك حلو احسن من اللى ماصاد شئ بس ان شاء الله الجيات اكثر
واعلمكم بالجديد ان شاء الله واذا فيه صور نعرضها لكم ان شاء الله تعالى
اخوكم
MARINE
:heart:

ملك اللفاح

16/10/2004, 04:11 PM

خوووووش صورة والله بس انتو ما جربتو طعمه اففففف رهيييب
انا كان ودي اشوف شكله بس انا جربت طعمه والحين شفته وجربته من قدي
كاشخ عليكم
انا اعرفه هل البحريني يروووح طرادات ومتعب نفسه بس ماله نصب غير كورنيش الدمام
يالله والله يرزقنا من ما عطاه وان عطاه لا يبخل علينا
وتحياتي
مللك اللفاح

Maestro

16/10/2004, 05:03 PM

مشاءالله تبارك الله ياجماعه...
هذي اول مشاركه لي وتحمست مع الكنعد ...

ايمسيكم الله بالخير وشهر مبارك علينا وعليكم

اظن انه هذا كنعد الموسم بس الله لايهين البحريني ولا ينسانا في الكعنده الجايه..

عبد العزيز العجاجي

16/10/2004, 07:10 PM

مشكور والله يرزقكم

النوخذة

16/10/2004, 07:16 PM

السلام عليكم ورحمة الله وبركاته
الاخوان MARINE , mox600 , طحنون , gulfhunter , ملك اللفاح , Maestro
مشكورين جميعا على المرور (المرور والا الشرطة هاهاها:D ) وعقبال كل واحد وان شاء الله اكبر من كذا
انا والله يوم شفتها تسبح وقف شعر راسي وحسبتها تمساح (عاد شعري فلافل شوي ) مش وقف مرة لاكن حسيت كذا
مشكووووووووورين على المرور

ملك اللفاح

16/10/2004, 08:26 PM

يا جماعة الخير ذكرو الله لا تنظلون الرجال
عاد اذا نظلتوووه ما بناكل سمك خير شر
اذكرو الله وسموا وصلووو على النبي
<<<<< كل همه الاكل
تحياتي
ملك اللفاح

ملك اللفاح

16/10/2004, 08:47 PM

المياسترووو هالبحريني و هالبحريني هااا هااا ماندري مين البحريني
الشمس ما يغطيها المشخال
وبس
تحياتي
ملك اللفاح

حمنديكا

16/10/2004, 09:19 PM

هذااااااااااااا الكنعد وله بلالالالالاش
ما شاء الله تبارك الله عقبال ما يطلع حووووووووووت
يلله على العموم يستاهل

مهاوي الليل

16/10/2004, 10:27 PM

هلالا والللللله النووخذه.......
الصراحه شي وربىى شيي.....مشالله علييك يا البحريني......هني وعااافييه انشالللله.....والله يووفقك يااربي....
وهذي اول مشااركه لي انشالله يكوون ويه خيرر عليي .......:D

عاشق الكنعد

16/10/2004, 11:39 PM

ما شاء الله والله الصيد الطيب

يا اخوان انا جلست في هذا المكان من قبل ما يسوون فان تايم بيتزا وجلست فيه وهم يبنون المذكور
وما فيه فايده :( بس كنت اشووف الأخوان الي دايم يصيدون فيه ناس شوام وسعوديين

وهم يطلعون من هـ الزين (( الله يرزقهم )):)

وسويت نفس الي يسوونه برظو من غير فايده وبعدها عرفت ان المسئلة رزق من الله
وكلاً ياخذ رزقه .

وبحاول مره ثانية وثالثة وربعة.....................................ومليون لما اصيد ((الجنعده)):good:

بوعبيد

17/10/2004, 12:55 AM

السلام عليكم ورحمة الله وبركاته
كيف حالك أخي الكريم ؟
ممكن بس سؤال بسيط من واحد غشيم مثلي ؟
كيف يلفح أخونا وهو على السيف ؟
والسؤال الخطير الثاني: أخونا البحريني كان يصيد بصنارة ولا خيط ؟

ملك اللفاح

17/10/2004, 08:38 AM

اخي العزيز الرد على السؤال الاول
تعال عند الفنتايم عند كورنيش الدمام وانت تعرف اشلون يلفحوووون
اسأل ابو احمد و ابو احمد 2 وابو احمد رقم 3 وابو عمر وعلى وابو عبد الرحمن
ولا تنسي تركز على البحريني لانه هو الصياد ذو الخبره في اللفاح وعلى فكره هو اول من جاب سالفة اللفاح على الكورنيش وبأستمرار
والسؤال الثاني
على حسب معلوماتي ان البحريني ما يستعمل غير الصنارة وثاني شئ بالعقل 22 كيلو بخيط وعلى السيف وللفاح فكر اشوي اخوي
وانشاء الله تتحول من غشيم الى احسن للفاح فيهم بس انت سو الى قلته روح شوووف الشباب عند الفانتيام وتعرف السر
تحياتي
مللك اللفاح

الميدار

17/10/2004, 11:37 PM

السلام عليكم ورحمة الله وبركاته
مشكور يالنوخذه على هالمجهود الطيب.
ماشاء الله تبارك الله على هالصيدة الحلوة الله يزيدك من فضله.
وبالمناسبة حبيت أهدي هالصورة لراعي الكنعد....يستاهل والله...
http://www.mekshat.com/pix/upload/images6/mk8584_abuahmd2.jpg
بالتوفيق انشاء الله للجميع

بوعبيد

18/10/2004, 12:55 AM

بس أنا من المملكة أشلون أروح الدمام ):
22 كيلو طول الخيط خف علينا يابوالشباب
بس لو في أي معلومات عن لفاح السيف أكون مشكور

بوعبيد

18/10/2004, 01:03 AM

السموحة أخوي ملك اللفاح ماقريت جوابك الثاني عدل فكان ردي المعوج(طول الخيط 22 كيلو) p:

ابو زاهر

18/10/2004, 01:16 PM

بسم الله الرحمن الرحيم

كيفكم يا شباب ومبروك عليكم رمضان والله يجعلكم من صيامة وقيامة .

مشاء الله تبارك الله يستاهل ابو احمد كل خير وهذا رجل خلوق وطيب وابن حلال وراعي بحر ومن الناس الي

يعجبونك ويفيدونك بأفكارهم وخاصة فكرة اللفاح .

لاكن سبحان الله جاء رزقه بالسنارة هذي المره وقولو مشاء الله

وجزاكم الله الف خير وأشكر النوخذه ومارين كثيرا وهم يعرفون ليش

وسلا م عليكم ورحمة الله وبركاته .:good: :row:

النوخذة

18/10/2004, 06:20 PM

حيا الله الجميع ومشكورين على التواصل
ابو عبيد ان شاء الله انك منت غشيم وانا اقول زي ماقال اخوي ملك اللفاح روح وتفرج واسال هذا وذاك
وان شاء الله راح تطلع بنتيجة ممتازة
وترا حنا ماهوب اشطر منك تراني احدق لجميع انواع السمك لاني اتلقف واسأل
وكثير من المرات تصير النتايج كويسة
على فكرة انا احدق للكنعد من خمس سنوات ولا صدت الا حبة وحدة بس
زي ماقالو لك الاخوان الرزاق الله .
الله يرزفك الكنعد ياعاشق الكنعد وكل الحداقة ان شاء الله , وان شاء تصيد اكبر واكثر من كذا ياابو احمد
الشهر مبارك علينا وعليك ابو زاهر ويعلم الله اني اتمنى شوفتك في اقرب وقت

MARINE

18/10/2004, 07:12 PM

السلام عليكم ورحمة الله وبركاته
كل عام وانت بخير اخوي ابو زاهر وجعلك الله من القوامين والصوامين وجعلك من المكثرين لتلاوة القران
ومثل ماقال اخوي النوخذه ودنا نشوفك في اقرب فرصه وان شاء الله لنا لقاء قريب وبصراحه يستاهل ابو احمد من شفته ارتاحت نفسي له وحسيت انه طيب الله يوفقه ان شاء الله واياك اخوي ابو زاهر مع تحيات
اخوك
MARINE
:heart:

عجيب

18/10/2004, 09:13 PM

بس أنا من المملكة أشلون أروح الدمام ):
22 كيلو طول الخيط خف علينا يابوالشباب
بس لو في أي معلومات عن لفاح السيف أكون مشكور

مساكم الله بالخير وتحياتي للجميع وشهر مبارك والله يعوده عليكم أعوام مديدة بإذن الله ..

أخوي بوعبيد من المملكة ( يقصد مملكة البحرين ) بالنسبة لسؤالك عن كيفية لفاح السيف الشباب يقصدون ان الحداقة وهم على السيف يرمون بالسنارة ويسحبونها وهكذا يكررون المحاولة حتى تضرب معاهم والرزق على الله ويكون الطعم عبارة عن السمك الصناعي (رباله)

والسلام عليكم ورحمة الله وبركاته .:p

بوعبيد

18/10/2004, 10:59 PM

جزاك الله خير أخوي العجيب على المعلومة وانا شفت مرة فيلم وثائقي عن صيد السمك وكان الي يقدم الفيلم
واحد أسترالي المهم كان يصيد على السيف للفاح وانا صراحة أستغربت من هالحركة وحاولت أقلده بس فشلت فشل ذريع (:
وغير هذا الشباب أتمصخروا علي ، يقولون يلفح على اللسيف ):
بس يوم شفت الموضع شكلي باحاول مرة ثانية بس أشوية أرشادات منكم أتكون الشغلة أحسن .
على فكرة أنا من قطر، وغلط فوق لين نسيت كلمة (مش) من المملكة
والعادة أحدق قي منطقة أم سعيد( سيلين ) في قطر وصدت فيها ( جد ، وضلعة) بس طبعا حداق .

عجيب

19/10/2004, 02:35 AM

حياك الله اخوي بوعبيد من دولة قطر وكلنا اخوان ، السعودية والبحرين وقطر والكويت وعمان والامارات كلنا مملكة وحدة تربطنا المحبة والمودة والله يدوم علينا الأمن والأمان .
وبالنسبة للفاح على السيف مثل ماقلتلك مسألة توفيق من الله لاكن الواحد لازم يكون يعرف ان المنطقة ألي يلفح فيها يكون يعرف ان فيها شيء يضرب ، لايتّعب نفسه ويقعد طول اليوم في منطقة مافيها شيء دون فايدة والله يعينك تجرب كذا منطقة حتى تصيدلك موقع يستاهل . ومستنين منك النتيجة والاخبار .
وبالنسبة لي انا بصراحة متعتي الحداق بالطراد اذا الله وفق وقمت اتسحب اثنين اثنين (حلالي) وإلا بلاش وحتى لو كان الحداق مش ولا بد يكفي متعة النزلة بالطراد اما أني بقعد نص يوم أو يوم كامل أحدق على السيف فكثر منها ولو أن هذي الطريقة لها ناس هاوين هذا الشيء ويستمتعون بها . وكل شخص له طريقته وهوايته يستمتع بها كما يريد .
والسموحة على التطويل .. وفيه موقف اعتبرها طرفة احصلت لي مع بعض الشباب الي انزلو معاي بالطراد سوف اذكرها في وقت لاحق .
واتمنى من الشباب الباقين اذا كان عندهم مواقف او طرفة احصلت لهم في رحلات الحداق أن لايبخلوا علينا بذكرها
وسلامتكم :D :D

ملك اللفاح

19/10/2004, 03:08 AM

هلا والله بالجماعه كلها بصراحه فكرت اللفاح كانت غريبه على السيف بس الحين في البحر نص الحداقه يلفحوون على الفجريه على كورنيش الدمام
يقطووون السناره ويسحبونها يقطونها ويسحبونها اللين ما يجيبون الكنعد او البركودا
وناس واجد يستمتعون باللفاح على السيف مع انه الفكره غريبه بس تراها حلوه
واهم شئ تكون عارف الموقع اذا كان فيه ضرب او لا يعني لا تروح مكان مافيه شئ يعني تقعد تلفح على هوا
والله يوفق الجميييع

ملك اللفاح

19/10/2004, 03:12 AM

إلى اخو ابو زاهر حبيبت ابين وواضح لك نقطه مهمه
انه ابو احمد ما عمره جاب خيوط وحدق فيها طول عمره بسنارة
وهذا على حسب معلوماتي وهذا الى اشوفه دايم
تحياتي
ملك اللفاح

ملك اللفاح

19/10/2004, 10:32 AM

حبيت اقولكم يا جماعه الخير انه بو احمد البحريني امس طلع كنعد 15 كيلووو
بس ما عندنا الصووور
يالله بالتوفيق والله يرزقنا مثل ما رزقهم قولوا امييين
تحياتي
ملك اللفاح

MARINE

19/10/2004, 01:44 PM

السلام عليكم ورحمة الله وبركاته
ماشاء الله والله ويستاهل ابو احمد بس حبيت اسألك سؤال اخوي ملك اللفاح
في اي وقت صاد الكنعده ابو احمد بعد الفجر والا في الضحى ولك تحياتي
MARINE
:heart:

عليم العطش

20/10/2004, 01:54 PM

يا جماعة الخير ذكرو الله لا تنظلون الرجال
عاد اذا نظلتوووه ما بناكل سمك خير شر
اذكرو الله وسموا وصلووو على النبي
<<<<< كل همه الاكل
عليم العطش

ابو زاهر

20/10/2004, 07:42 PM

بسم الله الرحمن الارحيم

كيف الحال يا شباب انشالله بخير يعطيك العافية اخوي مارين ولا يهونون الشباب نتقابل في محلنا الخميس الثالث من رمضان انشاء الله وأتمنا اشوفك . في نفس الموعد .

اما اخوي ملك اللفاح اقوله اقرا كلامي زين ولا تزعل مني .

:confused:

ملك اللفاح

21/10/2004, 05:13 AM

اهلين يا جماعه اخوي مارين بالنسبه للكنعد الثاني الى طلعه ابو احمد فطلعه
على الفجريه وسامحني على التأخير في الرد
مع
تحياتي
ملك اللفاح

MARINE

21/10/2004, 04:42 PM

السلام عليكم ورحمة الله وبركاته
حياك الله اخوي ابو زاهر ان شاء الله لنا لقاء على الموعد
اخوي ملك اللفاح ماقصرت وبيض الله وجهك
MARINE
:heart:

ki ng marlin

13/07/2005, 01:17 PM

الله اكبر

هذي الكناعد ولا بلاش

الله متى تنعاد ذيك الايام

يستاهل ابو احمد كل خير

Rapala

13/07/2005, 03:49 PM

ماشالله الله
البحر ارزاق طبعا و انشالله الله يرزق الجميع

معذب الشعري

11/01/2006, 11:42 AM

السلام عليكم ورحمة الله وبركاته

مااشااء الله صيد طيب......
تسلم على الصور وبالتوفيق في رحلاتك.........
وجزاك الله خير...........

حاقد على لخمه

24/01/2006, 11:32 AM

ما شالله تستاهلونها والله الله يقويكم

الموج العالي

17/01/2007, 01:22 PM

ايام لاتنسى

الجمرة

17/01/2007, 03:09 PM

والله اول مره من كورنيش الدمام اشوف صيد كذه
يجوز ان الكنعده سكرانه وضاله طريقها
انااروح اتمشى في الكورنيش بس مااحدق فيها لان اعرف ان الصيد نسبته ضئيله جدا في هذه المناطق بسبب الضوضاء والحركه السكانيه الذايده
ومشكوووووووووووووور والى الامام

الدهاس

18/01/2007, 02:32 AM

لو صدتها تركت الصيد شهرين

متفكر بالسماء

18/01/2007, 02:48 AM

ياجماعه الخير الموضوع من ثلاث سنين وانتم رافعينه

وبعدين الصيد يتغيير من يوم ليوم واكيد الاسماك بنت لها بيوت امنه بالاعما ق طبعا شارده من الضوضاء

على العموم الله يهنى من صادها ويرزق من شافها باحسن منها ولكم تحياتى