سؤال عن خيوط الصيد

[alqamr]

السلام عليكم ورحمه الله وبركاتم

اخواني في الله انا هاوي جديد تعلمت الكثير بفضل الله ثم لكم
وانا ابحث في الانترنت حصلت هذا الخيط
http://cgi.ebay.com/SPECTRA-DYNEEMA-BRAID-FISHING-LINE-300M-80LB-0-44mm-Y_W0QQitemZ280421160128QQcmdZViewItemQQptZLH_Defau ltDomain_0?hash=item414a6754c0

ودي اعرف وش معنى LB
وهل هذا خيط من نوع الحرير ؟؟ وشكرا

[كابوس السمك]

LB أختصار ل Pound أي رطل بالعربي و كل كيلو فيه 2.2 رطل

[alqamr]

الله يعافيك ويجزاك الجنه يارب

[عتيج]

والله....ولد عمي ما أدري شقولك؟؟....بس شتبي في هالخيط!!!!!شكلة ما يصلح حق بحرنا

تدري هناك شغلهم غير...وحنا بالخليج سمكنا مدلع>>>وخيطك هذا شكله متين ..يعني يمكن ما يصلح للأماكن الضحلة...يمكن يصلح للغزر !!!والله أعلم...وأذا كنت قاصد صيد الشعم...مافي أحسن من الخيط الضعيف...كأنه مغناطيس لهذي السمكه...تصيد منها بكميات أكثر من الخيط المتين أو الغليض....يعني شوفلك خيط ضعيف بس قولي يتحمل الأوزان الكبيره شوي(بس بنفس الوقت له مشاكل ..خيط ضعيف يصير مثل الموس..أذا كنت ما تصيد بالسناره..يعني بالخيط البكرة العاديه...وهم المشكله الثانيه أنه يتعقد بسرعه)

بس عموما....الرطل الواحد تقريبا يساوي 450 جرام=يعني خلنا نقول نص كيلو

[alqamr]

شكرا على الاضافة

انا اريده لاستخدام القصبات الكبير 3متر :)

[Faroug]

شوف يا غالي انشاء الله انا افيدك من ناحية الخيوط الحرير هذا إلي انت حاطه مو ذاك الزود لان طريقة خياطته الطريقة القديمه وهو سميك (عريض) بالنسبة للخيوط الحرير ويشرب الماء فيصير اثقل

افضل الانواع بالنسبة للخيط الحرير Spider wire UltraCast و PowerPro و Sufix proformance braid , فهذي الانواع تخيط الحرير على شكل دائري مضغوط بقوة ومن ثم تقوم بطلاء مادة بلاستيكيف او شمعية مما تمنع تشربه بالماء وتسهل عملية خروجه من الحلقات في القصبه وعدم تشربكه وانا انصحك تاخذ خيط مقاس 30 باوند رطل LB فهو بالنسبة لنحفه مثل خيط نايلون مقاس 8 يعني جدا جدا نحيف ويمكن رمية لمسافااات بعيدة فوق ما تتخيل لنحفه و 30 قوي لو الساعة موزونه تمام انشاء الله ما يقطعه لك قرش 3 متر (عن تجربه) , بس عليك بالمقدمه طولها قدر الامكان لانه ضعييف فالصخور ولا تعدي ال 50 راح تقصر رميتك. شوف كم ملي عرضه 0.44mm كثير!

وهذي الخيوط إلي اقولك عليها

http://cgi.ebay.com/SPIDERWIRE-ULTRACAST-INVISI-BRAID-50-LB-300-YD-LINE-NEW_W0QQitemZ220505304030QQcmdZViewItemQQptZLH_Def aultDomain_0?hash=item335723ebde
هذي 300 متر بس تقريبا .

http://cgi.ebay.com/Power-Pro-Braided-Spectra-Line-30-lb-x-1500-yd-Green_W0QQitemZ360206610979QQcmdZViewItemQQptZLH_D efaultDomain_0?hash=item53ddfcb223
هذي 1500 متر تقريبا من الشركة الثانية

http://cgi.ebay.com/Sufix-Performance-Braid-Fishing-Line-300yds-40lb-Test_W0QQitemZ350274185931QQcmdZViewItemQQptZLH_De faultDomain_0?hash=item518df7eacb
وهذي الشركة الثالثة 300 متر او ياردة قريبين من بعض تقريبا

[ابو عبدالرحمن جدة]

الاخوان ما قصروا معاك الله يعطيهم العافيه جابوا المفيد

[najil lover]

الخيط مقاس 44
يتحمل 80 رطل
طوله 300 متر

[وارث المراجل]

اخوي فاروق انا عندي قصبه للمجرور [للتشخيط]وانا اشتريت خيط لون احمر من البنقله مقاس 50 والله ضرب فيه عقام يمكن مترين والله انقطع بس انا ابغى اطلب من بره خيط حرير يتحمل اوزان كبيره وعندي سؤال الرطل يساوي كم بالكيلو ؟
وياليت ترسيلي رابط ال ebayحق الخيط لاني موشك على طلبيه من امريكا وياليت كمان ترسيلي رابط للrapala ملائمه مع الخيط ومعليش تعبتك اخوي

[catchfish]

الرطل = 0.454 كيلو

[dbdob]

الله يعطيك العافيه اخوي على طرح الموضوع
وشكرا للاخوان اللي افادونا لنزود المخزون عندنا من المعلومات عن الصيدوخفاياه

[Faroug]

اخوي فاروق انا عندي قصبه للمجرور [للتشخيط]وانا اشتريت خيط لون احمر من البنقله مقاس 50 والله ضرب فيه عقام يمكن مترين والله انقطع بس انا ابغى اطلب من بره خيط حرير يتحمل اوزان كبيره وعندي سؤال الرطل يساوي كم بالكيلو ؟
وياليت ترسيلي رابط ال ebayحق الخيط لاني موشك على طلبيه من امريكا وياليت كمان ترسيلي رابط للrapala ملائمه مع الخيط ومعليش تعبتك اخوي


صادق اخوي العقام سرعته عالية لو الساعة مو موزونه او ما تفرط بسلاسه يقطع خيط مقاس 80 في ثانية. ابشر يا غالي ارسلتلك خاص وانا تحت امرك.

[عتيج]

أرجو ما أكون ضيف ثقيل عليكم

أخوي روبنهو>>بالنسبه للعقام....طبعا عندنا بالكويت أسمها مختلف...بس السمكه نفسها أحنا نسميها( دويلمي)
عموما...ما ينفع معاها ألا الخيط المسيم(نسميه عندنا بهالأسم) اللي يكون يكون بس في بداية الخيط تركب قطعه منه ويكون طولها...مممممم تقريبا 70 أو60 سم...وتربطها مع الخيط اللي عندك بالسنارة...بس أهم شي لازم تحط خيط حجمه شوي كبير...مش كميته لالالا تخانته تكون كبيره يعني 80 أو90 ملم...وتربط في بدايه السيم أما المجرور..أو الطعم اللي تبية أذا كنت مثلا ما ودك تشخط....وعلى فكره حتى لو تحط له أي خيط عادي ومهما كان حجمه...أغلب الأحيان راح يفلت منك ويقص الخيط...عنده أسنان...يا بوووووووووووي>>>ترعب
فعلى هالأساس نحطه سيم(سلك)في بدايه الخيط....وآسف لأزعاجكم