سؤال لأخواني الصقاقير

[saif2009]

السلام عليكم ورحمة الله وبركاته
اخواني الكرام عندي كم سؤال واحب ان اتشارك معكم الخبرة في طير عندي
اولا: الطير فرخ حر وحش وناقله من ثلاثة اسابيع ومازال يكافخ ولم يركد الا نسبة بسيطه ...
ثانيا: الطير ما يحب البرقع وما يقبله الا بعد ما يكفخ مرتين او ثلاث ...
الطير يتقبل العلف وينقز على الدس سار يجي من عشرة متر وما عنده مشكله غير هالمشكلتين واعرف انه يبي له وقت خاصة الحر لكن احب ان اخذ من خبرة اخواني الصقاقير حتى لا يكون هناك اخطاء في التدريب تؤثر على الطير في المستقبل ... وللجميع احترامي وتقديري

[قرناس شماالي]

السلام عليكم
اخوي انت تعاني زيي انا طلعته من الربطه ويكافخ
وميركد يوم تدهله بس اخوي اقصر عليه من العلف
ودهل وخل السبوق مثبته بيدك بقوه ولا تعطيه مجال
للمكافخ ودهل يومين علشان ميكافخ
والبرقع يخوي لانه قعد كم شهر وهو ميتبرقع اكيد ميدانيه
بس مع مرور الوقت راح يكون راكد وعادي
تقبل تحياتي

[حرعلى كف صقار]

يفيدونك الاخوان

[البرنس511]

انك تحط في البرقع لحمه يبيتعود عليه

[بواردي الدبدبه]

يفدونك الاخوان

[ابو امنه]

اخوي عندك المواضيع المثبته تحصل فيها اللي تبي
موفق خير يالغالي

[راعي شيشان]

saif2009 يا مرحبا فيك

الله يعنيك يبيلك صبر شوي وبالك طويل
1- اذا طيرك يكفخ في اي حزه شوف وانا اخوك في طريقتين الطريقه الاولى لازم قبل ماتنقله ترش عليه ماء من دواغر الطير وتبله عدل من الماء ونقله وكثر النقل وراح يكفخ ويمل شوي يصير راكد من الماء لانه يصير جناحه ثقيل ويقل الكفخ عليه وسويها لين يصير راكد وعسى ربك يركده لك
والطريقه الثاني اقرن الطير 7 في 7 وكرر الطريقه الاولى كثر النقل عليه وراح يكفك ويحس انه ثقيل والسبب القران الى انت حاطه له
خلصنا من المكافخ نجي حق البرقع

2- البرقع اكثر الفروخ يوم تجي يحطون له براقع مش حالك اهم شي يركب على الراس ومن الناحيه هذي يصير الطير يكره البرقع ويوم تبي تبرقع يكفخ
شوق وانا اخوك اختار له برقع راكب على راسه وقبل ماتعشي الطير قطع لح صغار
وحط قطع الحم على البرقع خليه ياكل الى داخل البرقع ويوم يخلص برقعه وكرر الطريقه عليه كذا مره على الحم الى انت تبي تعطي قطعه وعطه على البرقع ولازم يكونون برقعين واحد توكل في الطير ويوم يخلص من الكلام على طول يكون الثاني والله حطه في راسه والثاني حط في لحم وفرعه ومد البرقع الى فيه لحم وخليه ياكل ويوم يخلص حط البرقع الى ماعليه لحم

وانشاء الله اني ماطولت عليك ولله يوفقك فيه الطير ويطرح فيه البركه

[@السيف@]

افدوك القروم بيض الله وجيههم

[ولد الذيد1]

الشباب ماقصرو والله يبيض وجيهم