الفزعة مثل ما عودتونا يا اعضاء المنتدى

[أبن مغير]

السلام عليكم ورحمة الله وبركاته
الاخوة الاعزاء اعضاء المنتدى ابي فزعتكم ومشورتكم يا اخوان وما خاب من استشار على قولتهم.
انا لي رغبة في تعلم الفروسية واركب على الخيل بس مو بذيك المهارة يعني (خيل اجار) في منتزهات وبصراحة احب الخيل وودي اقتنيها ... يعني وش تنصحوني اشتري في البداية عشان اتعلم ؟؟ فرس ولا حصان _عربي ولا مهجن_السن المناسب اللي عنده خبره يفيدني يا اخوان تكفون واللي عنده خيول بعد يتواصل معي والله يجزاكم بالخير.
وسلامتكم:)

[ابومحمد71]

اسمع يابن مغير اشتر حصان خصي ولا فرس رخيصه
وشد حيلك كل يوم اركب وسلامتك ترا الفروسيه ممارسه
واذا بغيت تستانس اتفق انت وربعك كل واحد يشتري فرس
واطلعوا عليها في البراد
ومع الخيل ياشقرا ههههههههههههه امزح تراكذا تتعلم وتتعلق بالخيل

[خرجاوي2009]

السلام عليكم
اخوي انا أأيدك على هوايتك والله ان فيها وناسه ومتعه ومرجله وعز
والاهم ان فيها اجر عظيم احتسب الاجر وامسح على ناصيتها كل مامريت عليها و ادعو الله ان يبارك فيها

اما عن النصيحه فأنصحك بالحصان لأن ركوبه امتع
والفرس مافيها قصور لاكن عن تجربه الحصان في الركوب افضل
الفرس ميزاتها كثيره منها انك اذا مليت من الركوب تشبيها على حصان زين وبأذن الله بعد 11شهر تشوف انتاجها
وكما قيل عن الفرس ظهورها عز وبطونها كنز
أسال الله ان يبارك لك ويرزقك خير مما تتمناه

[ابو سعد 515]

هلا بك يا ابن مغير
والله وانا اخوك مالي خبرة بالفروسية
بس حبيت امر على موضوعك
تقبل مروري

[أبن مغير]

اسمع يابن مغير اشتر حصان خصي ولا فرس رخيصه
وشد حيلك كل يوم اركب وسلامتك ترا الفروسيه ممارسه
واذا بغيت تستانس اتفق انت وربعك كل واحد يشتري فرس
واطلعوا عليها في البراد
ومع الخيل ياشقرا ههههههههههههه امزح تراكذا تتعلم وتتعلق بالخيل

حياك الله يا ابو محمد ... اسعدني مرورك وشكرا لك على النصيحة بس يخوك اغلب الشباب ما يهوى الفروسية مثل منت عارف بس الله يعين ويرزقني بالحصان الطيب الرخيص :)
الا على فكره يبو محمد وش الفرق بين الحصان الخصي والفحل بالركوب؟؟؟ ياليت تفيدني

[أبن مغير]

السلام عليكم
اخوي انا أأيدك على هوايتك والله ان فيها وناسه ومتعه ومرجله وعز
والاهم ان فيها اجر عظيم احتسب الاجر وامسح على ناصيتها كل مامريت عليها و ادعو الله ان يبارك فيها

اما عن النصيحه فأنصحك بالحصان لأن ركوبه امتع
والفرس مافيها قصور لاكن عن تجربه الحصان في الركوب افضل
الفرس ميزاتها كثيره منها انك اذا مليت من الركوب تشبيها على حصان زين وبأذن الله بعد 11شهر تشوف انتاجها
وكما قيل عن الفرس ظهورها عز وبطونها كنز
أسال الله ان يبارك لك ويرزقك خير مما تتمناه
هلا بك اخوي خرجاوي
اشكرك من كل قلبي على النصيحة والله اللي يشهد اني اللي يحمسني اكثر شئ اني ابي الاجر وابي انشر حب الخيل والفروسية في محيطي اللي انا فيه.
افهم من كلامك اني اشتري حصان لين اجيد الركوب واتعلم عليه بعدين افكر في التطوير واقتناء افراس وخيل اصيلة؟؟؟؟
مره ثانية اسعدني مرورك وارجو من الاخوة اللي عنده خبرة ولا نصيحة لا يبخل علي.

[أبن مغير]

هلا بك يا ابن مغير
والله وانا اخوك مالي خبرة بالفروسية
بس حبيت امر على موضوعك
تقبل مروري
هلا وغلا يا ابو سعد
انا سعيد جدا بمرورك وتفاعلك !!!
تبي الصراحة انا مثلك ما لي خبرة بالخيل والركوب بس انا احب اتعلم وادعوك تنضم لي وتخلينا نبدا ندور خيل ونتعلم الركوب واخوانا بالمنتدى ما راح يبخلون علينا ان شاء الله بالنصيحة الطيبة :)

اشكرك على المرور وتقبل تحياتي

[روس المزون]

الاخوان افادوكـ
لاكن عن العمر انصحك 7 أو 8 سنين

[أبن مغير]

الاخوان افادوكـ
لاكن عن العمر انصحك 7 أو 8 سنين
جزاك الله خير اخوي روس المزون
اسعدني مرورك وكثر الله خيرك على النصيحه