كم لتر ياخذ زيت القير gxr 2006

[هاوي البر]

ناوي اغير زيت القير السيارة gxr 2006 وكل واحد من المحلات يعطيني شي محل عبد اللطيف جميل لقطع الغيار يقول 4 لتر والنهدي يقول 6 لتر ومحل موزع لعبد اللطيف جميل يقول 4.5 طبعا مع الفلتر
وش الصحيح
وشكرا

[ن م ر]

القير العادي 4 لتر

القير التماتيك يفيدونك الشباب

[هاوي البر]

جزاك الله خير اخوي ن م ر
القير تماتيك
ننتظر باقي الشباب

[شامخ ألهيلا]

السلام عليكم
اخوي انا معي جي اكس ار قير اوتوماتيك
اغير له جالون الا ربع زيت قير تايوتا قيمة الجالون على ماظن 70 ريال

[ابو تركي المطيري]

مع الفلتر 7 وبدون فلتر 5 هذا زيت القير كان عندي 2003 وبالوكاله اغيره

[شامخ ألهيلا]

اخوي مركز لاند كروزر العضيب بالصناعيه القديمه
ياخذ شغل يد 100 ريال
وانت اشتر جالونين زيت القير
والفلتر
ومر على وكالة فلكس ويجن او شروكي وخذ منهم معجون لانه عندهم اقوى وارخص بسعر حوالي 20 ريال
عكس معجون تويوتا 110 ريال

وهم يعرفون المعيار له

بس خله ينظف لك الكارتير عدل

[هاوي البر]

جزاكم الله خير جميعا
ما قصرتم

[HAS5SAN]

انا موترى 2006 وممشاه 65,000 ولاني مغير زيته الا بعد الـ100الف
اذا لونه مازال احمر ولم ينقص
نصيحة لا تغيره

[VXR.2007]

اذا كان قير عادي مايتغير بس تزود الزيت فقط

والا بيطلع صوت في القير

اما التماتيك يتغير الزيت

[هاوي البر]

الاخ Has5san
مريت على وزرشة انهدي شيك على الزيت قال لازم تغيره اليوم قبل بكره يقول الزيت عندك بادي يحترق والسيارة ماشية 75 الف
الاخ Vxr.2007
القير تماتيك يوقولن في الوكالة لازم يتغيرر كل 50 الف

[ابو تركي المطيري]

كارتير القير فيه صره يتغير كل 30 الف مره بفلتر ومره بدون فلتر وهذي معلومه اكيده واخذها مني انا اذا بتحافظ على القير

[زاير الغيم]

أخي الكريم


يبيلك تشتري جالونين 8 لتر (زيت تويوتا من الوكالة مع الفلتر) الجلون بـ 75


وتشتري معجون من نيسان هو الأجود وأسأل مجرب


وشف لك ميكانيكي جيد


وحط 6 لتر بس وانتبه لايزود وخله يضبط المعجون ويشد البراغي المتقابلة


(يعني يشد برغي وبعده يشد البرغي اللي يقابله حتى تضبط وزنية الكرتير)


وإذا تبي تعرف الزيت هل يحتاج تغيير أسحب العيار وشم ريحة الزيت :mad:


إذا ريحته زنخه ولونه أسود غير على طول..


وأيضا تقدر تعرف من مشية السيارة وتعشيق القير .. وهذي صورة من الكتالوج للفائدة


http://www.mekshat.com/pix/upload03/images131/mk50658_13112009652.jpg



وفقك الله

[هاوي البر]

ابو تركي المطيري
جزاك الله خير
الاخ زاير الغيم
جزاك الله خير وقطعت الشك باليقين
ما بعد صورة الكتلوج شي
كفيت ووفيت

[Nasser-ahah]

عندي لك حل

لا غيرت الزيت مع الفلتر

حط علبة كاملة من زيت تويوتا 4 لتر الأصلي إنتبه لا تحط إلا هو علشان ما يخبط القير
وبعدين رح تمشور على الموتر لك نصف ساعة همن عاير الزيت تلقا العيار على Hot إذا كان كذا فهو ممتاز أما إذا كان ناقص فزوده من زيت تويوتا الأصلي لتر واحد

في النهاية الجير ياخذ 6 لتر

[هاوي البر]

الاخ Nasser-ahah
دام ياخذ 6 علب احط 6 على طول ليه المشوره وادور نصف ساعه
شكرا لردك ومتابعتك الموضوع

[«نجم الخير»]

طيب ياجماعه انا اغلق زيت قير الـvtc تماتيك :j

[الكونترولCONTROL]

الاخ Nasser-ahah
دام ياخذ 6 علب احط 6 على طول ليه المشوره وادور نصف ساعه
شكرا لردك ومتابعتك الموضوع

كيف ؟؟ يعني دايم تغيره ؟؟ المقصود زيت القير
ما عمري غيرته و لا أعرف أحد يغيره إلا اذا طلع صوت
أو ثقل في التبديل ( التعشيق ) مثله مثل الدفرنسات

[هاوي البر]

الاخ كنترول
في تعليمات الوكالة لازم يتغير زيت القير التماتيك من 40 الى 50 الف كيلو متر
لان للزيت لوزجه تنتهي بعد فتره من الزمن
ويمكن تمر اقرب وكاله وتسأل عن هذا الشي
وشكرا

[HAS5SAN]

انا موترى 2006 وممشاه 65,000 ولاني مغير زيته الا بعد الـ100الف
اذا لونه مازال احمر ولم ينقص
نصيحة لا تغيره

غيرت رأيي ورحت اليوم غيرت زيت القير مع الفلتر طبعاً موترى الآن ماشي 72,000
(1)
بارك الله فيكم وفي والديكم جميعاً فقد أستفدت كثيراً
(2)
رحت سعرت شغل اليد في عدة ورش وكيف الشغل
وكان فيه تناقض البعض يقول
ياخذ 6لتر زيت والبعض قال 6لتر ونصف
رحت لهندي اعرفه من زمان وهو ماشاء الله عليه فنان ماكنت اتوقع يعرف يغير فلتر القير
المهم
الفلتر = 122ريال
الزيت جركلين كل واحد 4 لتر زيت قير من شركة تويوتا سعر الواحد 75ريال =150ريال
الغراء الهندي صديقي وطلع عنده غراء جديد من تويوتا حسب لي =50ريال لأنه أحتفظ بالباقي من الغراء
وبالنسبة لعيار زيت القير بعد التغيير
أخذ 6 لتر زيت باقي عندي 2 لتر يستاهلها دباب أولادي الرام
============
كان الإتفاق شغل يد تغيير الزيت والفلتر 70ريال ....................... ولكن
غيرت سيور عدد3 قيمتها 140ريال
بواجي =45ريال وياليتني ماغيرتها لأن الأوله جديده وطلعت تختلف عن إلى أنا شريتها من الوكالة
أقنعوني الوكالة عن طريق الكمبيوتر أنها نفسها وأنها له وفعلاً هي له ولكن الأوله مكتوب عليها كلام بالازرق وكأنها جدد
الخلاصة
طلع حساب شغل يده =180 ريال
(3)
والله إني أرتحت بعدها ونصيحة ياأخوان لا تنغرون في لون الزيت على العيار يطلع أحمر ولا ريحه له
ولكن يوم نزلوه من الكرتير وحطوه في جركل ابيض .....؟؟؟ طلع لون الزيت عودي أو أحمر غامق


(4)
بقول لكم نكته أستفيدو منها يا شباب
من فترة بعد الأمطار الأخيرة
طلع لي صوت في الكفر الخلفي الأيسر
إذا مشيت يطلع صوت ( تسك تسك تسك تسك )
قمت أتلفسف أنا وخويي الهندي
1/ صنفر الاقمشه والهوب لأنهم نظاف
جررررررررربنا باقي الصوت 1
2/ رجعنا وفك نفس الهوب لأن فيه قماش الجلنط ( مكابح اليد ) =كيفني في العربي:good2:
داخل الهوب .
وجرررررررررربنا باقي اصوت 2
3/ الله يلعن الشيطان ويومه قلنا أكيد الرمان وهذا شغلته شغله
والله ماكانت الشغلة تستاهل
فكينا العكس الخلفي ورحنا للوكالة
شريت الرمان = 250 ريال
والمخرطه 80 ريال
4/ ركبنا وجررررررربنا ونفس الصوت باقي 3
5/ بغيت أخربها مع الهندي والله
6/ بدلنا الكفرات الخلفيه اليمني يسري والعكس
راااااااااااااااااااااااااح الصوت
طبعاً راح مع نفس الكفر يعني كان الصوت في الكفر الأيسر صار في الكفر الأيمن
7/ يعني الصوت من الكفر مو من ها الشغلات
تعوذنا من الشيطان وقلت خله لأبوه لأبو يومه
والخسارة صدقة هذا اليوم والله انا أقولكم كذا لتستفيدو
شكلي طولت ........... وسلامتكم جميع

[سعد55]

السلام انا عندي جيب 2003 جكسار ايش أفضل زيت مكينه له