أبحث عن دلال قهوة برية

[فتى سدير]

السلام عليكم ورحمة الله وبركاته

ياأخوان انا ابحث عن دلال قهوة تكون حجم وسط أو صغير واقدر أحطها على النار مباشرة يعني على الحطب

ياليت الاسعار وايضا اماكن البيع والنوعيات الزينه.

[دحيم الاول]

حياك اخوي


قصدك تبي الدلال القديمة رسلان

طبعا الستيل اللماعه الجديده ما تنفع

شف برق الحيا بالرياض

[بن.حسن]

http://www.alhnuf.com/up/pics-gif/upload/view_h.php?file=d5a0efcc85



السلام عليكم ورحمة الله وبركاته


ياأخوان انا ابحث عن دلال قهوة تكون حجم وسط أو صغير واقدر أحطها على النار مباشرة يعني على الحطب



ياليت الاسعار وايضا اماكن البيع والنوعيات الزينه.






اخي فتى سدير


عليك بالدلال البغدادية صناعة سورية

واسعرها





الصغير من 60 الى 65 ريال



الوسط من 70 إلى 75 ريال



الكبير من 80 إلى 85 ريال



وتجدها في اغلب محلات الرحلات او بيع الأواني



تقبل تحياتي



وهذه صورة للدلة البغدادية الحجم الصغير




http://www.mekshat.com/pix/upload03/images132/mk65647_resized_dsc0020.jpg



----

[delpiero10]

عليك في دلال وارد العساف ممتازه

[ذيب الهويمل]

انصح البغداديه

[العرندس909]

في نظري الستيل أفضل
لأنه مايهجر مع الزمن

[فتى سدير]

أشكر الجميع علىالرد وانتظر المزيد

[محتزم]

البغداديه (حبش وارد سوريا)
ممتااااااازه
تلقاها عند معضم محلات الرحلات

[صقراليمامة]

عليك بالبغدادية اللي في محلات الرحلات

[هاوي الترحال]

تبي شكل ورزه مثل ماقالو لك الاخوان البغداديه لكن تحتاج رب وتهجر اذا ابطيت عنها
واذا تبي جوده وتقدر تحطها على النار ماتتاثر ولا تغير نكهة القهوه عليك بالستيل عيار 8-18او 10-18

[بعيد الهقاوي9]

البغداديه او الرسلان.............

[فتى سدير]

اشكر جميع الي ردو بس يااخوي هاوي الترحال الستيل تتحمل النار مباشرة وين القا الزين

[الدهريز]

إذا تبغى تكييف ياخوي عليك بدلة العساف وارد ( حايل ) إذا لقيت كوري ( وأعتقد أنه انقطع من السوق ) لكن الموجود حالياً اندونيسي ويقولون أنه نفس الجودة . سعر الدلة المتوسطة 180 ريال تقريباُ طبعاً الصناعة الكورية والأندونيسي قريب منه .

[فتى سدير]

ياأخوان طيب الدلة البغدادية الزينة وين القاها بالرياض

[بن.حسن]

ياأخوان طيب الدلة البغدادية الزينة وين القاها بالرياض


اخي فتى سدير

إذا كنت تقصد وارد العساف موجودة عند برق الحيا

اما إذا تبي البغدادية صناعة سورية تجدها

عند برق الحيا البرية لوازم الصحراء المحل الي في المروج

ومعظم محلات الرحلات و في النسيم عند راعين الأوني

ونصحية لا تستعمل الستيل على الحطب لإنها بتنعدم حرام


تقبل تحياتي


-------

[هاوي الترحال]

اشكر جميع الي ردو بس يااخوي هاوي الترحال الستيل تتحمل النار مباشرة وين القا الزين
اخوي فتى سدير جميع الستيل المعير ب 8-18 و10-18 ممتاز ويتحمل النار مباشره بس ابعد عن الصيني واغلب اللي في السوق كوري

[فتى سدير]

أخوي بن حسن مشكور على النصيحة ويعطيك الف عافية وان شاء الله اخذ بالنصيحة وهل هي موجودة بمحل طريق الاشقاء الي بالمروج

[فتى سدير]

اخوي هاوي الترحال مشكور وماقصرت

[الوتر الحزين]

هلا اخوي

خذ لك بغدادية شكلها مزيونه ورخيصة.

شكرا

[الفضلي 11]

على الرغم ان الاذواق تختلف ولولا ذلك لبارت السلع
وقد جارينا الموضة وسعينا ورى العساف الكورى
ولكن لم ارى مثل طعم رسلان
تحس تشرب قهوة صج وتطرب لها النفس

[الدبل الثقيل]

وعليكم السلام ورحمة الله وبركاته....

البغدادية الطيبه تلقاها في حايل .. عند الغميز ... صناعه سوريه لكن اثقل من الموجود بكثرة في السوق ... ويكون ختمها على الجنب ومكتوب -عمل بغداد- سعر الصغيره 150 ... اما دلال العساف مايحتاجلها مدح وعليك ببغدادية العساف البيضا بدون سلك عازل على اليد وخذ مقاس 26 واللي اكبر منه 32 .. وجزاك الله خير .

[فتى سدير]

مشكور أخوي الدبل الثقيل دلال العساف البغدادية الاصلية وين القاها

[فتى سدير]

مشكور أخوي الفضلي وودي اسالك دلال الرسلان الزينة وين القاها بالرياض

[فتى سدير]

ياأخوان ابي الرد محد رد علي

[بن.حسن]

ياأخوان ابي الرد محد رد علي


اخي فتى سدير

للأسف ماني متأكد عن اماكن تواجدها

ولاكن مر سوق الزل في شارع الثميري

وبتلاقيها إن شاء الله


------

[فتى سدير]

جزاك الله خير يا بن حسن لكن هل القاها في محل الرحلات الي بالمروج ادري اني ازعجتك

[الفضلي 11]

ياأخوان ابي الرد محد رد علي
والله يا الأخو في الرياض أنت أعلم مني ولكن في الكويت اليك هذا الرابط لعله يفيدك
وهو من المواضيع المميزة لأخينا أبي عبدالرحمن الغالي
http://www.mekshat.com/vb/showthread.php?t=184641

[بن.حسن]

جزاك الله خير يا بن حسن لكن هل القاها في محل الرحلات الي بالمروج ادري اني ازعجتك


اخي فتي سدير


ازعاجك راحة محل المروج عنده دلال بس الرسلان


مادري هي اصليه ولا


تقبل تحياتي



-------

[فتى سدير]

الفضلي 11 و بن حسن 1 ألف شكرررررر

[ابورايف]

افضل دلة البغدادية الاصلية وسعر الوسط منها تقريبا 150يال وتقبل مروري

[سرهيد]

السلام عليكم

هلا بك اخوي الكريم

اذا استخدامك شبه مستمر يعني في الاسبوع اربع مرات الى خمس فالدلة البغدادية النحاس ما عليه خلافك وتتحمل

لكن اذا استخدامك في الاسبوع مرة او كل شهر مرة او اذا طلعت البر ، فانصح بالاستيل من اي نوع وخاصة البغدادية وعليك بالكوري لان النحاس تهجر اذا تركت ويطلع للقهوة طعم فيها

تقبل مودتي

[الدبل الثقيل]

معذرة على التأخير .... ياخوك انا من سكان جدة .... لكن اعرف بغدادية العساف وين توجد في بريدة ... شارع الصناعه باتجاه الشمال عند الاشارة محل المحيميد... محل مميز في الاواني ... وكذلك السنيدي طريق الشاحنات قد شفت عنده بغاديد العساف قبل حول سنه ... وطبعا تحول مصنع العساف من كوريا الى اندونيسيا ... والجودة متقاربه في نظري ... وايضا في حايل نفس محلات العساف جنوب جامع برزان ... وكذلك محطة البطيحان قبل الحفر بشويه ..قد شفت فيها دلال العساف كورية قبل سنه اما في الرياض مااعرف لكن شوف محل البرية او برق الحيا... هذا اللي اعرفه .. وحياك الله.

[فتى سدير]

مشكورين على الردود

[القهوه]

خذ السيف وخل عنك الدعدعة

[بوسدن]

البارحه شريت من حفر الباطن دله العساف ستيل مطفي شكل بغدادي حجم 2 ب110 ريال تشيل لتر واحد تقريبا (ملاحظه يوجد 4 أحجام ) قالي البياع إنها أفضل شي مرغوب حاليا وإنها تتحمل الحطب والفحم وشكلها زينه بس ما جربتها