نداء لكم يا أهل الفتك..مشكلتين وأبغى حلهن...

[SE.3500]

السلام عليكم ورحمة الله وبركاته

السيارة:فتك 2009 سفاري 2



المشكلة الأولى:
مثبت السرعة كان شغال تمام معي بعدين بدأ يشبك دقيقة أو أقل بعيدين يفصل
ثم تطور الوضع الحين صار المثبت يشتغل لكن زر التثبيت الي هو:set يشتغل جزء من الثانية(يعني أضغط عليه بالدركسون وتشتغل اللمبة جزء من الثانية) أبغى حل لا هنتوا"للمعلومية أكثر من مرة فصلت البطارية ولا ضبطت"






المشكلة الثانية :
أمس كنت بالبر وفجأة ولعت لمبة التانكي الإضافي يوم وصلت البيت فصلت سلك البطارية واليوم شبكته وصار الوضع تمام.هل بترجع ثانية ولا لا؟ ووش الحل؟

[مقلع الرمث]

بالنسبه الى المثبت فيه فحص كمبيوتر ب 100 ريال الى 80 ريال يفحص لك الموتر كامل ويشوف ايش المشكله وفيه فلبيني بالقصيم بالرياض الخبراء اسمه فيلب مختص مثبت سرعه

اما بالنسبه للتانكي الاضافي انشاء الله بخير ومااضن انها ترجع واذا ارجعت عندك العثيم ببريده يحل لك المشكله


والسلام عليكم

[SE.3500]

ما قصرت يا حبيبنا مقل الرمث
المشكلة إني بالرياض وصعبة الروحة للقصيم

ننتظر باقي الأعضاء

[qsmngee]

انا عندي ولعت لمبة التانكي الاضافي وفصلت البطارية بسبب اني فكيت كتاوت الطرمبة والمفتاح على السويتش ولها الان اكثر من شهر وما فيه اي مشكلة
لكن المشكلة الي عندي هي امبير البنزين مرة تحت ومرة فوق يعني اذا صار البنزين ع الثلث مثلا ما تدري الا وهو يعطيك حول الفل ليته صتس كان تمام لكن هوا
تحيتي لك

[راعي الفتك 9]

نفس المشكله الثانيه موجوده

[SE.3500]

الي عنده حل جزاه الله خير

[Abu Saad]

ما قصرت يا حبيبنا مقل الرمث
المشكلة إني بالرياض وصعبة الروحة للقصيم

ننتظر باقي الأعضاء

لنبة سوب تانك اذا استمرت في الاضاءة مع عدم التحويل ( انتبه تروح للوكالة) لانهم راح يغيرون طبلون العدادات كامل)
رح لورشة ابوصالح التركي بالصناعية القديمة ولابد تتصل عليه قبل تجيه افضل
وهذا جواله بعداذن المشرفين:
0504118191

وهذا موضوع سبق وان تمت مناقشه فيه عن نفس المشكلة:
http://www.mekshat.com/vb/showthread.php?t=238235

وبالتوفيق

[SE.3500]

جزيت خيرا يا أبو سعد
بالنسبة للمشكلة الثانية محد عنده حل؟

[Abu Saad]

جزيت خيرا يا أبو سعد
بالنسبة للمشكلة الثانية محد عنده حل؟
الحل هو للمشكلة الثانية وبالتوفيق.

[SE.3500]

‏<‏‏<‏المعذرة أنا أقصد المشكلة الأولى

[المحترف800]

دام الموتر على الضمان وده للوكاله ..

[سوبر VTC]

و عليكم السلام و رحمة الله

الاخوان ما قصروا :good:

مشكلة المثبت
احتمالاته كثيرة
ارتخاء فيش المثبت متوسع بنفس الرفرف
عندك المثبت له لي هواء طالع من ثلاجة المكينه و شابك بالمثبت
المثبت شغله على ضغط الهواء (قد يكون من اللي)
او الشريط منقطع => البوري او الفحمة
مكانه خلف الدركسون مباشرة خلف ارباق الدركسون
او
المشكلة من خريطة ازرار المثبت بنفس الدركسون

لازم يشيك على المثبت بشكل كامل
قد تكون المشكلة من فيوز المثبت راخي

المشكلة الثانيه
مسالة فصل البطارية
هذه حل مؤقت مثل المسكنات
يعني بعد كم يوم ترجع المشكلة
انت و حظك :good:
لان الخلل عادة
يكون من فيش الطرمبه متوسع
او يكون من نفس الطرمبة
تكون من التمديدات
تكون من الطبلون => و هذه تحصل بشكل دائم
لان غالب الخراب منه
يوجد ايسيات بداخل الطبلون مثل ايسية الكنود تخرب

تكلفة الاصلاح
من 300 الى 500ريال تقريبا

احيانا الانبير يلعب مره على النص و احيانا على الفل معلق دايم
و احيانا طايح او على الربع
تكون المشكلة من العوامه تقرا خطأ او يكون ايسي الطبلون
مسويه لخطبة و هي ساس البلا

عندك ورشة ابو صالح التركي بالصناعيه القديمه بجنب مركز ترايستار
تخصص نيسان
او ورشة العثيم ببريده

و اعذرنا على القصور

موفق

[سوبر VTC]

انا عندي ولعت لمبة التانكي الاضافي وفصلت البطارية بسبب اني فكيت كتاوت الطرمبة والمفتاح على السويتش ولها الان اكثر من شهر وما فيه اي مشكلة
لكن المشكلة الي عندي هي امبير البنزين مرة تحت ومرة فوق يعني اذا صار البنزين ع الثلث مثلا ما تدري الا وهو يعطيك حول الفل ليته صتس كان تمام لكن هوا
تحيتي لك


عندك العثيم
او التركي