خلاص طق عقلي

[مخاوي الماشي]

السلام عليكم
عندي مشكله ماء الاديتر ينقص ويروح الى القربه
السيارة سفاري 91

صديق غير الاديتر غيرنا الاديتر

صديق غير غطاء الاديتر غيرنا

صديق غير تماتيك المروحه صديق غيرنا

صديق سوي فحص الديلكو ابشر صديق

صديق سوي فحص طرمبه الماء من عيوني صديق



كلش تمام وبعديييييين يا صديق قال :mad:



صديق أحسن انت صلح راس ماكينه يالله صلحنا



النتيجه


7
7
7
7
7
7
7
7
7
7
7
7
7
7
7
7
7
7
7
7


ولاشي وكنك ياعبيد ماغزيت

[محمد-الرس]

التهريب وانت ما تدري - تأكد مليون بالميه ان الخراطيش كويسه وما تهرب من القربه للمكينه

[مخاوي الماشي]

أخي محمد
التهريب يروح للقربه ألقاها مليانه

[بدوي جنوبي]

طيب كيف وضع الحراره ؟

[مخاوي الماشي]

بدوي جنوبي
ياطويل العمر الحراره عاديه الا اذانقص ماء الاديتر طبعاً

[رياح الشرق1]

اتاكد من طرمبة الماء يمكن تكون ضعيفه ما تضغط الماء للسلندر زين حتى لو انك مركبه يمكن تجاري او راس المكينه مشعور ما تدري او بلف الحراره يمكن يكون مسكر شله كله وشوشحه طول ايدك .......تحياتي

[سوبر VTC]

و عليكم السلام و رحمة الله

اخبر مع احد الربع سلقة باترول م91
ركب غطاء اصلي عليه استكر برتقالي اذا وصل سرعه 120
توصل الحرارة فوق الخطين :no:
رجع لنفس الوكيل و ركب غطاء اصلي بدون استكر
و نامت الحرارة :good::good::good:

نقطة اخرى
نقص الماء يكون طبات السلندر (الرقع)
خصوصا الرقعه اللي بين المكينه و القير
قد تكون مخرثة مصديه و ضعيفة و تهرب ماء
ايضا
اذا احتمى الموتر
فك غطاء الزيت اذا لاحظت عليه بخار ابيض تقل حليب
فهذا ضعف بوجه الراس ما يحجب الماء
او ان الراس منشعر
ايضا
عندك الثلاحة حقت المكيف قدام الراكب
سواء بالباترول او الباثفندر تنشق ماصورة الثلاجه و تهرب
تفك و تلحم
ارفع الفرشة الارضية حقت الراكب و تاكد هل يوجد اثر ماء ام لا

ان بغيت ورش متخصصة تفحص موترك
بالرياض او بريده علمن

الله ييسر امرك
موفق

[شامخ ألهيلا]

اخوي كانت معي نفس الشي في ددسن وهو اذا اسرعت ارتفعة الحرارة وراحت المويه للقربة

وطلع من الرااس لاني مسوي له صنفرة ومدبل الوجيه

اذا انت مسوي هالشي في سيارتك موظبها والراس ممسوح ومدبل وجيه

اعرف ان العله من رااااس المكينه

ومالك الا رااس جديد

[سفاري959]

صارت مع واحد من الشباب في باترول 98 وطلع من وجه الراس غيره ومسحوا الراس وزبط تقبل مروري

[العابر2222]

اخووي الماء ما يرجع للقربة إلى في حالة وحدة بس انه يكون فيه تنسيم فقط
انا كان معاي جي اكس جنني كل شي غيرته حتى الغطاء غيرته ثلاث مرات وفي الأخير اشتري غطاء اصلي ويظبط

اما الغطاء او الأديتر او الخراطيش يعني الموتر يكسب هواء ويرجع الماء للقربه

[سوبر VTC]

نقطة اخرى نسيتها

اذا كان البلف يقفل او انه يفتح لكنه ثقيل
يحتمي الماء بالسلندر بسبب البلف
و يحتمي الموتر لان الماء ما يدور بالسرعه الكافية من المكينه الى الاديتر
و اذا احتمى
يرتخي سبرنق غطاء القير
و يطلع الماء الى القربة

اذا كان الاديتر وسخ
لازم تغسل السلندر و الاديتر
نص لتر اسيد حول 5مرات غسيل
ثم علبة زيت فرامل و يغسل 3مرات
و راح تنام الحرارة باذن الله
و لا عاد ينقص الاديتر
غالبا اي موتر موديل قديم يكون السلندر متلطس من الطين مسكر

[مخاوي الماشي]

أشكر الأخوان على تفاعلهم
أخواني البلف منزله من زمان
وجيت الى ورش كثيره قالوا الراس سليم
لاكن عندك طبعاً يمكن حلق الاديتر طبعاً أبشر صديق ونفس الكلام ماتغير شي
لاكن عندي ملاحظه قربه الماء مافرغتها ناسيها فل وفرغتها كأنها خففت المشكله لاكن العله موجوده
أخي سوبر / غطاء الاديتر الي ركبته أصلي عليه أستكر برتقالي سألت عن الغطاء أصلي بدون أستكر قالوا هذا الأصلي وبس ــ بالنسبه الثلاجة ماني عارف وش السالفه وش لهادخل في المشكله يمكن مابقي الا هي أرجو الأفاده جزاكم الله خير

[سوبر VTC]

يا خلفهم :D

موتر رفيقي مثل موترك رجع للوكيل ورجع البرتقالي
و اخذ من عندهم بدون استكر :good:
و ضبطت الحرارة :good:

اقصد الثلاجه حقت المكيف الحار و البارد
بوسط طبلون الموتر من عند الراكب
هذي الثلاجه يدخله الماء عشان تبريد الهواء
و بالبرد يدخله ماء حار عشان يطلعك هواء حار بالشتاء :good:
المطلوب منك بما ان الاديتر ينقص
افتش الفرشة الارضية و شف هل به اثر ماء ام لا على الارضية
لانه احتمال ان مواصير الثلاجه تهرب ماء منشعره
و تاكد من غطاء الزيت

[azizamig]

تاكد ان غطاء الرديتر اصلي مشري من عند الوكيل الحمراني عليه من الله ما يستحق
لان الغطاء التجاري احياننا ما يسحب المويه من القربه اذا بردت السياره
شي اخر حاول تفك البلف لمدة يومين او 3 ايام جربها اذا ضبطت معك ركب بلف جديد على شان ما تخسر
وشكرا

[برباتوف]

أخوي ..
تأكد أن القربه ( اللي ) موجود فيها مب طايح ولا ضايع , لأن ( اللي ) اذا كان غير موجود مايقدر يسحب من القربه .

تأكد أن الغطى اصلي ومن الوكيل , والافضل انك تجرب غطى لاحد من الشباب قبل تشتري بدون فايده ..

أخر نقطة .. اذا قمت الصبح وجيت تطلع , قبل لا تدق سلف افتح الكبوت وافتح غطى الاديتر , بعدين شغل وشف هل يفور الماء ولا لا , إذا فار الماء برى الاديتر والموتر بارد بالحيل , معناته في تنسيم قوي بالحيل بالراس .. والله يستر علينا وعليك

[فارس المدى]

نفس المشكله بالضب عندي

رحت لهندي قالي الراس نمسحه لك

ثم وديته ليسف اللي بالشارع التجاري وشاف الرجال وقال لا الراس سليم فتح غطا الزيت وناظر قال لا مايبي راس

..

[مركز حراره]

وش صار معك حتى يستفيد الجميع

[الباثفندر 3.5]

الموضوع يا اخوان من سنتين