سؤال لمستخدمي الرنج روفر

[شبح الغابة]

السلام عليكم ورحمة الله وبركاته وأسعد الله مسائكم بكل خير عندي سيارة رنج روفر موديل 2004 شبه مستعمله أوقفتها في البايكة ( الكراج ) بداخل المنزل طيلة ستة شهور تقريبا لأن عندي سيارة غيرها صباح هذا شغلته لأحضر دينمو للسيارة الأخرى اللي معي وكنت قبل ذلك فاصل البطارية كعادتي دائما المهم خرجت بالرنج لكي أذهب لقطع الغيار لأحضر دينمو لسيارتي كما أسلفت لاحظت أن الرنج يطب طبة قوية حتى لو كان المطب صغير جدا صراحة رحت لقطع الغيار ورجعت وأنا منذهل شافها الميكانيكي قال عندك البساتم نازله رحت ووقفتها في مكانها ثم ضغطت على زر الرفع ولم ترتفع مع العلم إن زرار رفع البساتم كان سابقا شغال حاولت في الزرار ولا فيه فايدة قلت ممكن الوقوف أثر على السيارة حتى أنني أول ماتوقعت إن الهواء ضعيف في الكفرات لكن الكفرات هواها ممتاز أنني أطلب من الأخوة الكرام مستخدمي الرنج روفر أن يخبرونني عن سبب هذه المشكلة قبل الذهاب بها إلى السيف ممكن تكون مشكلتي بسيطة وأنا لا أعرف عنها شيء وشكرا

[ن م ر]

يمكن طرمبة تعبئة البساتم ما تشتغل لسبب أو لآخر

[شامخ ألهيلا]

يوجد رابطه ملاك الرنج روفر - دسكفري - دفـنـدر - فـريـلانـدر ^&*
الاخوان هناك مايقصرون عنك

http://www.mekshat.com/vb/showthread.php?t=238044

اخوك

شامخ

[Fmejrad]

هذي والله اعلم الهيدروليك ,,

دايم الهيدروليك يخرب بالرنج وكثيره خراباته واسعااااااااااااره نااااار

لكن تبي نصيحه اخوي ,, لاتوديه للسيف بدلك على ورشه متخصصه بالرنج روفر وبكتبها هنا حتى الكل يستفيد والله يشهد ان مالي اي صله فيهم ,,

الورشه مكانها وانت جاي مع الدائري الشمالي متجه لطريق الدرعية ,, اول ماتدخل طريق الدرعيه او منفذ للخدمه ادخل معاه بتجيك محطه ,, الورشه هناك متخصصه بالرنج روفر

[شبح الغابة]

شكرا للأخوة الكرام على مروركم وأحب أخبركم بأن الدبل لايشتغل وكذلك زرار النزول من الجبال لايشتغل وقفت السيارة سليمة 100% ما فيها أي حاجة بعد مدة ستة شهور تقريبا شغلت السيارة وأكتشفت أن هناك ثلاثة أشياء لاتعمل 1- الهيدروليك الخاص برفع السيارة وتنزيلها 2- زرار الدبل 3- زرار الدبل خاص بالنزول مع الجبال أو الأماكن الوعرة هل يمكن أن يكون أفيوز الله أعلم

[شامخ ألهيلا]

اخوي dar4arab عطاك عنوان ورشه وتعتبر من اقدم الورش في الرنج روفر
وتصحيح للعنوان

قبل كبري الدرعيه واتجهاك شمال المحطه على يمينك في الخدمه في حي حطين الشيووخ

[ولد الدواسر]

المشكلة قد تكون فيوزات بالنسبة للزرار اما المطب فهو اكيد الهيدروليك 100% واذا دخلت الرابطة الاخ عبدالعزيز ما يقصر بيعلمك على طريقة ترتاح من الهيروليك

[ls40096]

السلام عليكم
قبل ما تبدل اي شي برمج السيارة وبعدين بيبين العطل عندك

[غالي]

هذي والله اعلم الهيدروليك ,,

دايم الهيدروليك يخرب بالرنج وكثيره خراباته واسعااااااااااااره نااااار

لكن تبي نصيحه اخوي ,, لاتوديه للسيف بدلك على ورشه متخصصه بالرنج روفر وبكتبها هنا حتى الكل يستفيد والله يشهد ان مالي اي صله فيهم ,,

الورشه مكانها وانت جاي مع الدائري الشمالي متجه لطريق الدرعية ,, اول ماتدخل طريق الدرعيه او منفذ للخدمه ادخل معاه بتجيك محطه ,, الورشه هناك متخصصه بالرنج روفر


انتبه تروح لهالورشه الي فيها سوريين

نصيحة اخو

وان رحت لاتحط موترك عندهم

ترا اثبت انهم يسرقون قطع من سيارتك وهذي من تجربه

نصحت اخوي يوديها لهم وخلاها يوم وسرقوا قطعة تجي في اي بي اس تلقاها في البدي فوق المكينه يمين

وهي كثيرة الخراب اصلا وحتى التشليح يالله تحصلها

ونفس الشيء مع شخص خلا سيارته عندهم يوم طب عليهم فجأه لقاهم فاكين قطعه مالها دخل وبعيده عن الموقع

سألهم قالوا ننظفها لك ((تصريف))

نصيحه لوجه الله ابعد عنهم او لاتترك سيارتك عندهم

والسيارات الي تشوفونها واقفه عندهم هذي لأصحاب السمو ((مايقدر ينفس عندهم))

وتلقاه اول ماتجيه يسألك غالبا مشبه عليك وش اسمك يبي يعرف وش انت بس

شغل حرامية محترفه



وثاني شيء

اصلا برمجة الرانج روفر لها طريقه في فصل البطاريه من نص ساعه او اكثر

انا كنت افصلها حدود 3 ساعات اذا خربت الشاشه

ومثل ماقالك احد اخوانا ((ممكن مع الفصل للبطاريه مده طويله تحتاج لبرمجه لاغير ))

وعلى مااتذكر السيف يبرمجها لك ب450 ريال

وفيه فلبيني قد قابلته في ورشه شغال عند الوكاله يقول اوديها لك ويبرمجها ب150 او 200 ريال تقريبا

كانك من اهل الرياض رد علي هنا وارسلك رقمي وروح معك للورشه وابشر

[آل زايد502]

اييييه والله انتتتتبه تحطه عند سواريا
واحد من الربع ترك جمس حوض علشان دبل واخذو منه قطع الى قبل اخذو الاصليه وبدلوها

وانا قد رحت للصناعيه مشكلة دبل رحت لورشه يشتغل فيها سعودي قالي اسمع اذا قد اشتغلو فسيارتك سواريا خذ السياره من عندي ومووب مشتغل فيها

[bakhsh_2010]

دق على أبو خالد مختص الرنج روفر و راح يدلك و ين تروح و وين تبرمج و وين تلاقي أسعار رخيصة و ورش ممتازة و متخصصة و الاخوان ما قصرو في حرامي الرنجات اللي في الدرعية و الله يوفقك
رقم أبوخالد
0544222521

[رفيع المقآم]

الله يعينك وان شاء الله تلقاله اصلاح

[prosle]

انتبه تروح لهالورشه الي فيها سوريين

نصيحة اخو

وان رحت لاتحط موترك عندهم

ترا اثبت انهم يسرقون قطع من سيارتك وهذي من تجربه

نصحت اخوي يوديها لهم وخلاها يوم وسرقوا قطعة تجي في اي بي اس تلقاها في البدي فوق المكينه يمين

وهي كثيرة الخراب اصلا وحتى التشليح يالله تحصلها

ونفس الشيء مع شخص خلا سيارته عندهم يوم طب عليهم فجأه لقاهم فاكين قطعه مالها دخل وبعيده عن الموقع

سألهم قالوا ننظفها لك ((تصريف))

نصيحه لوجه الله ابعد عنهم او لاتترك سيارتك عندهم

والسيارات الي تشوفونها واقفه عندهم هذي لأصحاب السمو ((مايقدر ينفس عندهم))

وتلقاه اول ماتجيه يسألك غالبا مشبه عليك وش اسمك يبي يعرف وش انت بس

شغل حرامية محترفه

ر

صدقت أنا جربتهم وندمت