مشكلة في كهرب السيارة ومحول الكهرب

[العشة]

السلام عليكم ورحمة الله


يالربع انا عندي مشكلة في كهرب السيارة

طبعا الموتر جيب ربع موديل 2004

ومسلك من البطارية محول كهرب 220 لشاحن اللاب توب

ولي ثلاث سنين احسن شي

لكن من شهر بدا المحول اذا شبكت عليه الشاحن يفصل ويشبك ولا يتحمل الشاحن

طبعا شبكت المحول على الولاعة قلت يمكن من التسليك نفس المشكلة يفصل المحول

وجبت محول ثاني ونفس الشي غيرت اللاب توب قلت يمكن اللابتوب فيه بلاء

ونفس المشكلة يفصل المحول اذا شغلت عليه الشاحن

ياليت احد عنده حل لها المشكلة

وجزاكم الله خير .

[شامخ ألهيلا]

اخوي فك الاسلاك الي على اصابع البطاريه الي راايحه للمحول
احتمال تكدس عليها املاح وعند طلب كهرباء زايده يعمل فصل

اعد تمديدها من جديده وشيك على الاسلاك الي راايحه للمحول

وان شاء الله الامر بسيط

[العشة]

اخوي شامخ الهيلا

الله يعطيك العافية


فعلا اكثر المشاكل من اصبع البطارية

لكن انا شيكت علي ونفس المشكلة

والله العالم انه من الدينمو لانه حتى المكيف اذا صرت واقف مايبرد زين وواذا مشيت

بدا يبرد والسبب الدينمو فيه ضعف بالكتاوت حقه ويبي له تغيير

[سوبر VTC]

و عليكم السلام و رحمة الله

اذا دقت السلف ضعيفه
فعندك البطارية ضعيفة
بمعنى انه خربانه
او
الدينمو ما يشحن ضعيف
بسبب فحمة دينمو

http://badermotors.googlepages.com/charging-5s-6.jpg


للمزيد راجع الرابط التالي بالصور :good:


http://www.mekshat.com/vb/images/misc/subscribed.gif فحص واصلاح المولد الكهربائي لسيارة كامري تويوتا 2000 (charging) (http://www.mekshat.com/vb/showthread.php?t=158020)


جرب شغل المحول و الموتر يشتغل
هل يفصل المحول ام لا

قد تكون المحولات تعبانه
افضل محول هو محول لونه ذهبي ياباني ب180ريال

لازم تفحص الدينمو عند محل بطاريات
اثناء اشتغال الموتر لازم يعطي 13.8فولت او
13.5


مر على ورشة الكهربائي العثيم ببريده


موفق

[العشة]

يعطيك العافيه اخوي سوبر فتك

دقة السلف احسن شي والبطارية توي مغيرها

والمحول مااشتغل عليه الا السيارة شغاله

وطبعا غيرت المحول ونفس المشكلة

ومن ناحية ورشة العثيم انا بالرياض ياليت احد يدلني على كهربائي صح بالرياض

[العشة]

يعطيكم العافية جميعا

[سوبر VTC]

وياك لاهنت
بخصوص ورش الرياض
لك رسالة على الخاص
موفق