وكيل البريموس البحرين

[khalaa2u]

السلام عليكم ورحمة الله وبركاته
اسعد الله مسائكم بكل خير

بالصدفة كنت بالبحرين سوق مدينة المحرق ولقيت دبات غاز بريموس بس للاسف كلها هنديه فقمت ودخلت على موقع شركة بريموس العريقة واخذت عنوان الوكيل بالبحرين وراسلته بالايميل لمعرفة ان كان عندهم اي منتجات اصلية سويدية
وفاجأني الرد ان المنتجات اللي يبيعها الوكيل كلها سويدية فانشاء الله المرة الجاية ان رحت البحرين بمر اشوف الوكيل وانشاء الله افيدكم بالموجود عندة وانشاء الله القى عندة دبات سويدية حجم كبير
هذا رقم الوكيل بعد اذن الادارة طبعا انا ما اعرف موقعهم بس اذا رحت بأتصل عليهم واخليهم يوصفون لي

0097317141141

[ابوفهيدان]

الله لايهينك ونتمني تصور الموجود عنده
والظاهر مروا عليه الشباب من مبطي
واكيد انه رافع اسعاره وماعنده الا حجم 5 رطل نفس وكيل الكويت

[mr_ams]

مريت علية من فتره وكان عندة قليل جدا من برايمس ابرزها الدبات 5 رطل و الدافور يركب عليها و أخذت منها حبة بس بعد فترة مرعلية واحد من الاصدقاء و قال ان كل الي عندة هندي والسويدي خلص ما عنده منه شي لكن جرب و خبرنا .

[ابو ناصر2020]

الله يعطيك العافيه ايارب

اجل علمنا وش يصير عليك

[monsixnet]

-

مشكــــــــــــــــــــــــــــــور

[no fear 78]

لا اتعب روحك يا الغالي الوكيل الى في البحرين ما عنده شي يستاهل العناء الوكيل عنده الوكاله بس من غير المنتجات المطلوبه للرحلات يمكن الدبات بس بعد هندية الي في السوق انه شفت عنده مجموعة معروضه في المحطه الخاصه مالته بس للأسف كانه مجرد مجموعه للذكرا حق الوكيل يوم سئلت قال جاني راعي محل في السعودية و شره الكمية كلها و مابقا منها الى شي ينعد على اصابع اليد ف لا اتعب روحك

[رحال للمطر]

بارك الله فيك شكرا