ماهو الحل لقفل صرة الدفرنس بالسفاري ؟؟ وما طريقة فكه ؟

[راعي طفات]

ذهبت بالسيارة للبنشري لتغيير زيت الدفرنس

وأخبرني بأنه يوجد قفل على الصرة لايستطيع فكه !!!!

ولابد من كسره بلحام أو أكسجين

فما رأيكم وماهي تجاربكم وخبرتكم حول ذلك حفظكم الله

وما هو الزيت المناسب لدفرنس للسفاري 2001 الماكينة 4500

[بدوي جنوبي]

كيف قفل

ما فهمت :no:

لو تحط صوره للصُره

وصار لى نفس الموقف عند بنشرى
واحد راعى كابريس ،،، ما قدر البنشرى يفك صُرة دفرنس سيارته
يقول صديق لزم ودى مخرطه :burnout2:

قلت للبنشرى وخر بس :hot:
واعطنى المفتاح (مفتاح اتوماتيك صغير)

وفكيت الصُره ،،، :good:
البنشرى ما صدق انى قدرت افكها
وصاحب السياره انبسط منى وقال انت :good2:
بصراحه تعبتنى شوى لانها مبوزه(تعنى توسعت الفتحه )
لانها مشدودة بالحيل ،،، واضطريت استخدم الشاكوش
لعمل شوية سمكره :D
وابى اعرف حقين البنشر يفتلون عضلاتهم على الصُره
والسيفون ويشدون عليها بقوه ما ادرى ايش السبب .

يا اخوان اذا اضفت زيت للدفرنس او القير لا تشد الصُره بالحيل
شد عادى جداااا ،،،، والسيفون كذلك .


وانصحك لا تغير الزيت ،،، اذا لم يسبق لك تغييره من قبل


بالتوفيق

[العابر2222]

اخوووي لا يصير زي موتر


شريت جيب نيسان اول ما خذيته قلت بشيك على زيوووته عشان اتطمن

المهم رحت للمحطه الي جنبنا قلت شيك على زيت الدفرنس نزل للحفر شوي جاني قال الصره ملحمة؟؟؟

انهبلت قلت وشلون ملحمة ؟؟ المهم نزلت وشفتها لقيت الأمر سهل بعض السيارات تتسوع الصرة فيحط راعي الزيت سليكون على نفس الصرة عشان تمسك ما تهرب .... خذيت سكروب وحددة حوافها وفكيتها بالقوة وانفكت عادي

فلا يكون محطوط عليها سليكون

[ن م ر]

انا قد صارت معي في جي اكس ار قير عادي كنت بغير زيت القير ... صرة زيت القير ما تنفتح مجيمه

رحت لورشة حدادة ولحمت صامولة كبيره في الصرة وخليتها لين برد اللحام وفكيتها بأسهل ما يمكن

وغيرت الصرة بوحدة جديدة ومشت الامور

فإذا ما انفتحت سو نفس طريقتي بدون كسر عشان لا يخرب جرم الدفرنس

[سوبر VTC]

طيب

اذا كانت الصرة بايزة من قبل
لحم عليه مسمار و حل المسمار بمفتاح
اذا عيت تحل الصرة
ولع عليه نار اوكسجين مثل دبة الاوكسجين الزرقاء حقت شبة النار او الضو
اذا احمرت الصرة من الحرارة
فكها بسرعه و راح تنفك :good:
باذن الله

ان بغيت ورشة متخصصه بالباترول ببريده علمن

موفق

[سوبر VTC]

خذيت سكروب وحددة حوافها وفكيتها بالقوة وانفكت عادي




طريقتك ممتازة جدا :good::good::good:
تضرب المفك بالشاكوش + النار

[راعي طفات]

انت :good2:




وانصحك لا تغير الزيت ،،، اذا لم يسبق لك تغييره من قبل



بالتوفيق



الله يوفقنا وإياك ياخوي الغالي بدوي جنوبي


وسيتم الأخذ بنصيحتك بعدم تغيير الزيت


حيث أيد كلامك ميكانيكي ذهبت بالسيارة له اليوم لفحص المشكلة


ويقول خلك على زيت الوكالة لإنك لو غيرت الزيت لازم تغيره كل 6 شهور وتبي تبدأ تشوف التهريبات من كل مكان


وماعليش الصورة مازبطت بالليل أبحاول أصوره بالنهار إن شاء الله للفائدة ولعله يعرف الحل لخدمة بقية الأعضاء


ولكن للتوضيح أكثر : كأن على الصرة قطعة بلاستيك مربعة ولكن أحد أطرافها غير مستوي بحيث لاتركب فيه سنة المفك


أو كأنه سيليكون شفاف على الصرة



شاكر لك حرصك ومقدر لك اهتمامك حفظك الله

[راعي طفات]

اخوووي لا يصير زي موتر


شريت جيب نيسان اول ما خذيته قلت بشيك على زيوووته عشان اتطمن

المهم رحت للمحطه الي جنبنا قلت شيك على زيت الدفرنس نزل للحفر شوي جاني قال الصره ملحمة؟؟؟

انهبلت قلت وشلون ملحمة ؟؟ المهم نزلت وشفتها لقيت الأمر سهل بعض السيارات تتسوع الصرة فيحط راعي الزيت سليكون على نفس الصرة عشان تمسك ما تهرب .... خذيت سكروب وحددة حوافها وفكيتها بالقوة وانفكت عادي

فلا يكون محطوط عليها سليكون
من خلال نظرة سريعة هذا ما أتوقعه

ولكن لصرف النظر عن تغيير الزيت لم أهتم للموضوع


شاكر لك إفادتك وفقك الله

[راعي طفات]

انا قد صارت معي في جي اكس ار قير عادي كنت بغير زيت القير ... صرة زيت القير ما تنفتح مجيمه

رحت لورشة حدادة ولحمت صامولة كبيره في الصرة وخليتها لين برد اللحام وفكيتها بأسهل ما يمكن

وغيرت الصرة بوحدة جديدة ومشت الامور

فإذا ما انفتحت سو نفس طريقتي بدون كسر عشان لا يخرب جرم الدفرنس

الله يعطيك العافية على طرح تجربتك مع الحل

وإن شاء الله الصرة مافيها شي لكن كما أفاد الأخوان

شاكر ومقدر لكل تواجدك

[راعي طفات]

عافاك الله لتواجدك

والصرة شكله والله العالم جديدة ماكد لمست أبد

ويمكنه تجي من الوكالة كذا مشمعة




ان بغيت ورشة متخصصه بالباترول ببريده علمن


إذا ماعليك أمر تكتب اسم الورشة وموقعه بالتفصيل لأن حدي السنيدي وشارع الخبيب ( يعني مدخل طريق عنيزة و المدخل من الدائري الغربي والمدخل من عند المعارض )

وإن حصل رقم الورشة أو جوال المسؤول الله لا يهينك

سواء مباشرة هنا او على الخاص

شاكر لك ومقدر اهتمامك وخدماتك الغير مستغربة حفظك الله

[سوبر VTC]

لاهنت اخوي

الارقام راح تحصلهن على الخاص

هذا اظمن زيت بالسوق
اي سي ديلكو 90 للقير العادي و للكوارين :good::good:


سعر العلبة 25 ريال



http://www.mekshat.com/vb/../pix/upload02/images81/mk53291_fuibfub111.jpg


موفق

[شمالات نجد]

صارت لي ورحت لمخرطه فكها بالنار وبعدها كمل عليها بسكروب يطقها مع جنبها الداخلي حتى لفت معه وانفكت وصارت ما تنفع للاستخدام

طبعاً اللي خربها راعي الزيوت الله يهديه حاول الين حفر الصاموله من الوسط وصارت تفرط

المهم ركبت بدالها وحده تلفيق من المخرطه وماشيه معي تمام الحمد لله

الله يسهل أمورك ويوفقك

سلام

[salllh]

اخوي راعي طفات بخصوص بخصوص القفل ما يحتاج تفكه فك صرت التشيك الي فوق وخله العامل يسحبه بمكينة السحب الخااصه بسحب الزيت من المااكينه اناا سويت الطريقه هااذي كم مره اخرهااا قبل 5 اياام غير زيت الدفرنسات والقير والدبل وستخدم زيت 140 الخاص بتروس لهاا كلهااا اول كنت استخدم 90 لزيت القير والدبل ونصحني واحد وقاال خلهاا كلهاا 140 وسويتهااا ومشيت فيهاا 100000 بعدين غيرته قبل خمس اياام ونفس الشي حطيت 140 والحمد لله ما شفت فيهاا اي مشكله اتمنااا اخوي اني اكون افدتك من واقع تجرتي


اخوك ابو عبدالله

[بياله شاي]

فك الصره مــن فوق ثم بعد ذلك اكشف على الزيت اذا وجده ابيض نظيف مايحتاج تغيير

أنا كشفت عليه قبل ثلاثه أيــام وجده ابيض يلق لاق علما بأني ماشي عليه 111000كيلو

موديل 99 باترول سفاري ولله الحمد دفرنس قدم ووراء فاك وكاله

[شامخ ألهيلا]

اخوي نصيحة

فك الصرة الي تحت بااي طريقه
ورااح تشوف انواع الرايش وقطع الحديد
وراح تشوف صامولة الصرة فيها مغناطيس لسحب الرايش ماسك فيه راايش
لاتسحب الزيت ولا تزود عليه
الافضل انزال الزيت كله لكي يتنظف الدفرنس
وغير بزيت جديد