اللغز الرابع عشر ........ براااوي - جديد ->>>>>>>>>>>>اللغز حله عين ابوها

[براااوي]

السلام عليكم ورحمة الله وبركاته


لغز تنشيطي وسهل جدا



يا ويش رجل شفت منه التهاويل=تلقى حياته في مماته وكادي
دامك تشوفه لا ترجى محاصيل=رجل ٍ فلا يعمل فعين العبادي
رجل ٍ خدوم حيل يصبر على الويل=مشهور معروف فكل البلادي

[بحار seas]

صح لسانك على هذا الابداع يالغالي ورمعه سريعه يمكن تقصد ( القبر )

[براااوي]

صح لسانك على هذا الابداع يالغالي ورمعه سريعه يمكن تقصد ( القبر )

صح بدنك أخي بحار

الرمعة مالك لوا ...

معروف فكل البلادي ( أقصد السعودية ودول الجوار )

أما القبر فهو معروف لكل العالم ...

فكر شوي وبتجيبه

[هيل]

صباح الخير اخوي براااوي الله يبارك فيك على الابداع
وش رايك بالجص الي يستخدم ببيوت الطين قديم
تحياتي

[خالد البدائع]

جلد وصوف الغنم ويخدمه الناس بالفرا و السجاد
او
جلد الحيه ويستخدم للاحذيه اكرمكم الله و للحقايب

[براااوي]

صباح الخير اخوي براااوي الله يبارك فيك على الابداع
وش رايك بالجص الي يستخدم ببيوت الطين قديم
تحياتي
صباح النور أخي العزيز هيل

والله يعطيك الف عافية

وبالنسبة للرمعة مالك لوا

[براااوي]

جلد وصوف الغنم ويخدمه الناس بالفرا و السجاد

او

جلد الحيه ويستخدم للاحذيه اكرمكم الله و للحقايب





هلا بك ياخي الفاضل فتاك البدائع

والرمعه مالك لوا

تحياتي


حياكم الله :)

شكلكم شابكين بالغلط هنا

الرمعة مالك لوا زي ما قال الشيخ :)

[مسيرs]

وعليكم السلام ورحمة الله وبركاته

تحريك ياسلطان الالغاز
نقول القار اعني خط الإزفلت
أو النفط وإشتعاله

[ياعين ابوي]

وعليكم السلآم أخوي ,, وش رآيك ب البنزين أو الحطب ,,,

[براااوي]

وعليكم السلام ورحمة الله وبركاته

تحريك ياسلطان الالغاز
نقول القار اعني خط الإزفلت
أو النفط وإشتعاله

هلا وغلا بك أخي العزيز مسير

لقب أعتز فيه خصوصا إنه من رجل كبير مثلك

والرمعة مالك لوا

[براااوي]

وعليكم السلآم أخوي ,, وش رآيك ب البنزين أو الحطب ,,,


الرمعات مالك لوا

رجلنا له علاقة بأحد ما ذكرتي

[صدى القصيم]

السلام عليكم ورحمة الله
صح لسانك براااوي وش رايك با الغراء يقول المثل (الملزق يطيح)

[براااوي]

السلام عليكم ورحمة الله
صح لسانك براااوي وش رايك با الغراء يقول المثل (الملزق يطيح)

وعليكم السلام ورحمة الله وبركاته

صح بدنك أخي صدى

والرمعة مالك لوا يا الغالي

[ابن هيازع]

وعليكم السلام ورحمة الله وبركاته

صح لسان والله يعطيك العافيه

وعندي هرمعه

الملح او السكر

واعتقد انها سماويه

[الجرح الحزين]

السلام عليكم ورحمة الله وبركاته
اسعد الله اوقاتكم بكل خير
صح السانك اخوي
وشو قولك بـ (العماله الآسيوية المنتشره عندنا وبدول الخليج)
كيف جاته هذا الرمعه مدري

[براااوي]

وعليكم السلام ورحمة الله وبركاته

صح لسان والله يعطيك العافيه

وعندي هرمعه

الملح او السكر

واعتقد انها سماويه

صح بدنك أخي ابن هيازع

سماوية :)

[براااوي]

السلام عليكم ورحمة الله وبركاته
اسعد الله اوقاتكم بكل خير
صح السانك اخوي
وشو قولك بـ (العماله الآسيوية المنتشره عندنا وبدول الخليج)
كيف جاته هذا الرمعه مدري

وعليكم السلام ورحمة الله وبركاته

أسعد الله مساءك بكل خير

الرمعة بعييييييييدة حيل يا الغالي

المطلوب ( جماد )

[هيل]

اخوناالعزيز براااوي مساءالنور
وش رايك بمنطقة الملح لاتنبت
وعندما يتجمع الماء فيها وبعدنزوح الماء
يتكون الملح
تحياتي

[برق القصيم]

صح لسانك اخوي براوي

رمعيتين طال عمرك
الخلا اللي هو البر
او الخيزران (العصا)

[براااوي]

اخوناالعزيز براااوي مساءالنور
وش رايك بمنطقة الملح لاتنبت
وعندما يتجمع الماء فيها وبعدنزوح الماء
يتكون الملح
تحياتي

مساء الخيرات أخي هيل

صاحبنا يصبر على الويل

ولا يعمل إلا إذا أخفيناه عن العين :)

أنتظر مرماعك القادم

[براااوي]

صح لسانك اخوي براوي



رمعيتين طال عمرك
الخلا اللي هو البر

او الخيزران (العصا)


صح بدنك أخي الغالي برق

للأسف الرمعتين مالك لوا

[برق القصيم]

وش تقول طال عمرك بالبخور (العود)

[ابولين]

السلام عليكم

صح لسانك

ورمعتي الفاروع ؟

[ياعين ابوي]

طيبـ .. الكبريتـ ..

[ابو اسامه 2]

وعليكم السلام ورحمة الله وبركاته

هلا بك يا مبدع

وصح لسانك

وش رايك طال عمرك في

النار و الجمر

او

شدة الحر او شدة البرد

تحياتي لك

[ابوتلين]

مرحبا بالجميع
رمعتي الكفن

[الجرح الحزين]

هلابك أخوي براااوي
واضم صوتي لصوت أخوي برق القصيم بقول (البخور "العود")

[براااوي]

وش تقول طال عمرك بالبخور (العود)



طال عمرك ... مالك لوا

[براااوي]

السلام عليكم

صح لسانك

ورمعتي الفاروع ؟

وعليكم السلام ورحمة الله وبركاته

صح بدنك يا الغالي

والرمعة مالك لوا

[براااوي]

طيبـ .. الكبريتـ ..

مالك لوا إختي

[براااوي]

وعليكم السلام ورحمة الله وبركاته



هلا بك يا مبدع


وصح لسانك


وش رايك طال عمرك في


النار و الجمر


او


شدة الحر او شدة البرد



تحياتي لك


هلابك أكثر مشرفنا العزيز

وصح بدنك يا غالي

والرمعة مالك لوا

ولكن يستعمل معه شي ذكرته برمعتك

[براااوي]

مرحبا بالجميع
رمعتي الكفن

مرحبا فيك أكثر يا الغالي

والرمعة مالك لوا

[براااوي]

هلابك أخوي براااوي
واضم صوتي لصوت أخوي برق القصيم بقول (البخور "العود")


هلا بك أكثر يا الغالي

الرمعة للأسف مالها لوا

والبخور أو العود نراه أمامنا أثناء أداءه عمله

[براااوي]

تقريب وتوضيح بسيط

المقصود بموت الرجل هو دفنه بالتراب لذلك لا نراه أمامنا أثناء عمله

ولكنه لا يموت بالمعنى الحقيقي للموت وهو الفناء ... وهو جمااااد

[ياعين ابوي]

طيب برميل المندي ..

[براااوي]

طيب برميل المندي ..


صح لساااااااااااااانك إختي يا عين أبوي

بالفعل هو برميل المندي

[ياعين ابوي]

صح بدنكـ .. أخويـ .. وأنت ماقصرتـ بالتوضيحـ ...

[ابو ماجد 2]

صح لسانك اخوي البرااوي على اللغز
وصح لسان عين ابوها على الحل
لغز سهل ممتنع وممكن ساعد في عدم كشفه عدم تفهمنا اسلوبك بشكل كبير
تحيتي لك وتقديري