رجه في السفاري

[سفاري959]

السلام عليكم عندي مشكله يااخوان في جيب سفاري 99 وهي رجه قويه مره حتى اني مااقدر امسك الدركسون تحصل بعد 140 وماتحصل الا اذا نقصت هواء الكفرات اللي عنده حل لايبخل علينا وجزاكم الله خير ملاحظه سويت كبس ذراع امامي وغيرت مساعد الدركسون ورصصت الكفرات ولااستفدت شي

[سوبر VTC]

و عليكم السلام و رحمة الله

اذا كان الدركسون ينتفض فالمساعد له دخل في ذلك
لانه يانه خفيف المساعد او يهرب زيت
و افضل حل تدبيل المساعد + وزن الاذرعه

رصص الجنوط :good:
اذا كان على الجنط من الداخل طين يسبب رجه
تاكد من ربلات عمود التوازن
ارفع الكفرات الاماميه
و حرك الكفر اذا فيه فضاوة
فك تيلة راس العكس و شد تيلة رمان العكس :good:
دائما بالباترول الصالون و السلقة اذا ارتخت تسبب رجه
تدبيل مساعد الدركسون :good:
يركبون مساعد اي سي ديلكو مع الشغل
من 150 الى 200ريال
تركيب فرارت :good:
بعضهم يكبس الاذرعه + تبديل الكفرات الاماميه مع الخلفية

رابط بالصور :good:

عون الباري للقضاء على رجة السفاري. (http://www.mekshat.com/vb/showthread.php?t=135114)


تدبيل مساعد الدركسون للجيبوب في الرياض وداعاً للرجه (http://www.mekshat.com/vb/showthread.php?t=214834)


ان بغيت ورشة متخصصه بالنيسان
بالرياض او بريده
علمن

موفق

[ابو نواف المطرفي]

ازيد على اخوي المشرف
فك عمود الدبل

[سفاري959]

اخوي سوبر vtcيعطيك الف عافية مشرفنا الغالي ودايم ردودك مميزه تحياتي لك

[سفاري959]

اخوي ابو نواف المطرفي مشكور على المعلومه وجزاك الله خير تحياتي لك يالغالي

[النادر الحسون]

هلا والله بالجميع

انا معاي نفس المشكلة دايما تحصل بالباترول والربع والسبب الجنوط تجارية .... إذا كان الجنوط اللي انت مركب كروم تجاري فهي السبب 100 %

[almlgof]

المساعدات الاماميه لانه صارت مع تسبب اهتزاز في ادركسون

[سفاري959]

اخواني مشكورين على تفاعلكم ولاهي غريبه منكم الجنوط اصليه وغيرتها بجنوط اصليه مفكوكه من باترول 2003 بس اللي ملاحظه ان رجه القديم اخف استخدمت ثلاث جيوب قديمه الرجه تكون خفيفه اما 98 فما فوق رجته غريبه كان عندي سوبر سفاري جديد ماشي تحت ال 100 الف ونفس المشكله