تكفون يا خبراء ام حبه

[عاشق البر والصيد]

السلام عليكم ورحمة الله وبركاته
عندي شوزن ام حبه رميت فيها امس رميتين
الثالثه رميت وعي الفشق يطلع طلعته بمفك واللي ينتش الفشقه طالع وماتخش الفشقه جوى وش اسوي فيها وش احسن محل يصلح الشوازن بالرياض تكفون دلوني
ولكم تحياتي

[بواردي الدبدبه]

ولا واحد يعرف الجواب انا اقول الجواب هي اطاليه ايذا الطاليه اقعدبه وماهي اطاليه
غير الناتوش وبس وخذ نصيحتي وارجو الصورهـ

[عاشق هدبها]

وعليكم السلام
اخوي انا عندي ام حبه وعانيت من نفس المشكله بس عز الله انه بندق ووديتها لمحل عندنا ونضفوها وربطوها زين
والحين بعض المرات يعلق الفشق اذا رميت بس معي حديده صغيره اذا علقت دخلتها بالمصوره وخليتها تطلع الفشقه

[عاشق البر والصيد]

اخواني / عشقي البيكال
/ عاشق هدبها شكرا على المرور والافاده
الشوزن نوعها ستفينز ام سيلان امريكيه ماهي اطاليه
اخوي عاشق هدبها المحل وينه اللي وديت الشوزن لمه وش اسمه ترى انا ساكن بالرياض اذا بعيد عن الرياض صعبه علي ابي محل بالرياض ويكون شغلهم زين خبراء بالشوازن
مو اي كلام
وشكرااااا

[عاشق هدبها]

هلا اخوي عاشق البر
لبى قلبك انا معي ام سيلان الامريكيه بعد
والله انا مو من الرياض انا من القصيم يالغالي
لكن انت اصبر على بندقك لين تلقى المحل
والشباب ان شاء الله ما يقصرون

[عاشق البر والصيد]

تسلم اخوي عاشق هدبها هلا بولد ديرتي الله يحييك
اذا ماحصلت احد يدلني على ورشة شوازن بالرياض صبرت لين عيد الاضحى وجيت للقصيم اصلح الشوزن
تعرف ورش زينه في بريده والا عنيزه ؟

[باترول_94]

انشالله يفيدونك الشباب

[محب الكرك]

عندك الله يسلمك الشايقى اللى بسوق الزل اللى بالديره رح لسوق وسئل اى واحد ويدلك عليه

[عاشق هدبها]

هلا بك والله
انا من الرس يالغالي وفي محل عندنا ان شاء الله يبيض وجهك
تبع الخليوي وصلح بنادقي عنده
وما يقصرون الشباب اللي بالرياض ان شاء الله

[مولع قنص]

اخوي

لا تصلحها ولا غيره

شف طالع عمرك اول شيء تجيب بخاخ صداء اصلي وترشه على النتاش من كل الجهات

وبعدين تجيب زيت سلاح اصلي واذا ما حصلت فيه زيت مكينة الخياطه لون علبته اخضر واذا ما حصلت جب اللي لون علبته احمر وزيتها وصكها وافتحها اكثر من مره لين تضبط معك

اما اذا سويت كذا وما فيه فايده عاد الله يعينك تفكها وتصلحها

اهم شيء لا تخلي احد يلعب في الشوزن الا بعد ما تفقد الامل

[راعي براوننق]

تبي النصيحة
انا عندي نفس المشكلة والحل هو:
1-نظف مكان الفشقة التي بالماصورة بخاخ اسمه Wd40تلقاه بمحلات قطع غيار السيارات
2-بعد التنظيف ضع زيت سيارة بمكان الفشقة التي بالماصورة
ملاحظة/الزيت يوضع بالاصبع ثم يدهن مكان الفشقة

[smk115]

حتى حنا يوم جينا نصيد عانينا من نفس المشكلة لكن فية واحد من الاهل معة زي الصيخين
طويلين يدخلهم من اخر الشوزن وتطلع الفشقة

لازم تشترية لان اذا سوتها الشوزن مرة ثانية بتنكب وتقعد تدور

[براوينغ]

والله ياخوك مشاكل ام حبه مشكلتين الاولى اللي قلتها ماتطلع الفشقه وتعلق ,, والفشقه الثانيه تشكل أي ما ترمي الفشقه ,, وانا جربت ام حبه الشوزن الكامله وام حبه النص وام حبه الربع شوزن ,, وكلهم نفس الشيئ وحالياً عندي ربع شوزن ولا رميت فيها تعلق بالفشقه بس الربع فشقتها صغيره فـ عندي زراديه ان علقت على طول اسحبها بالزراديه وتطلع ولكن جرب مثل ما قالوا الشباب ,, بالزيت والبخاخ وجربها وان ما ضبطت لا حول ولا قوة ودها لمحل وان عجزو عنها اخذ لك سيم طويل ولا علقت دخلها من فوهة السبطانه ودفعها للخلف وطلعها ,, واسمحلي على القصور

[صياد سوري]

اخي ما اعتقد تتصلح معك انا صارت معي

وهذا العطل ما كان يتصلح

والعطل انو حجرة الانفجار نافخا

يعني متوسعه ما تحكم الفشقه زين

وعند الرمايه تنتفخ النحاسه وما عاد تطلع معك الفشقه

وما في حل غير انك تركبلها قميص في حجرة الانفجار

وانشالله كون افدتك

[سواق الجيب]

انشالله يفيدونك الشباب

[فتى ملهم]

عندي ام حبه ما جتني هالمشكله بس تكذب يعني بعض الاحيان اذا جيت ارمي ما ترمي