قررت ان انظم الى ركب اهل الاجهزه وابي الفزعه منكم

[المترو]

السلام عليكم ورحمة الله وبركاته
بصراحه انا متابع لمكشات عموما وخيمة الاجهزه اللاسلكيه خصوصا ولدي معلومات جيده عن الالكترونيات لاباس بها وهي نظريه فقط لم اجرب التطبيق مطلقا انواع الكتب لدي
وماشالله يوجد خبراء بالاجهزه مثل خبيرنا شقران حفظه الله والخبير وغيرهم كثير لا اذكر الاسماء فالمعذره
الموضوع هو نويت ان شالله اولا اركب ستيشن بنفسي بالسياره والبيت لكن لا اعرف من اين ابداء

خلونا بالسياره اولاً
ماهي الاجهزه المطلوبه للسياره غير الايكم والانتل عندي 4 اناتل لاراسن انتنكس قصير وطويل دموند وانواع الاسلاك والكنكترات هذا الموجود عندي حاليا ً
ا
لرجاء وضع قائمه بالاجهزه للسياره بس ترى اخوكم سوف يركب كل شيء بنفسه

لا احد يصرفني لموضوعات الخيمه مع انها مفيده الى حد كبير لكن ضعت فيها

[الخبير]

السلام عليكم
هذي تجربتي انا لتقوية الجهاز ( الموضوع قديم لذلك احيلك له ) اضغط هنا (http://www.mekshat.com/vb/showthread.php?s=&threadid=2472&highlight=%C7%E1%CE%C7%E1)

[المترو]

السلام عليكم
اخي الشكر كل الشكر لسرعة الرد لكن المطوب هو قائمة الاجهزه والقطع مثلا
ايكم +مقوي + انتل + ...........+ ............+ الى الانتل واذا كان هناك اختيارا ت بين الانواع لا باس
لان الموضوع الذي ذكرت اطلعت عليه وهو مفيد لكن انه لتقوية الارسال ومتشعب ولا يركز على نفطه معينه واغلبها عن التحسينات وتقوية الارسال وبعض النصائح المطلوب قائمه check list وبعدين نستفيد من الموضوع المذكور اخوك يبداء من الصفر ويمكن غيري بعد ما يعرفون ماهي مكونات الراديو والاستيشن بالذات
الشكر مره اخرى

وسلامتكم الرحال2003

[الخبير]

نحتاج:
جهاز إرسال + مقوي + كيبل + انتل + تأريض.

- الجهاز بأنواعه وانا انصحك ب آيكوم 8000.
- المقوي: فيه انواع كثيره ولكن إذا كنت تبي تركبه في السيارة انصحك لا تزيد عن 200 واط، والسبب هو إن الآيكوم والمقوي 200 واط يحتاجون ل 35 امبير وإذا كانت بطاريتك 60 امبير وش يبقى لكهرباء السيارة.
طبعاًَ فيه ياباني وفيه تايواني. مدامك عند المحل قله يشغله وشف واحد إرسالة ضعيف، إذا كان يراسل بزي والصوت مهوب واضح اضغط زر الإستقبال إذا وضح الصوت خذه وإذا كان الصوت نفسه ولكن الأبراج زادت هذا خله عنك وشف غيره. ويفضل إنك تركب مروحة على المقوي.
- كيبل: هذا تكلمنا عنه كثير فغالب الناس يأخذون إلي عند المحلات وقيمته من 2- 3 ريال، هذا مع إحترامي ما يصلح والسبب إن الفقد فيه كثير لذلك انصحك بالإبتعاد عنه. مدامك ماخذ كيبل انا انصحك بالبلدن 9913 RG8 هذا تلقاه عن محل يقال له سترا وقيمة الكيبل 10 ريال تقريباً. طبعاً فيه أفضل منه يقال له LMR 400 ولكن هذا يحتاج طلب من خارج السعودية.
فيه بعض الشباب يقول لك خذ لك كيبل 75 اوم، وهذا غلط لأن الآيكوم يراسل على 50 اوم.
- انتل: وهذا اشكال وانواع والحظ له دوره في المسألة، انا انصحك مدامك تبي تستخدم مقوي خذ لك كومت 3.5 ديبي لأنه يستحمل إلى 300 واط وغيره 200 بس وخصوصاً الأناتل الطوال تستحمل 150 واط.
- تأريض: وهذا مهم جداً لإبعاد الراجع.

إذا كنت فعلاً تبي تراسل صح تراك تبي تتعب لين تركب الأمور صح، لذلك انصحك بجهاز يقيس لك الراجع وانحش عن موديل الدايموند تراه ما يقيس أكثر من 200 واط.

ابي اعطيك بعض النقاط البسيطة ولكن لها مفعولها في الإرسال:
الكنكترات: فيه انواع كثيرة ولكن أفضلها المطلي بالفضة لأن نسبة الأكسدة فيه قليلة جداً، ولو فيه من الذهب انا انصحك به، كان عندي منه وكنت ابيع الكنكتر الواحد ب 50 ريال. مقارنه بأبو ريالين إلي في السوق.
- هذي طريقة علمني عنها شقران ( الله يجزاه خير ) قال لي ركب انتل على الجهة الثانية من السيارة موازي تماماً للأنتل الأساسي تبي تلقى إرسالك يزيد من برجين إلى 4 أبراج.
- تقدر تركب قسام يحول من الأنتل اليمين إلى الأنتل اليسار على حسب زاوية إلي تراسله، وانصحك بقسام الدايموند لأنه الأفضل في نقل الإشارة، صحيح إنه ياخذ من الإشارة أحياناً خمسة واط ولكن غيره يأخذ 20 واط.
- المقوي: شفت اسلاك الكهرب إلي طالعة منه انصحك تغيرها بأعرض منها، لأنها كلما عرضت كانت الواطات إلي يطلعها الجهاز أكثر.

كثير من الشباب يقولون لي ليش التكلف هذا ودفع الفلوس، انا ابغى اراسل وبس، وعلى فكرة الكثير من الأعضاء والمشرفين في المنتدى ينتقدوني في المسألة هذي ولكن إذا طلعنا للبر تلقاهم يقولون لي راسل فلان وانا استقبله وهم لا.
على فكرة ترى بعد الشغل هذا كله تبي تلقى الفرق بسيط ولكن الفرق فعال جداً يعني غيرك يستقبل بزي انت تستقبل برجين ( بدون مقوي ) طبعاً بالمقوي تبي تراسل ابعد طبعاً ( انا راسلت راعي عنيزة - هو كان بعنيزة وانا كنت بالثمامة وكنت استقبله 5 ابراج ).

اي سؤال ثاني انا جاهز.

[المترو]

تسلم اخوي الخبير وخلك حولي كل الطلبات موجوده عداء المقوي سوف نحضره احضاراً والكيابل قريبه والكنكترات بعد قريبه تسلم بس فيه سؤال زقينون تحمل الطالب النجيب يا استاذ
عندي بطاريه اضافيه بالسياره وتعبي من الدنمو مثل الاساسيه وكل وحده اظنها 80 امبير عطفا على قولك وش بقاء للسياره من الانبيرات

المشروع بديناه ان شالله يوم السبت او الاحد نكون خلصنا منه وسوف اطلعكم عل النتائج


وسلامتك الرحال2003

[المترو]

السلام عليكم ورحمة الله

اولا هذه اول مره افكر بالمراسلات خارج الكشته او المقناص لكن اعيد واكرر الغرض من هالاستيشن هو للاستعمال خارج المدن وخارج التغطيه وندور على خوينا بالبران او لدواعي السلامه
وللعلم قمت بعمل الشغل بنفسي اول مره بس نجت بتقدير جيد تقييم شخصي مني لي

ثانيا تم احضار الاتي
ايكم 8000 + امبي 200 واط غير معروف اصلها وفصلها لقطة غليص + كيبل RG8 +كنكترات +انتل كومنت نسيت كم ديبي بس 300 واط تحمله يقال انه اصلي والله اعلم وصله وحده +قاعده انتل ملحمه بسلة الموتر مخرومه للانتل بأحد الزوايا+ قسام يحول من الاريل بتاعي الانتنكس القديم القصير بدون امبي والدعثه اللي انا مركب جديده


الموقع احد طعوس الثمامه ليلاً

النتائج اول واحد صدته بالخرج يستقبلني 4 ابراج وانا استقبله برجين

الثاني الدوادمي اعتقد اذا ما ني غلطان نداه الهيثم يستقبلني بزي واستقبله بزي بس الصوت واضح

الثالث الهياثم واحد مدري وش يبي بس راسلته

الرابع واحد برماح بس من 2 الى 4 ابراج يستقبلني وانتله دموند متحرك

كل اللي بالرياض يستقبلوني دبل اوفر

النواقص التاريض للامبي ومجلسها على مركىهههههه التاريض للانتل ولم يتم تثبيته جيدا بالقاعده
قياس الراجع
الارسال على LOW و MID فقط

الملاحظات 1- الامبي يعطي على المد من 165 الى 200 الو تحت 100 ودعستله على الهاي مره وحده وصفق الى 265 واط
2- ياشين استخدام الراديو قرب المدن انواع سوء الاستخدام للاسف


التوصيات تنفيذ النواقص وصك رادوك الى تجي بالبران وراسل خوياك بالشعاف والحزوم والوديان فقط

والسلام عليكم الرحال2003

[الخبير]

السلام عليكم
على البركة وشيء جميل إنك وصلت المواصيل هذي!
لكن هل قست الراجع؟؟؟؟

اعتقد إن مشكلتك هي في الراجع، وعلى فكرة إذا لقيت إن الإمبي يقفل إذا ضغطت الريشة هذا معناه إن الراجع عالي.

[المترو]

هلا بمشرفنا العزيز

والله ما قست الراجع هو احد النواقص اللي باقيه
وكيف تقطع الامبي ؟
بس سؤال من وين اقيس الراجع واي راجع اللي يحتاج الى قياس يعني من قبل الامبي والا بعدها
وهل هو راجع الايكم والا راجع الامبي او راجع الانتل
وماهي نسبة الرواجع المقبوله لكل واحد منهم

الرجاء الافاده والله يحفظكم

الرحال2003

[الخبير]

السلام عليكم
اشبك الأنتل بجهاز قياس الراجع ( مكتوب ANT ) وبعدين فيه مخرج ثاني اشبك فيه شلك ووده للإمبي ومن الإمبي للجهاز، وسم بإسم الله وارسل.
إذا كان الراجع 1.5 معناه إنك في السليم، وكل ما قل كان أحسن، لكن إذا زاد يبي لك تراجع شغلك من جديد وتشوف وش المشكلة.

[المترو]

الراجع طلع 2 على الكومنت اللي 3.5 ديبي و 300 واط شكله الانتل ماهو اصلي يعني البلاء بالانتل
اما الراجع بعد تغيير الانتل فهو 1.1 على انتل الدموند وصله وحده الاصلي

وبالمره قست الطاقه للمبي تعطي اعلى شيء 286 واط وهي 200 واط بس كيف تجي مادري انا شاريها على انها 200 واط ومكتوب عليها ويطلع منها 286 واط شيء غريب
وترى جهاز القياس الغالي اللي 400 ريال الازرق

وللمعلوميه اهل الخرج يستقبلوني 2-4 ابراج قافلين التشويش ودبل اوفر فاتحين وب MID وLOW فقط
وانا استقبلهم بزي و2 برج فقط طبعا هذا كله وانا بالثمامه بالطعوس


والسلام عليكم الرحال2003