المساعد الشخصي الرقمي

مشاهدة النسخة كاملة : إخواني عندي مشكلة في الباترول 95


ساير22
14/11/2009, 12:53 PM
السلام عليكم
إخواني عندي مشكلة في الباترول 95 مع العلم أنه نظيف ونظر ماشاء الله (هل يمكن تكون عين)
رحت للبر وفي الرجعة إذا رفعت رجلي عن البنزين يضعف ثم يطفى سرت ما أرفع رجلي عن البنزين ولا حظت أنه طلع صوت صرقعة ثلاث مرات
مع العلم أنه في البرد ما يشتغل من أول دقة
كذالك أنه يطلع كربون أسود
مع العلم أني مغير له بواجي
وشكرا
العابر2222
14/11/2009, 01:29 PM
شكلة كبليتر

شي طبيعي الكبليتر ... نظف الكبليتر ... او البليتين لاذع

لا تضيق صدرك عاديه هاذي في كل الباترول
ابو نواف المطرفي
14/11/2009, 01:45 PM
من ناحية انه يطفي .. فيه فيوز اذا انقص تصير نفس الحالة ,,, يعني تطفي السيارة اذا رفعت رجلك عن البنزين .
الصرقعة ... ماعرفت وش تقصد
مايشتغل بالبرد من اول مرة ... برضه عادي هذا طبع النياسين جيب والا ددسن والا الخ ...
والكربون .. اذا يطلع بس اول ماتشغل ,, هذا عادي .

اتمنى اني افدتك
ابوفاضل2
14/11/2009, 02:02 PM
السلام عليكم
اذا كان يطفي دايم ماهو احيان شف سلك الكهرب اللي بالكلبليتر
واذا احيان نظف الكلبليتر
مع ملاحضة البليتين وسلك الكويل
تحياااااااااااااااااااااااااااااتي
سفاري959
14/11/2009, 02:14 PM
فيه فيوز يسمى فيوز كهرباء المكينه تحصله عند ارجول الراكب الامامي مرت علي قبل ارجو اني اكون افدتك تقبل مروري
الوسيطاء
14/11/2009, 02:43 PM
اخوي اذا هو يطفي من بروده بلموتر الحق على الموتر وركب بلف حراره وريح بالك
اتفاق الطائف
14/11/2009, 02:46 PM
ارفع هواء الكلبريتر

اذا مانفع ناكد من سلامة الكلبريتر

اذا كان سلسم تاكد من طرمبة البنزين

مع اني كنت اتمنى ان تشخص الحالة بشكل دقيق مثل

هل تحدث الحالة دائما

هل هناك امور اخرى تحدث مثل زيادة صرفية البنزين التقطيع الى اخرة

اسال الله لك التوفيق
ساير22
14/11/2009, 04:31 PM
ماقصرتو بيض الله وجيهكم
يمال الجنه يالربع
الحاله قد جت قل شهر ورفعت هوا المكينة ومشت الأمور
ولا كن المره هذي طول ولا نفع رفع الهوا
(الصرقعة) هي الصوت الي يخرج من البساتم إذا قلبت البواجي

فيه شي مستغربه أن الفيوز في الموتر أعلا من أرقام التقسيم في الغطى يعني الي مكتوب في الغطا 10 ألقى مركب 15
س ب ع 6
15/11/2009, 09:41 AM
نفس المشكلة عندى ولم اجد الحل غيرة بواجى وبليتين
ساير22
15/11/2009, 06:36 PM
أخوي س ب ع بعد ما غيرت البواجي البليتين صلح موترك ولا ما زال و مديل موترك وشو؟
؟؟؟ياعيني؟؟؟
15/11/2009, 09:20 PM
اخوي لا تخاف هذا من الكلبليتر وصخ على المكنيكي بفصل واحد من الليات وينظفها وخلاص .....................
وليد 5
15/11/2009, 11:14 PM
البوابينه الا تروح الى الديلكو او اشكوش يكون فيه فراغ
ساير22
16/11/2009, 11:16 AM
ماقصرتو بيض الله وجيهكم
برباتوف
16/11/2009, 01:32 PM
اول شي تشيك على فيوز طرمبه البنزين .. هذا اذا كان نظامه مثل الباترول الشكل الي فوق 98 .. تلقى الديكور الي تحت الدركسون ينفك بسهوله , وتحته فيه علبه فيوزات كبيره على حجم البيضه تقريبا للفيوز الواحد , شيك عليهم الين تحصل فيوز الطرمبه .. بدله مثلاً بفيوز الطبلون وجرب اذا ماانحلت المشكله فأغلب الظن والعلم عند الله ان المشكله من الكلبريتر .. والله يعينك عليه لانه اذا خرب يبي يبتل يطلب الكربيتر الين تغيره الا اذا كان نظام حلاب
ساير22
18/11/2009, 12:47 PM
أخواني أنحلة مشكلة الطفية بالفيوز الي قالو الأخوان الي تحت الدركسون عند رجلين السواق
الله يجزاكم خير
برباتوف
18/11/2009, 02:43 PM
الحمد لله ..
احتياطاً خل معك فيوز طرمبه احتياطي لو لا قدر الله وطفى عليك وانت بالبر .. لانه اذا كان التلف كبير احيانا مايشتغل الموتر ..
ساير22
27/11/2009, 04:49 PM
نصيحة مهمة لك جزيل الشكر
turke2545
27/11/2009, 11:09 PM
الاخوان ماقصروا معك بس احب اشارك في موضوعك اذا كان كلبليتر
صارت معي في باترول 97 كان اذا رفعت رجلي عن البنزين يطفى
واذا صرت واقف يتفتف ثم بطفى سويت له شغله بسيطهوانا في البر وقفت وفتحت
القربه حقت الكلبريتر وبدلت اسلاك البواجي الخامس محل السادس والسادس محل
الخامس وادوس له عن طريق الكلبريتر بعد ماتدوس راح يرمي من عن الكلبريتر
وخر وجهك سوها مره او مرتين وراح ينظف ويطلع الترب او الوسخ اللي داخله
وراح يصفي بعدين رجع الاسلاك هذا اللي حبيت اوضحه لك وللجميع
ارجوا انه تم الاضاح
سوبر VTC
28/11/2009, 01:08 AM
و عليكم السلام و رحمة الله

انت ماذكرت الموتر بخاخ او كلبليتر

الباترول حساس جدا مع البنزين 91
بدليل انك اذا حطيت القير على الثاني او الثلث
تلقلق البلوف
و اذا عبيت احمر 95 يروح الصوت :good:
انصحك بالاحمر 95
وزن الديلكو + وزن البلوف اذا كان يلقلق
صفاي بنزين

اذا كان بخاخ
تاكد من خرطوش القربة اذا كان منشق يدخل هواء خارجي
و يكتم الموتر
تاكد من طرمبة البنزين


ادخل هالرابط المميز :good:

هل تعاني من تقطيع او زيادة صرفية او دخان اسود في الباترول من 88 ... (http://www.mekshat.com/vb/showthread.php?t=169392)

فزعه ياأهل الباترول - منتديات مكشات (http://www.mekshat.com/vb/showthread.php?t=244854)

وش حل الكتمه بالباترول - منتديات مكشات (http://www.mekshat.com/vb/showthread.php?t=242006)

الباترول يفرقع ارجوكم ساعدوني ؟؟؟؟ - منتديات مكشات (http://www.mekshat.com/vb/showthread.php?t=237622)



موفق
عاشق مكشات
29/11/2009, 12:37 PM
شيك على الفيوز

قد صارت معي ان شغلت الموتر يطفي لازم اتعس
وادي العرج
27/11/2012, 04:23 AM
ياسايــــر 22 وانا اخوك صارت معي طفى الموتر معي وانا ماشي حدود140قلت الله يستر
لايكون شي بالمكينه الوكاد شيكت طلع البليتين وبعدين نفس الوصف صرقعه كانك ترمي بسوجن
غيرته والحمدالله كل شي تمام .. اما العين وماالعين توكل على الله ولاعليك ....