المفاجأة الكبرى...قدر تيربو من سب !! انا لقيته!!

[ابو نجود]

طرحت على الاخوان سؤال عن وجود قدر ضغط موديل تيربو من سب فأجاب الاخوان انهم لم يسبق لهم رؤية هذا الموديل من قبل!! وكنت بل ان اطرح السؤال قد حصلت عليه والحقيقة انني تفاجأت بوجود هذا الموديل من شركة سب العريقة لذا قررت ان استفسر من الاخوان عن وجود هذا الموديل فكان هناك اكثر من 300 زيارة للموضوع واجاب 5 اشخاص بانهم لم يروه!! لذا اقدم لكم ما حصلت عليه واترك لكم الحكم..
http://www.mekshat.com/pix/upload03/images134/mk190_dsc01030.jpg هذا القدر..
http://www.mekshat.com/pix/upload03/images134/mk190_dsc01025.jpg يد القدر وفيها الاسم..
http://www.mekshat.com/pix/upload03/images134/mk190_dsc01026.jpg هذا صمام الامان ولايمكن فتح القدر الا بعد خروج البخار من داخل القدر.
http://www.mekshat.com/pix/upload03/images134/mk190_dsc01023.jpg هذا حجم القدر 6 لتر..
http://www.mekshat.com/pix/upload03/images134/mk190_dsc01028.jpg هذا مكان الصنع (صنع في فرنسا)
http://www.mekshat.com/pix/upload03/images134/mk190_dsc01029.jpg هذه الجلدة واعتقد انها بحاجة الى اعادة تركيب او تغيير لانني وجدت تهريب من عند اليد مقابل هذا المكان.. http://www.mekshat.com/pix/upload03/images134/mk190_dsc01022.jpg هذا البلف وعلامة سب وتاريخ الصنع ( 3/1993).. http://www.mekshat.com/pix/upload03/images134/mk190_dsc01031.jpg هذه اول كبسة حكرتها فيه اليوم.. هذا هو القدر ما رأيكم؟؟

[فهدالغيهب]

ماشاء الله تبارك الرحمن

وش هالمزيون الله يعطيك خيره ويكفيك شره ، أثاريك تختبر معلوماتنا .

يخوي هذا وين لقيته ؟ اللي يبي زين وين يلقاه أنا عندي إن هالنوعيات من الكواتم تفوق الكواتم المعروفة في سرعة الإنضاج ، أنا كنت أقول في السابق الله يهدي سب ليش ماطلعت لنا موديل مثل تيربو ستيل .

على فكره هل هو ستيل ؟

مرة ثانية ماشاء الله وعليك بالبركة

أخي أبو نجود
ألف شكر على هالموضوع الرائع .

[فنجال السيف]

هذا موجود عندي واحد نفسه له اكثر من 20 سنه والحين فيه مشكله ينسم :( ولا كان ولا احسن منه ونصيحه اذا كان موجود عدك لا تفرط فيه تراه لك وللزمن ...

[الضاحي]

هلا وغلا يا ابونجود

نعم يوجد وانا شفته في أحد الأسواق في دبي (سوق كارفور اللي في سيتي سنتر) وكنت قد قررت شراءه ولكن ردني عنه ما يردني عن التيربو الالماني (العصا الطويلة).

مبروك ما لقيت يا ابو نجود

[سرهيد]

السلام عليكم

ما شاء الله تبارك الله

حلو والله

والظاهر بعد انه استيل والا لا

الله يهنيك به طال عمرك

السؤال : كيف حصلت عليه

تقبل مودتي

[ابو نجود]

الله يبارك فيك يا اخوي فهد..والمسألة استفسار للتأكد من معلومة مجهولة بالنسبة لي..
وانا لقيته في المنجم المجهول (الحراج) ولقطته..والقدر ستيل 100%.
هلا اخوي فنجال..واللي عندي فيه تنسيم بسيط بسبب عدم تركيب الجلدة بطريقة صحيحة..
واذا كان القدر عندك فارجو منك ان تنظر الى الصورة الخاصة بالجلدة وتقول لي هل هي راكبة بطريقة صحيحة ام لا؟؟ لانني لااعرف بالتيربو شيئا.!!
هلا باخوي الضاحي..الحقيقة ان اليدين عيب كبير جدا خصوصا لراعي البر وانا لست من عشاق التيربو لهذا السبب..لكن عندما شفته من شركة سب عرفت انه نادر فاخذته..
وعليكم السلام يابو عبد الله.. والله يبارك فيك.. والقدر حصلت عليه من المنجم المجهول كما قلت سابقا (الحراج).
والقدر ستيل 100%..

[بن.حسن]

حي الله اخي ابونجود

بالبركة ما شريت ويستاهل

سب الإقتناء والبحث عنه

تقبل تحياتي


--------

[الفضلي 11]

جزاك الله خير على عرض كل ما هومفيد
هذه هى الرفقة الطيبة لا تأتي إلا بخير

[ابو نجود]

الله يحييك يا اخوي ابن حسن ويبارك فيك...والسب منتج مشهور بالجودة خصوصا القديم منه.
هلا باخونا الفضلي..والله جزاك خير لمرورك ومشاركتك..ولنا الشرف بالتعرف على امثالك..

[alannaby]

ماشاء الله عليك

[فنجال السيف]

ابو نجود شيكت على الي عندي صار سنة 89والتنسيم الي فيه والله عجزت اطلعه بس اذا رفعت عليه النار شوي ويكتم اكيد انه جلبه الله يوفقنا وياك...,,,

[ابو نجود]

هلا با خونا العنابي..مشكور للمرور والمشاركة..
اخوي فنجال..جزاك الله خير..وسؤالي هل الغطاء عندك الى قلبته مثل اللي عندي(الجلدة غير ثابتة كما في الصورة)؟؟