دلوني على مناطق الجلب في رابغ

[tawmw]

السلام عليكم ورحمة الله وبركاته...
إخواني الأعزاء على قلبي جدا جدا جدا...أريد من كل من يعرف منطقة جيدة للتجليب من الشاطئ في رابغ أن يدلني عليها .
لأني ان شاء الله ناوي أطلع لها يوم الأربعاء القادم مع طقة عليميه (يعني مع مجموعة من الغشمان) وأريد ان تكون هذه الطلعة لتحبيبهم في الصيد والبحر..
علماً بأن سيارتي هواندا أكورد (ياليت كان عندي جيب)..وسيكون الوصول للمنطقة ليلاً إن شاء الله
ولكم جزيل الشكر,,,

[غوااص رابغ]

السلام عليكم والله يا اخي في عندك منطقة الحجار السود(على طريق مرسى السرج) وفي عندك شاطي رابغ العام وفي عندك الخور وفيه كذا مكان في الخور ينفع تجليب ...بس انا انصحك بالسنوركل في رابغ وهذي اماكن الجلب من الشاطي

تقبل مروري اخوك غواص رابغ

[tawmw]

يعطيك العافية يا غواص رابغ على ردك السريع..زبس انا ما أعرف المنطقة..فياليت لوتقدر مشكوراً تخحددها على القوقل او بالحداثيات الخغرافية.

وبانتظار المزيد من المشاركات

[غوااص رابغ]

والله يا اخوي انت لو تعرف سكن ارامكو يكون وصلت كل الامكان اللي قلتلك عليها لانها حولينها و احاولك في القوقل

[accentkool]

ان شاء الله الشباب اللي برابغ يفيدوك

[tawmw]

وين المشاركات يا اهل البحر...؟؟
بانتظار وصف أوضح للمنطقة

[المجنوني]

وين المشاركات يا اهل البحر...؟؟
بانتظار وصف أوضح للمنطقة
انا اخذت فترة اتردد على رابغ ايام الغشامة وكان صيدنا كله ابو قرن
اما جلب ما صدت هناك

ولكن اهل رابغ ادرى بشعابها وان شاء الله الشباب يدلوك او تطلع مع واحد فاهم لها
في رعاية الله ،،،،،،،،،،،

[tawmw]

تسلم يابو ريم..شاكر لك مرورك ونصيحتك

[tawmw]

واضح ان منطقة رابغ غير معروفة عند المكشاتية...طيب لو سألناكم عن مناطق جلب الشاطئ اللي في ينبع..فهل من مجيب؟؟؟

[صاحب الجردي]

يوجد كثير من اهل رابغ هنا لكن والله العالم انه الأغلب مشغولين....


و انا اذا بتصبر علي بحدد لك أغلب المناطق الجيدة....


وهي زي ماقال احد الاخوان فوق حول سكن ارامكو.....


لي رجعة انشالله قبل ماتحرك بيوم ....يعني الثلاثاء هنا...بالتفاصيل

[@السيف@]

والله اعتقد مركز ابو خشبه والغزلاني طيبه للجلب وأهل رابع ادري

[صاحب الجردي]

شوف يا الطيب...


رابغ لها بحرين الخور والبحر المفتوح......

الخور حلو بس الوصول الى نقطة فيها عمق كويس من الشاطئ صعب والصيد فيه لازم يكون قريب من الشعب والشعب فوسطه مو أطرافه و الطريق للخور مختلف ومتعدد فيه من جنوب رابغ أو من شمالها....عموما الخور ينفع تمر الصباح تتفرج عليه فقط....أو تنزل فيه بشوار...





أما البحر المفتوح فيبدأ تقريبا من مركز الذيب وهذا جنوب رابغ عند مصنع الاسمنت و المحطة البخارية للكهرباء ويعتبر أول مركز بعد أبو خشبه (صعبر-إعمار) وهذا كسارة عادية وفيه مرسى أبوات صغير. بعد المصانع الى هناك (مصنع الاسمنت، محطة الكهرباء، بترورابغ، تحلية رابغ) يجي مدخل التحلية من نفس مدخل سكن أرامكو ولكن في الطريق الى السكن... في دوار واضح و من نفس الدوار في نزله الى التحلية ...بحرها جميل لكن المنطقة جدا صغيرة.....


بعد التحلية في حوش لجامعة الملك عبدالعزيز كبير جدا ومقفل...بعده يجي كورنيش رابغ وفيه مجموعة كبيرة من الجلسات بظلة ومرتبه و كسارتها قريبه وحلوة.....

بعدها ينتهي الكورنيش وتجي الحجار السود وهي كسارة مردومة زي خليج سلمان وماهي بطاله ....وقتها يكون شبك السكن صار قريب من البحر......

بعدين ب كيلو تقريبا ينتهي البحر(وهذي منطقة سباحة معروفة للعوائل)!!!! ويجي مركز أبوات السرج ثم يقفل الشبك البحر ويصير البحر تبع أرامكو.....

شمال السكن في منطقة مفتوحة...(مدخلها يحتاج أنك تلف حول السكن كله عكس البحر)..غربها البحر المفتوح وشرقها الخور....وشمالها بحر مستورة.....وهي جميلة لكن كساراتها نوعا ما بعيدة....


أحلى منطقى فيها ظهار حنين والغزلاني....وأنا في رأيي أنه الكورنيش احسن اذا تبغى جلب من الكسارة .....والغزلاني احسن اذا تبغى جلب في الشاطي و أعماق قليلة أو في الحلق....


في الكورنيش في حلق صغير عند مكان يسمونه عزبة صلاح...أحاول أحطة على القوقل ....هذا ممتاز...ثم الحجار السود....طبعا المكانين هذي قريبه جدا بالسيارة (طريق مسفلت) و منطقة شمال السكن تعتبر بعيدة شويه و طريقها ترابي...



لنا عودة...