المساعد الشخصي الرقمي

مشاهدة النسخة كاملة : شوفوالكاتم حقي وش صار له ...........@@


أبوأحمد98
18/10/2004, 12:47 PM
السلام عليكم ورحمة الله وبركاته

هذا الكاتم حقي انكسر الممساك الي يفتح ويربط

تكفون يا شباب من يعرف محل يصلحه او طريقه يعلمنى لاني محتاجه برمضان

وجزاكم الله خير :(

http://www.taibaonline.com/up/show.php?img=11894
مشغول
18/10/2004, 01:11 PM
هلا ابو أحمد

شكل الكاتم وارد السيف .. وإذا كان كذا رح خلف المحكمة الكبرى اللي بالرياض بتلقى محل صيانة أواني السيف .. يصلحونه ببلاش والقطع عليك ..إذا يحتاج قطع .

الوصف بعد المحكمة لف يمين صار وجهك جنوب .. تمشي شوي يصير المحل على يمينك .

وهلا بك .
أبوأحمد98
18/10/2004, 01:19 PM
السلام عليكم ورحمة الله وبركاته

الله يجزاك خير يالغالي

بس ما دري هو وارد السيف والى لا القدر(( صيني)) هذا الي اعرف :(
مشغول
18/10/2004, 01:22 PM
وعليكم السلام

ما دام انه صيني أكيد بيكون وارد السيف

على العموم السيف والصيني في الشكل واحد .. رح لهم وإن شاء الله يزينونه

وهلا بك
القماري
18/10/2004, 02:33 PM
أستعمل زرادية كبس وراح تفيدك إذا تعذر عليك أصلاح مقبض جديد (مجربه)
أبوأحمد98
18/10/2004, 03:50 PM
السلام عليكم ورحمة الله وبركاته

مشغول : الله يجزاك خير يعني الصيني هو السيف ؟؟ ان شاء الله ابروح اغديهم يزينونه مشكور يالغالي وما قصرت :)

القماري: ما فيه فايده الزراديه :(

ةشكرا
عبد العزيز العجاجي
18/10/2004, 11:56 PM
اذا كا وارد السيف يوجد قطع غيار في محلاتهم
سوبر بنللي
19/10/2004, 04:52 AM
السلام عليكم ورحمه الله وبركاتة

اخوي كل الكواتم الصينيه لازم ينكسر الممساك الي من فوق والحل سهل
تروح لاقرب ورشه طال عمرك وتخليه يلحم لك مسمار او صيخ حديد بطول 10 سم فوق المسمار الي كان
مشدود عليه الممساك لكن يلحمه بالعرض بحيض يكون راس القدر على شكل حرف T لكن انتبه
بعد هذي لا عاد تفك القدر الا ببيز او خرقه :D
أبوأحمد98
19/10/2004, 04:38 PM
((المُرشد)) ان شاء الله نلقى حل لعلته ....بس وين يالغالي محلتهم .......؟؟

((سوبر بنللي)) وعليكم السلام ورحمة الله وبركاته

ابروح لوكيله ان ما فاد ابزين الي تقووول .....:(

((مشغول)) قل امين الله لا يشغلك الى بطاعته ........تكفى يالغالي وصف دقيق لمحلهم .......

اذا صارت المحكمه على يميني الف بعده يمين ......؟؟ الف مع شارع والى اذا جت الاشاره .....؟؟

وش اسم الشارع الي هم عليه ......؟؟

تكفى يالغالي الررررد بسررررررررعه .....:(
مشغول
20/10/2004, 10:34 AM
هلا ابو أحمد

طيب خذ الوصف .

وانت على طريق ( طارق بن زياد ) ووجهك شرق تجيك المحكمة الكبرى على اليمين لف يمين من عند الاشارة .. والظاهر ومنيب متأكد إذا لفيت يمين يصير الدفاع المدني على يسارك بس منيب متأكد .. أهم شيء الشارع صغير .. اللي متأكد منه إنه بعد المحكمة تلف يمين وبعدين يجيك المحل على يمينك ورشة ومعرض

وإذا ما دليت أبشر اروح اصور المحل وأقول للعامل ينتضرك عن المحكمة :D

وهلا بك وفي الخدمة
أبوأحمد98
26/10/2004, 10:16 PM
السلام عليكم ورحمة الله وبركاته
الله يجزاك خير .......أبشرك رحت لمهم وزينه بــــــ15 ريال .......الله يجزاك خير على التوصيف ........

المهم تراك معزوم على السحور عندي اليوم ابطبخ لك من الكاتم ........:D

وشكرا ......:D
مشغول
27/10/2004, 11:11 AM
هلا ابو أحمد

الحمد لله .. والله يبشرك بالخير .

ما دام العزيمة قايمة .. تراني ما أكل دجاج :D يعني افهمها ..

في الخدمة والله يحييك في أي وقت .
ساهرالليل
28/10/2004, 12:29 AM
وحنا معزومين معكم او لا

تحياتي للجميع