مطلوب قز شنطة بريموس

[سرهيد]

السلام عليكم

احبتي الكرام

هناك اخ عزيز عليّ له رغبة في قز بريموس الشنطة الاحمر واللي كان يباع من قريب بسعر 270

فمن كان لديه ويريد البيع فيخبرني

ومن خبر محل يبيع القز يرسل لي على الخاص

هدفي خدمة احد اخوتي من متابعي مكشات

وهذي صورة القز المطلوب

http://www.mekshat.com/pix/upload03/images131/mk40450_jlkjlkjlk.jpg

وتقبلوا احترامي

[عزبة بر]

الله يرزقك يا رب
واتمنى ان عندي واحد :)
وان شاء الله اذا شفت يباع في اي مكان
ابشر ابعلمك ...

[hot_line]

اخوي سرهيد

موجود بالنت واذا تبي اطلبه لك ابشر

[ابوناصر426]

حيالله ابو عبدالله
هالقز شفت منه اعداد كبيرة في الحراج، هذا اذا انت تبي تشتري مستعمل واذا تبي تشتري جديد فتراني قد شفته في محل، اذا ماخاب ظني فانا شايفه عند محل الرحلات اللي بحي المروج.

[فهدالغيهب]

وعليكم السلام

والله تمنيت إنه عندي كان أعطيك إياه هدية ما ابي من وراها جزية .
بس ياحسافة ما كان عندي كنت قبل العام ابشتريه من برق الحيا ، لكن قال لي اخوي لا تشتريه صيني مايستاهل ، قدر الله وما شاء فعل .

طيب ابو عبد الله الكوفيا الشنطة مايصلح ويقوم مقامه .

[سرهيد]

الله يرزقك يا رب
واتمنى ان عندي واحد :)
وان شاء الله اذا شفت يباع في اي مكان
ابشر ابعلمك ...

هلا بك اخوي عزبة بر

آمين وما قصرت

وياليت ان وجدته تخدمني بالمكان ، لان اللي يبيه عزيز عليّ

تقبل احترامي

[البرميوس]

ياعسا ربي يوفقك وتلقى مطلوبك ياعمدتنا

[سرهيد]

اخوي سرهيد

موجود بالنت واذا تبي اطلبه لك ابشر

ما تقصر جعلك في الجنة

ودنا ندور اول في الديرة بعدين نشوف النت

ويعل عمرك يطول وبيض الله وجهك

تقبل احترامي

[الكونترولCONTROL]

شفت مثله لكن صاحب المحل قال لي تجاري و صيني 100 %
و نسيت بكم قال لي بين 150 و 250
بعدين انت يا أستاذنا سرهيد تدلنا في الغالب !!
المهم ان لقيته لا تخليني .. افطن لي بواحد !

[سرهيد]

شفت مثله لكن صاحب المحل قال لي تجاري و صيني 100 %

و نسيت بكم قال لي بين 150 و 250
بعدين انت يا أستاذنا سرهيد تدلنا في الغالب !!

المهم ان لقيته لا تخليني .. افطن لي بواحد !


السلام عليكم

هلا بك اخوي الكريم وما قصرت يعل عيني ما تبكيك

نعم صحيح وكم واحد دليته عليه يوم كان متوفر وموجود عند اغلب المحلات ، لكن حاليا صار غير موجود علشان كذا حبيت اخدم احد الاعزاء شرواك

تقول لقيته ياليت تخبرني على الخاص ، لاني حاولت اراسلك على الخاص وغير متاحة لي

فاتمنى تخدمني على الخاص فديتك

تقبل مودتي

[الكايف 888]

هلا وغلا اخوي سريهي ولايهونون الاخوان العاده حنا اللي نطلب منك مو انت اللي تطلب لاكن مادام هذا طلبك اللي مثلك يستاهل.

قبل فترة انعرض عند واحد مااعرفه لاكن مو بريموس يجي منه عينين وثلاث عيون اذا تبيه خبرني وابشر بعزك.

انا بالشرقيه .

الكــــــــايـ 888 ــــــف

[راعي الطلعات]

اذا ماني بغلطان ولا بواهم فأن محل البريه عنده واحد وعنده شكل ثاني بس اللون اسود

بالتوفيق والله يرزقكم بمطلبكم

[سرهيد]

حيالله ابو عبدالله
هالقز شفت منه اعداد كبيرة في الحراج، هذا اذا انت تبي تشتري مستعمل واذا تبي تشتري جديد فتراني قد شفته في محل، اذا ماخاب ظني فانا شايفه عند محل الرحلات اللي بحي المروج.

هلا بك اخوي الكريم

انا من اللي ما اخلي الحراج ولكن ما قد شفت

وما قصرت

اما محلات المروج فكنت عندهم الاسبوع الماضي وما لقيت عندهم شيء

ومشكور على مشاركتك

الله يرحم والديك

تقبل احترامي

[سرهيد]

وعليكم السلام

والله تمنيت إنه عندي كان أعطيك إياه هدية ما ابي من وراها جزية .
بس ياحسافة ما كان عندي كنت قبل العام ابشتريه من برق الحيا ، لكن قال لي اخوي لا تشتريه صيني مايستاهل ، قدر الله وما شاء فعل .

طيب ابو عبد الله الكوفيا الشنطة مايصلح ويقوم مقامه .

هلا بك اخوي الكريم

ومشكور فديتك يالطيب وتسلم

الحقيقة انني اطلعت على هذا النوع من قرب وقد فكيتها جزء جزء ورأيت انه يستحق الشراء لمن يحبون مثل هذه النوعية ، لكني شخصيا لا افضل استخدام هذه النوعية والسبب انها تحتاج دبة ، وبما اني باشتري دبه اركب عليها راس مع الترهيمة وانتهينا واكيد كل واحد عنده عنكبوت هذي رأسين ... بالاضافة الى ان شعلته لا تقارن بشعلة الدافور المرهم بالقوة ...

بالنسبة للكوفيا ... الكوفيا شركة قادمة وبقولة ولكني لم اطلع من قرب على هذا النوع ، سبق واطلعت على نوع تم احضاره من قبل الاخ الكريم ابو منصور وكان رائع لقرب من الارض بعكس المتواجد حاليا في السوق اجده رفيعا وهذا اراه من وجهة نظري الخاصة غير مناسب ..

اسعدني مرورك

[سرهيد]

ياعسا ربي يوفقك وتلقى مطلوبك ياعمدتنا

يسلمك ربي طال عمرك

وما قصرت

اسعدني دعائك

تقبل احترامي

[سرهيد]

السلام عليكم

احبتي الكرام

ولله الحمد تم الحصول على القز وتم تسليمة للاخ الكريم الذي طلبه

ولم اجد الا حبة واحدة وتمنيت اني وجدت اكثر لمن طلب مثله

فاتمنى من اخي الكريم المشرف اغلاق الموضوع

تقبلوا احترامي