ابحث عن حل لمشكلة انقلاب الكبسولة (ربع لاندكروزر) ؟

[anas]

السلام عليكم
انا عندي كبسولة ربع لاندكروزر
وتعبت صراحة من كثرة الخوف من الانقلاب
لانه امر على طرق احيانا تحتاج الى تسييف واتراجع ..
لدرجة انه اصبح لدي فوبيا منه وحتى اني بديت اكره السيارة وودي ابيعها ولكن لو ابيعها الخسارة كبيرة
فقلت اسالكم علني اجد حل من مشاكل انقلاب الكبسولة ؟
ومهما يكلف التعديل لا يهم لانه لو انقلبت السيارة وقتها تقول ليتني دفعت الكثير لاتفادى الانقلاب
طولنا عليكم ولكن السيارة شريتها وكالة بغااااااااااالي ، وقلت ما لك الا نشاما مكشات
تكفون يا الربع ولكم دعوة مني ابي حل لمشكلتي ..
وجزاكم الله خير

[تبريزة]

الربع التايوتا يبيله واحد يدير الدركسون مزبوط وقوة قلب
هذا اللي اقدر اوصفه لك
اذا مهوب موجودات عندك هالحاجتين بيع الموتر وريح بالك


سابقا كنا نطعس على سرعات عاليه بدون دبل ،، صح انه خطير ،، لكن لمتعه اكبر

[VIP-503]

شف معك كبسولة حط قلبك بالدرج وحط رجلك على الابنص و لك تحياتي

[ابوطاقية]

ركب جنوط لكزس وكفرات عراض وتوكل على الله واربط الحزام وخل قلبك حديد ومثل ما قال
قلبه حديد وراكبنله حديده

[العقارب]

قوه قلب ......... ابعد عن الفرامل .. يعني ادعس في الاوقات الحرجه ..
وبالتوفيق

[ابن صقيه]

بعيدا عن نصائح بعض الاخوان السطحية

انصحك تركب جنوط وكفرات عريضه مع تبريزة خفيفة للكفرات

[sands]

والله يا اخوي anasاطمر واتوكل على الله ما منه خلاف
بس اقول لاتكون anasاللي في بالي يوم طاح في الحفره في المرحله الثالثه
في بحرة وسحبك الرانجلر الابيض وبعدين سحبك راعي الطويله
ياحبني لك ياانس؟؟؟؟؟؟؟
؟؟؟؟؟
؟؟

[تؤبر تسبدى]

وانا اخووك الكبسولة ماله حل وبسرعه ينقلب

الحل ونا اخووك خل عنك المسايف وخل طريقك سيده واذا انت موب راعي تطعيس ومراقى دور لك هدد وريح مخك

[شمالات نجد]

يا أبن الحلال الموتر ما ينقلب مع الراكد

وخل قلبك حي

الله يوفقك والجميع

سلام

[لجلك تعنيت]

اهلين اخوي

زي ماقالوا لك الاخوان

لاترفع رجلك ابد بـ النفود خاصه .

او بالمنعطفآتٌ اذا كنت مسرع

وان شاءلله تعود عليه

والموتر يستااااااهل لاتبيع

[خالد030]

الركاده زينه وابعد عن الشر وغني له(المسايف) ويبيلك قلب جامد ومتى ماتردا العزم اصلق الموتر ودعس والله يستر عليك......

[سعد777]

يبي ثقل قلب
وتعريض الكفرات شوي مع مراعاه الجنوط تكون على قد الكفر

ونصيحه الشي اللي ماله لزوم لا تسويه يعني انت منت بحاجه للتسييف او السرعه مع المنعطفات مالك منهااتركها

[مخاوى ابوه]

فيه طريقه
انك تغير تعليقه الخلفى من سست الا ياي
تروح لعبد الرحمن الفعيم فى عنيزه
وهو يضبط لك الشغله من الى
واشوف كذا مرهم ربوع تايوتا
مغيرين التعليق الخلفى
ويراقون وينطلون ولا عليهم خلاف
ولو غيرته
خل قلبك حي واقضب طارتك صح وتوكل على الله

[شامخ ألهيلا]

بع الجيب واشتر كامري

وعقبها ماعاد تحس بالوفوبيا

[Al Rasee]

وش لك بالطويله

خذلك فتك او لادكروزر او تاهو او يوكن

وعش حياتك وكلهن بهن حقهن

تحياتي

[bader_2.0.1.0]

ركب كفرات اعراض اوطش قلبك فالبيت واطعس البنص يابعدي

والله يستر عليك دنيا واخرة

[PATHFINDER 4]

^^^^^


ياجماعة الخير الرجال يقول منب بايع !


ونصيحتي لك


لاتكبر السالفة (لاتوسوس) في كل مديور ولا سيف بتقول يمكن انقلب :no: والركادة وانا خوك زينه


ومثل ماقالو الاخوان ركب كفرات عراض :good: ويوم ورا يوم بتعرف وزنية موترك وتفهمه ويفهمك :cool:


والله يحفظك ويستر عليكـ دنيا واخره

[مخاوي ......؟]

تبيع بـ20000 شريطي هههههههه
على العموم قلبك خلة من حديد وانتبه من الحديد بعد
والله يستر علينا وعليك وعلى الجميع إن شاء الله
تحياتي

[shaheenshah]

اخي الكريم

الركاده زينه والموتر اذا انت شاريه جديد فهو بحول المية الف او اكثر وحسوفه عليه التعبث

[عسير المنال]

اهلا بك بمكشات
الربع مرتفع وشاص قصير

توكل على الله - وتجود بالدركسوون - وخلك راكد بالنفوذ

[ناصح]

طالما السيارة غالية ولا تريد بيعها ..

فنصيحتي لك ما يلي :

هل أنت ملزم أن تطاعس بعنف ..؟؟

هل أنت ملزم بالمسايف على الطعوس ..؟؟

هل أنت ملزم بالقيادة بسرعات عالية والتهور في المنعطفات ..؟؟

طبعا لست ملزم


الحل أن تستمتع بقيادة سيارتك في صحارينا الجميلة بركادة وتأني


وتذكر أن أكبر متعة في حياتك هي السلامة



http://www.burnews.com/infimages/myuppic/49a52db351169.jpg

[الضاحي]

طالما السيارة غالية ولا تريد بيعها ..

فنصيحتي لك ما يلي :

هل أنت ملزم أن تطاعس بعنف ..؟؟

هل أنت ملزم بالمسايف على الطعوس ..؟؟

هل أنت ملزم بالقيادة بسرعات عالية والتهور في المنعطفات ..؟؟

طبعا لست ملزم


الحل أن تستمتع بقيادة سيارتك في صحارينا الجميلة بركادة وتأني


وتذكر أن أكبر متعة في حياتك هي السلامة




http://www.burnews.com/infimages/myuppic/49a52db351169.jpg





هذا أعقل وأحكم كلام كتب في هذا الموضوع

:good: :good: :good: :good: :good:

[المهمري]

وشي الفوبيا انل اخبر موقد كوفيا والفاصوليا

[الضاحي]

وشي الفوبيا انل اخبر موقد كوفيا والفاصوليا



الفوبيا (وبالعربي الرهاب) مصطلح يطلق على الخوف الزائد من شيء معين

مثل الخوف من الارتفاعات او الظلام او النار او غيرها وهو مشكلة تواجه ملايين البشر وقد تحول حياتهم الى جحيم اذا زادت عن حدها مثل الخوف من المرض او ركوب الطائرات او السيارات او غيرها مما يؤدي الى فقدان المصاب بها لمتعة الحياة.

ولا أدري ما علاقة سؤالك بموقد كوفيا والفاصوليا

أسأل الله ان يعافي كل مبتلى بها وألا يبتلينا وألا نكون من المستهزئين
.

[آل زايد502]

طالما السيارة غالية ولا تريد بيعها ..

فنصيحتي لك ما يلي :

هل أنت ملزم أن تطاعس بعنف ..؟؟

هل أنت ملزم بالمسايف على الطعوس ..؟؟

هل أنت ملزم بالقيادة بسرعات عالية والتهور في المنعطفات ..؟؟

طبعا لست ملزم


الحل أن تستمتع بقيادة سيارتك في صحارينا الجميلة بركادة وتأني


وتذكر أن أكبر متعة في حياتك هي السلامة




http://www.burnews.com/infimages/myuppic/49a52db351169.jpg


كلااااااااااام سسليييم 100%:good: :good: :good: :good: :good: :good:
وش تبي فالتهور والله ماله فايده رح النفود ودورلك المكان الهادي والنضيف واجلس فيه وشب ضوك احسن من التطعيس وبلاويه:no2: :no2: :no2:

[ابو خالد 1992]

طالما السيارة غالية ولا تريد بيعها ..

فنصيحتي لك ما يلي :

هل أنت ملزم أن تطاعس بعنف ..؟؟

هل أنت ملزم بالمسايف على الطعوس ..؟؟

هل أنت ملزم بالقيادة بسرعات عالية والتهور في المنعطفات ..؟؟

طبعا لست ملزم


الحل أن تستمتع بقيادة سيارتك في صحارينا الجميلة بركادة وتأني


وتذكر أن أكبر متعة في حياتك هي السلامة




http://www.burnews.com/infimages/myuppic/49a52db351169.jpg



تسلم يمينك يا ناصح و الكبير يبقى كبير

[سوبر VTC]

ودورلك المكان الهادي والنضيف واجلس فيه وشب ضوك احسن من التطعيس وبلاويه:no2: :no2: :no2:



صدقت اخوي :good:
خل العزبه ما تنزل من الموتر
خلك راعي معنا و فلة حجاج :good:

***

التطعيس لابد منه لكن على سنع
تعطيس على خفيف :good:
مهب على غشامه :no2:
يعني الا تحرث عن قرنك و تدور السيوف الكايده :no:
مهب لازم
اهم شي تنسيم الكفرات على 20 اريح للقير و المكينه و لا يتفكك الموتر
او تحط بهن 15

الله يستر عليك اخوي انس

موفق

[wrs3975]

أخوي الغالي anas عسى الله يطعمك من خيره ويكفيك شره ... وكلام أخونا الكبير ( الضاحي ) أبو فهد ماعليه زود وفى وكفى ... له مني جزيل الشكر والتقدير

[الوتر الحزين]

الله يستر علينا وعليك وجميع المسلمين

اخوي تذكر ان خلفك أهل ينتظرونك تعود بالسلامه.

والاخوان اللي يقولون حط قلبك في الدرج وادعس!!!!! ترا والله ماينفعونك اذا انقلبت ( لاقدر الله).

وانت عقلك في راسك وتعرف مصلحتك وين.
الركادة زينة بالحيل.

شكرا

[الجنرال K.S.A]

يارجل ما عليك بس قو قلبك وما عليك بس

[Cub99]

هذا هو الكلام المليان

مع احترامي لبقيه الردود

[راعي المقانيص]

اخي الفاضل اذا انت محتاج سيارة دفع رباعي ويكون فيه مركب لك انت واهلك الجيب الربع الي معك ماشاء الله جديد وراح يجيب لك سعر ممتاز بحيث انك تبدله بسياره افضل وأمن منها مثل جيوب الصالون
واما اذا كنت من الي يطلعون بدون عوائلهم نفس الشي بقيمة سيارتك بامكانك انك تشتري جيب شاص موديل 2006 - 2007 نظيف وريح نفسك
ولا تطلع بالكبسوله وتنكد على نفسك وكل شوي حاط يدك على قلبك وتكدر طلعتك بالخوف من الانقلاب وغيره لاسمح الله

[tooto]

هههههههههههههههههههههههه
هههههههههههههههه
قالوها لك الرجال قلبك بالدرج ولا بالطفايه
واذا عرفت اشلون ما ينقلب لا تنسا تعلم الياباينيين
تراهم يبون اللي يعلمهم

[ميمون111]

الربع سيارة قويه ووالي معه ربع هاذا يعتبر في البر شيخ وعزالله انه يبيض الوجه في البر والوحول ومما يميز الجيب هاذا انه مستحيل يعلق في البر بعكس السيارات الثانيه
اركد على عمرك ولا تعدا 140 في الخط والبر خلك على 80 واقل على حسب الخط
غير كذا اناا اشوفه مع الشرطه كل يوم يطاردون فيه ولا انقلب ولا شي بس الكفرات والجنوط عريضه

[راعي الطلعات]

طالما السيارة غالية ولا تريد بيعها ..

فنصيحتي لك ما يلي :

هل أنت ملزم أن تطاعس بعنف ..؟؟

هل أنت ملزم بالمسايف على الطعوس ..؟؟

هل أنت ملزم بالقيادة بسرعات عالية والتهور في المنعطفات ..؟؟

طبعا لست ملزم


الحل أن تستمتع بقيادة سيارتك في صحارينا الجميلة بركادة وتأني


وتذكر أن أكبر متعة في حياتك هي السلامة




http://www.burnews.com/infimages/myuppic/49a52db351169.jpg


كلام جميل وفي محله

بالتوفيق لك وتوكل على الله وان شاءالله ما تشوف الا كل خير اذا اتقنت وتمكنت من سيارتك ان شاءالله انك راح ترتاح لها وتعرف متى تكون في خطر ومتى هذا صحيح وهذا خط

تمنياتي لك بالتوفيق

[wrs3975]

أخوي الغالي anas عسى الله يطعمك من خيره ويكفيك شره ... وكلام أخونا الكبير ( الضاحي ) أبو فهد ماعليه زود وفى وكفى ... له مني جزيل الشكر والتقدير

والشكر موصول للأخ الفاضل ناصح ...بارك الله فيك على هذا الكلام الطيب

[Riyadh City]

أخوي أنس وش الأسهل إنك تعرف شلون الربع ما ينقلب ؟؟ والا أنك تغير السيارة ؟؟

يا عزيزي غرضك وشهو التطعيس !! فيه ألف سيارة آمن وأفضل من الربع وسيارتك إن بعتها ما راح تخسر فيها جبها الرياض وتبيعها بيعه محترمه ..

لا تزعل مني بس كل سيارة لها أصحابها عندك الجمس الحوض مافيه دبل وفيه ناس يقدرونه بالبر عن الجيوب ليش لأنهم يعرفون له ولو تعطيه لواحد ما يعرف للجموس من أول ما يخش للبر غرز ..

علشان كذا كل الجيوب تأدي غرض التطعيس فأختار منهم إلي تناسب قدراتك الفنية في التطعيس والي تناسب أيضاً إمكانياتك المادية وحاجاتك العائلية ..

بالتوفيق

[خيال النفود]

عزيزي ممكن سؤال كم عمرك ؟

[mjjazf]

الله يعينك دامك ملزم انك تطعس
رح وطعس بس قبل ادعس على القلب وحطه بالدرج واشرب كود رد واحكم الطاره و العمر مره فلها وربك يحلها
او (((((( بيع الجيب وخذ لك موتراً على قد تعلومك بالسواقه )))))))

والله يوفقك لما يحب ويرضى
تقبل تحياتي

[نواف نجد]

اقوول موترك جديد وخساره تبيعه اقوول قلبك حطه عند الباب قبل ماترووح لتطعيس وجود الطاره زين مو بيد وحده هاه وحط رجلك بالتانكي وانا كتت مثلك خرييشه لكن مع نصايح الشباب تمردت وشكرا

[(((.ابوتميم .))))]

اقول يا الربع ترا الكبسولة مهوب بها الدرجة الانقلاب فيه خليتوه سيكل مهوب سيارة
كل السيارات تنقلب اعلمك ليه الربع دايم ينقلب لان الي يسوقه دااااايم خبل(هههه) با العربي متهور درجة اولى مع احترامي لاملاكة اضبط سواقتك في الطعوس وما عليك شدد الدركسون كنك شاد كريك وسيف
وطعس على راحتك بس بركاده مهوب تجي طاير وتاخذ سيف وتقول انقلبت يعني لا تسرع
الهون ابرك ما يكون المعقول معقول وترا الكفرات العراض يمدحونهاا
تقبل تحياتي اخوك :التميمي

[لاندكروزر2009]

آسف جداااااااااااا

[anas]

اشكر جمييييييييييييييييع الاخوة على نصائحهم
بصراحة انا سواقتي رايقة بالطعوس ولكن احب الكبسولة لقوته ويمسك سعره
واما اني اكسر الموتر بالطعوس فهذا غير ممكن
بخصوص العضو (مخاوي ابوه ) <<<<يا زين الاسم .. كم رقم ورشة الفعيم ؟
يا ناصح هبلت بي زيادة بالصورة ولعلمك انا اذا جيت اطعس دايم اربط حزام الامان واطعس بروقااااااان وبجوانح ومعاي( رد بل ) هههههههههه .. الله يبعد عنا السوء والشر
والله ردودكم حلوة مرة ومخمخت عليها وخاصة اللي يقول حط قلبك بالدرج
اللي عنده نصايح بخصوص تجهيز الكبسولة لا يبخل علينا تكفون
اشكركم مرة اخرى

[المهمري]

[quote=الضاحي;3424691]
الفوبيا (وبالعربي الرهاب) مصطلح يطلق على الخوف الزائد من شيء معين



مثل الخوف من الارتفاعات او الظلام او النار او غيرها وهو مشكلة تواجه ملايين البشر وقد تحول حياتهم الى جحيم اذا زادت عن حدها مثل الخوف من المرض او ركوب الطائرات او السيارات او غيرها مما يؤدي الى فقدان المصاب بها لمتعة الحياة.


ولا أدري ما علاقة سؤالك بموقد كوفيا والفاصوليا


أسأل الله ان يعافي كل مبتلى بها وألا يبتلينا وألا نكون من المستهزئين





عشت يالضاحي على المداخلة القيمة. لكن لماذا لانقول الرهاب لماذا نستخدم الالفاظ اللاتينية
والعلاقه بين فوبيا والكوفيا والفاصوليا هو حرف الفاء والياء بدون استهزاء

[asdali]

انصحك بالركادة اخوي وان كانك بالشرقية نسق معي للهافمون بتفيد وتستفيد ان شاء الله . تدريب عملي بدون تهور .

بالتوفيق

[قطب 999]

ومن يتهيب صعود الجبال يعش أبد الدهر بين الحفر (http://www.3iny3ink.com/forum/t150067.html)

[أبو خليفه]

1_غير جنوط السلق وركب عراض

2_ وأنت تطاعس أنس الفرامل

3_لا ترفع رجلك عن الدعسه أبداً وأنت بسيف

وان شاء الله ما عليك خلاف والله الله بالركادة

وترا الربع ما عليه خوف اذا انت عارفله زين

تقبل تحياتي،،

[هريدي900]

الله يكون بعونك ويستر عليك"
الباترول الى الامام وانت في امان بأذن الله

[محمد الشاهر]

يامال السلامه ومن قال لك انه خطير الخطر في التهور ، الاعزالله انه الخوي النشمي ولاتبيعه ركب له كفرات عراض ولا تسرع ولاتكثر من الفرامل وجود الدركسون زين .
الله يستر عليك ويحفظك وجميع اعضاء مكشات الغالين