قــرنــاس
18/10/2004, 09:53 PM
السلام عليكم ورحمة الله وبركاته
هذي قصيده للشاعر الصقار ((ابو علي)) كما يقال عنه.
(( ياليت اللي يعرف اسمه يزودني فيه مع الشكر))
وهي عباره عن فلم مقناص اخرجه الشاعر من خياله
اتمنى ان تنال على اعجابكم
يقول الشاعر
بوارق شفناه بين العشاوين=ياعل سبار البوارق سبرها
وعل العسوس تقول جبنا الخبر زين= جبنا خبر هاكاالمزون ومطرها
جنوب عن لوقه وعن لينه يمين=أرض تغطى من ربيعه حجرها
متاهتن ماشيف فيها مقيمين =يضيع الذيب به ماعبرها
وحنا لنا فيها رسوم وعناوين=لا جا دوار اللي صعيب دورها
يازين لا جينا على الجيب شفقين = حروة مغيب الشمس طحنا بأثرها
ونمنا عليه وبأول الصبح عجلين= قمنا نتقصص ونتتبع جررها
أثره هريب وجاه راعي البعارين =وطارت يوم انه مع طريقه حشرها
وجانا ينشدنا وش القوم مغدين =قلنا الحبارى ليه منتب بخبرها
قال كفخت من مقدم الذود ذالحين =ولو ان طيركم يمه نظرها
وطيارها ترحيل ولزوم تتبين =ماجنبت عن هاكاالتلاع وشجرها
ورحنا على وصفه وشفناه بالعين =وقامت تداور والنداوي بحرها
وتلتل سبوقه وكن عشرة شياطين =تلعب براسه يوم طار ونحرها
وطارت تبي تغديه لاشك من وين =زار النجوم وجاب بكفه خبرها
وحول معلقها وجيناك فرحين =جينا نبي نخلص مير روحه هجرها
الموت صار اسرع وحنا سريعين =ومن يوم ناشها طيرنا جا قدرها
وسلامتكم
نسقت بواسطة ابو عايد
هذي قصيده للشاعر الصقار ((ابو علي)) كما يقال عنه.
(( ياليت اللي يعرف اسمه يزودني فيه مع الشكر))
وهي عباره عن فلم مقناص اخرجه الشاعر من خياله
اتمنى ان تنال على اعجابكم
يقول الشاعر
بوارق شفناه بين العشاوين=ياعل سبار البوارق سبرها
وعل العسوس تقول جبنا الخبر زين= جبنا خبر هاكاالمزون ومطرها
جنوب عن لوقه وعن لينه يمين=أرض تغطى من ربيعه حجرها
متاهتن ماشيف فيها مقيمين =يضيع الذيب به ماعبرها
وحنا لنا فيها رسوم وعناوين=لا جا دوار اللي صعيب دورها
يازين لا جينا على الجيب شفقين = حروة مغيب الشمس طحنا بأثرها
ونمنا عليه وبأول الصبح عجلين= قمنا نتقصص ونتتبع جررها
أثره هريب وجاه راعي البعارين =وطارت يوم انه مع طريقه حشرها
وجانا ينشدنا وش القوم مغدين =قلنا الحبارى ليه منتب بخبرها
قال كفخت من مقدم الذود ذالحين =ولو ان طيركم يمه نظرها
وطيارها ترحيل ولزوم تتبين =ماجنبت عن هاكاالتلاع وشجرها
ورحنا على وصفه وشفناه بالعين =وقامت تداور والنداوي بحرها
وتلتل سبوقه وكن عشرة شياطين =تلعب براسه يوم طار ونحرها
وطارت تبي تغديه لاشك من وين =زار النجوم وجاب بكفه خبرها
وحول معلقها وجيناك فرحين =جينا نبي نخلص مير روحه هجرها
الموت صار اسرع وحنا سريعين =ومن يوم ناشها طيرنا جا قدرها
وسلامتكم
نسقت بواسطة ابو عايد