صوت في البلوف

[muhammadime]

أخواني

السلام عليكم ورحمة الله وبركاته،

عندي سفاري 2005 فتك قير عادي طلع فيه صوت قبل فتره وقالي الميكانيكي هذا صوت البلوف والآن زاد الصوت مره ورجعت للورشة وقالي لازم نفك الراس ونغير البلوف مع خرط للراس وشغل يده يكلف تقريباً 1000 ريال والمخرطه تقريباً 400 ريال وقطع الغيار ؟؟؟؟؟ (مدري كم تكلف - إلى عنده خبر ممكن يفيدنا)

لذلك ارجو من اهل الخبره التوجيه والنصح

هل اسويها عند الورشة هاذي ( مع العلم اني في ينبع ) او اوديه للمدينة (الوكاله وكم تكلف في الوكالة) بحكم المدينة اقرب مدينة لي.

والله يعينا على ها السيارات

[اتفاق الطائف]

اخي تاكد من خلال ورشة اخرى

ممكن يكون البلوف تحتاج وزن فقط

بالتوفيق

[شامخ ألهيلا]

اخوي رااعي الورشه نصااااااااااااااااااب هذا

وزن بلووووف وش دخل الراااس وخرط الرااس

نحش لايقرب رااس المكينه بتاتا البته

واتوقع السيارت الحديثه وزن البلووف لها طريقه اكترونيه والله اعلم
واما نفع
يفكون غطاء المكينه
وعندهم سنن صغاار لكل سياره مقااس

وسلامتك

[عاشق الvx]

اخوي تاكد من اكثر من ميكانيكي
اذا كان الصوت الي تقصد طقطقه فهو احد امرين
اذا كان اول ماتشغل الموتر واهو بارد يطلع الصوت ويجلس شوي ويروح هذا عادي
وتبين اكثر شي في الشتاء
اما اذا كانت مستمره فياليت انك تشيك باسرع وقت على مسامير اللهاة (ثلاجة المكينه)
اتمنى اني افدتك ...

[ابوعمر1397]

كانك تعبي 91 عب 95 وجرب يمكن يروح الصوت
انا عندي ماركيز 2003 من يوم نزل 91 وانا اعبي منه ولاحظت على السيارة صار صوت البلوف عالي عند الدعسة وصار الموتر يكتم عودت على 95 وصار الموتر اهدا وراحت الكتمة

الصراحة عندي احساس قوي انا بنزين 91 عندنا ليس كذلك بل اقل من 90

شف هذا مقال مفيد ومذكور فيه جزئية عن قرقعة بعض المكاين عند استخدام 91 واقل

http://www.toyota4arab.com/forum/t54218.html

[moooj]

اخوي لا تستعجل
مو من السهل ان البلوف تتأثر في سيارة مثل الباترول موديل 2005 الا اذا كانت السيارة تستخدم في ظروف بالغة القساوة او على يد اكثر من واحد من الشباب المتحمسين الي الي ما يرحمون الموتر.
الخطوات حسب رؤيتي الشخصية تحتاج منك للآتي:
- تأكد من اكثر من ورشة وحاول تتعب انت وتدور مكان الصوت
- جرب تغيير البنزين واستعمل 95 مثل ما قالو الأخوان مع العلم ان الي اعرفه ان ال 95 للسيارات ذات محركات الضغط العالي مثل المحركات الألمانية والسيارات الرياضية.
- احيانا تسمع اصوات في المكينة مثل اصوات البلوف مثل ما حصل مع واحد من الزملاء وقالو له لازم ينفك راس المكينة وفي النهاية وبعد جهد جهيد من احد المكانيكيين القلائل الي تابع الصوت ولقيه في الأخير جاي من ماسورة البنزين المعدنية الي على المكينة تحدث اهتزاز بع ما انكسر الكلبس الي يثبتها وصارت تعمل اهتزاز نتيجة احتكاكها براس المكينة.

انا من رايي لا تستعجل على حكاية الراس
بعدين فيه شيء مهم ودي اسألك عنه لأنه حصل معاي ونبهني له مكانيكي وهو كالتالي
-هل الصوت مستمر او انه يجي على سرعات معينه او سرعة دوران معينة؟
-هل يطلع الصوت والسيارة واقفة والا ماشية
-اذا واقفة مع بدية التعشيق والا بدون
- لو وقفت ودعست بنزين وانت واقف تسمع الصوت والا لا؟
واذا ما يطلع الا مع المشي فعلى سرعة كم او على سرعة دوران كم (ضغط المكينة)
- هل هو بنفس الوتيرة والأنتظام والا متقطع؟
من جميع النقاط السابقة ليس فيها ما يدل على مشكلة البلوف الا في حالات الدوران السريع للمحرك عادة فوق ال 4500 دورة في حالة الوقوف (في حالة تطور الحالة وتفاقم المشكلة) او في حالة السرعات العالية فوق 120 عادة وتزيد مع المكيف..

وفي الختام حسب معلوماتي المتواضعة لا يمكن ان تبدأ مشكلة البلوف دفعة واحدة الا في حالة استعمال السيارة تحت ظروف بالغة القساوة وفي حالات السيارت الجديدة قد تطرأ المشكلة بعد اعادة برمجة توقيت الأشعال او فتح طاقة المحرك وعدد الدورات (فك السيفتي) للمكينة.
وفي الختام اذا كان صوت بلوف فعلا فلا يحتاج الا الى اعادة وزن ليس الا ول تفك راس ولا توجع دماغك لأن المكانيكيين الى ما يخافون الله واجد وفك الراس افيد له من وزن بلوف الا اذا كان فيه حرارة زائدة فهذا كلام ثاني.
اتمنى اكون افدتك.

[القنبر]

شوف اخوي اذا كان اول ماتشغل الموتر واهو بارد يطلع الصوت ويجلس شوي
فهو من مضخة الزيت


اخوكم ابو حسن

[shaheenshah]

ما شاء الله خرط راس على طول؟

اقول انتبه من هالميكانيكي واشكاله لا يوهقك
اخوي تأكد من ضغط طرمبة الزيت وفي الغالب الموتر ما يبي له الا وزن بلوف

[الثويرات]

انا اقول ماهو من البلوف وراعي الورشه ماعنده سالفه


وانا اتوقع والله العالم ان القزوز منكسر عندك ويطلع صوت طقطه

لاكن شيل من راسك فك الراس

[muhammadime]

شاكر ومقدر لكم هذا التفاعل الطيب والله لا يحرمنا منكم

الموتر في الورشة الان للكشف ونرجع ونعطيكم التفاصيل إن شاء الله

[سوبر VTC]

كانك تعبي 91 عب 95 وجرب يمكن يروح الصوت
انا عندي ماركيز 2003 من يوم نزل 91 وانا اعبي منه ولاحظت على السيارة صار صوت البلوف عالي عند الدعسة وصار الموتر يكتم عودت على 95 وصار الموتر اهدا وراحت الكتمة
الصراحة عندي احساس قوي انا بنزين 91 عندنا ليس كذلك بل اقل من 90
شف هذا مقال مفيد ومذكور فيه جزئية عن قرقعة بعض المكاين عند استخدام 91 واقل

http://www.toyota4arab.com/forum/t54218.html



كلامك صحيح :good:
بدليل انه تم تحليل بنزين 95 بالمختبر
طلعت نسبة الاوكتين 93.7
على الحال بنزين 91 احتمال نسبة الاوكتان 88 :no::no:
نقطة اخرى
بعض الباثفندر اذا عبيت 91 يطلع صوت لقلقة للمكينه
اذا عبيت 95 اختفى الصوت :good:

[سوبر VTC]

اخوي محمد

لك رسالة على الخاص

موفق

[مخاوي الخوي]

كلامك صحيح :good:
بدليل انه تم تحليل بنزين 95 بالمختبر
طلعت نسبة الاوكتين 93.7
على الحال بنزين 91 احتمال نسبة الاوكتان 88 :no::no:
نقطة اخرى
بعض الباثفندر اذا عبيت 91 يطلع صوت لقلقة للمكينه
اذا عبيت 95 اختفى الصوت :good:







شف وانا اخوك انا خبرتي بلبلوف ماعليها خاصه مكاين الجمس انا عندي جيب مرهم عليه مكينة جمس 450 والمكينه معدله تعديل كامل البلوف والعصافير والبساتم ووووالخ المهم وجلست ساعتين وانا اوزن بلبلوف لين احترق السلف طبقنا الروس ونتعناه وشتغل طلع صوت خفيف موقوي بلبلوف وفكيت الرووس وكلهن وازنهن وزن مشاء الله بس الصوت فيه واسئل ناس مختصين قالو وش نوع البنزين قلت 91 قالي اكبر خطاء انك تعبي 91 قلتله ليش قال هو الي يعدم البلوف مع مرور الايام المهم عبيت 95 مع بنزين مخصص للمرهمات قيمته غاليه وشغلت شوي ولا اختفى الصوت والله الحمد وانا اعطيه حقه وبزياده مااشتكا بشي له سنه واضاهر البنزين الي جانا هو دمار لسيارات الله المستعان .