طلب الفزعه من الاخوان اصحاب الخبره في امراض الابل

[جمشاوي]

السلام عليكم ورحمة الله وبركاته
يا اخوان اسعد الله مساكم بكل خير
امل التكرم من اصحاب الخبرة في امراض الابل

عندي بعير جبته من باكستان والبعير طيب وكان سليم من الامراض وبعد ما جبته بشهر تقريباً طلع مثل الخراج في المحالب فوق ذكره اكرمكم الله وحاولت اعالجه اكثر من مره عند البيطريه ولم تنفع جميع العلاجات وعملت له فتحه صغيره في وخرج بعض الصديد ولم يتحسن منذو ذلك الوقت والان له ثمانية اشهر ولم ارى تحسن حتى الان
وبدء يكبر حتى اصبح كبر حبة البرتقاله الكبيرة وتوقف ومحصي مثل الحجر واحيانا ينزل من صديد واحيانا لاينزل منه شي وانا خايف ان البعير ما يضرب بسبب ذلك ارجو المساعده من اصحاب الخبره بارك الله فيكم

والسلام عليك

[حمود2001]

حلق على الخراج بكيه دائريه
ولاكن لازم واحد يعرف يكوي يده خفيفه لان المنطقه حساسه ولا تحتاج الى كيه قويه وانشاء الله يطيب

[م.بندر]

السلام عليكم ورحمة الله وبركاته
لا يضيق صدرك يالغالي
امرك بسيط بالمره
لكن تأكد انه مهو بعج
اما اذا كان خراج
افتح الخراج بموس عمليات
تحصله عند العيادات البيطريه
ونظفه زين واغسله بمطهر وماء
كذا مره لين ينظف
بعدين جب شاشه وربصه بماء ومطهر
وتحطه داخل الخراج وخيط الفتحه الي فتحت
وبعد يوم اسحب الشاشه وطهر الجرح
مع دق الجمل ابرة مضاد حيوي
اسمه اوكسي او بنسلين ظروري
ملاحظه
قبل اجراء العمليه طلع البعير برا الشبك
في مكان مفتوح وبعيد عن المراح
على شان الصديد الي يخرج من الخراج ما يلوث الأمراح
وينتقل الخراج لنياق السليمه
بعد الأنتهاء احفر حفره وادفن المهملات بعد الحرق

[كتام]

ما قصروا الأخوان بالنصح
بس مع الخواريج ...أطعم الناقه ثووم....15 حبة ثوم مثلا (كمية مناسبة لفحل)...وبعد إسبوع تشوف الخراج ينفجر من نفسه و يطلع إللي فيه كله
عاد لا شفت الخراج إنفتح رشه بالسبرييه الأزرق أو الأسود عشان ما يلتهب وعشان يطلع إللي فيه كله.
هذا إللي اسويه دايم انا مع أباعري..وأتجنب نقش الخراج..يمكن سبحان الله يعارض عرق أو شي...ما تدري.


بس للأمانه ..ما أعتقد إللي فيه خراج....الخراج ما يبطي 8 شهور بدون لا ينفجر
والله أعلم

[راعي دسمه]

وعليكم السلام ورحمة الله وبركاته
غديك وانا اخوك تصورة ازين والشي الثاني تأكد ان الورم حت وبرة او فيه شعر
والصديد ينزل من وين جنب الورم او راس الورم
وتأكد منه هل البعير يحاول يحك هالمنطقه اولا واذا لمسته يوجع البعير او عادي
والله يشفيه ويعافيه ومايشوف شر

[جمشاوي]

بارك الله فيكم جميعاً وشكراُ على نصائحكم الطيبه يالطيبين

[قرناس شماالي]

بارك الله فيك وماقصرت

[جمشاوي]

http://up1.pc4up.com/2009/10/Y5x10956.jpg

هذا البعير والاصابه جنب ذكره اعزكم الله

[الامي]

الله يشفيه ولاوصيك بالمرهم الاسود تلقاه بالصيدليه حقت الاوادم مرهم حق خراج جربه مايضرك شي وعليك بالعزيمه الي مكتوب فيها قران او اقر عليه في مويه والله يشفيه وتشوف انتاجه الطيب

[المطيرى فلاح]

السلام عليكم ورحمة الله وبركاته
اخوي تعرف دواء الجرة تبع الجرب اخذ صبة فنجان وحطها باستكانة واملاها ماء واخذه بالابرة ورشه داخل الجرح وبعدين تعرف طبعا( المره والصبرةوالحلتيته وخواجوا )مع بعض واغليها بزيت وبعد ما تبرد ادهن الجرح من الداخل (رش بالابرة)والخارج ال (طبعا الغلي مدة خمس ثواني )
ملاحظة لازم طحن المرة والصبرة والحلتيتة
انا مجربها بناقة عندي وطابت والحمد لله

[جمشاوي]

السلام عليكم ورحمة الله وبركاته
اخوي تعرف دواء الجرة تبع الجرب اخذ صبة فنجان وحطها باستكانة واملاها ماء واخذه بالابرة ورشه داخل الجرح وبعدين تعرف طبعا( المره والصبرةوالحلتيته وخواجوا )مع بعض واغليها بزيت وبعد ما تبرد ادهن الجرح من الداخل (رش بالابرة)والخارج ال (طبعا الغلي مدة خمس ثواني )
ملاحظة لازم طحن المرة والصبرة والحلتيتة
انا مجربها بناقة عندي وطابت والحمد لله



يعطيك العافية وبارك الله فيك