مساخير ياحبايب؟جديد >>>>>>>>>>>>>> اللغز تم حله من قبل ( خشم علي )

[مسيرs]

السلام عليكم ورحمة الله وبركاته
بعشرة مسا خير ياحبايب" واسمه واحد بكل لهجتنا
واللعب اليوم معك طايب" بإسمك انت تكتمل لعبتنا

[انا السيف]

صح اللسانك مسير

ويش رايك باللغز وتنتهي لعبتنا لما ينحل يكتب اسمه

صاحب الحل ..

[مسيرs]

صح اللسانك مسير

ويش رايك باللغز وتنتهي لعبتنا لما ينحل يكتب اسمه

صاحب الحل ..
صح بدنك ياسيفنا
لازال طليق

[انا السيف]

ويش رايك بـ ( الاسم )

[مسيرs]

ويش رايك بـ ( الاسم )
الله يسعدك
لازال طليق

[فهد الهلالي]

هلا بك اخوي مسير
رمعه
ماتكون شجرة العشر معروفه بكل لهجاتنا
تحياتي

[بحار seas]

صح لسانك يامبدع وش تقول في ( كرة الطائره )

[ابو ماجد 2]

صح لسانك يامبدعنا
وش رايك بالسلام والمصافحه تتم بعشر الاصابع بالتقاء اليدين وباسم السلام نلتقي بهالمنتدى

[مسيرs]

حيا الله شيخنا ابو محمد
وحيا الله عميد الالغاز
اسف الرد جماعي عجزت بالإتصال الليله
على العموم لازال طليق
هو شيء تشوفونه الحين

[بحار seas]

يمكن تقصد ( الشيخ مسكين )

[ياعين ابوي]

صح السآنكـ اخوي ,, ممكن يكون الوآحد 1,,, أو الوسآم ...أو الأصبع ....

[مسيرs]

صح لسانك يامبدعنا
وش رايك بالسلام والمصافحه تتم بعشر الاصابع بالتقاء اليدين وباسم السلام نلتقي بهالمنتدى
حيا الله فخر الالغاز ماعليش ياابو ماجد الإتصال سيء عندي وماشفت رميتك إلا الحين

عموما لازال طليق.

[مسيرs]

يمكن تقصد ( الشيخ مسكين )

هلا بك وبشيخنا
لازال طليق ومعنى تشوفه امامك وانت ماتعطيه بال عموما بمقربة منك هو وانت في مكانك وفي بيتك

[مسيرs]

صح السآنكـ اخوي ,, ممكن يكون الوآحد 1,,, أو الوسآم ...أو الأصبع ....
لازال طليق عين ابوها ياكثرة وبقربك الحين

[فارس الاصيلة]

صح لسانك اخوي ممكن يكون الكمبيوتر واصابع اليدين

[ابو محسن1]

صح لسانك يمكن المنتدى

[مسيرs]

صح لسانك اخوي ممكن يكون الكمبيوتر واصابع اليدين
ياهلا وغلا بفارس الاصيله
ضيف عزيز الهدف لازال طليق

[مسيرs]

صح لسانك يمكن المنتدى
حيا الله أبا محسن
هو الآن بجنبك مايبتعد عنك ولااعني انه ملاصق لك

[فارس الاصيلة]

رمعه ثانية وعساها تصيب
وش رايك بالماوس

[ابو محسن1]

حيا الله أبا محسن
هو الآن بجنبك مايبتعد عنك ولااعني انه ملاصق لك
البقا ياطويل العمر

ضاعت علومي مع التقريب

لكن ماهو القرين ؟

[فهد الهلالي]

اخوي مسير انت تقول عشره مساخير
يعني شي مسخر لك وليس مساء الخير يعني تحيه وسلام
قد يكون الاصابع او الارقام بالكمبيوتر من واحد الى صفر
تحياتي

[مسيرs]

اخوي مسير انت تقول عشره مساخير

يعني شي مسخر لك وليس مساء الخير يعني تحيه وسلام
قد يكون الاصابع او الارقام بالكمبيوتر من واحد الى صفر

تحياتي

الآن يابو محمد لقيت المفتاح وعرفت الشيفرة
من هنا أبدا ومادام اللعب صار على المكشوف تراني ذكرت الإسم مرتين بالنص يعني لغز زاحف ومدفون بنفس الوقت الله يسعدك هيا شد حيلك واسعد ليلة الليلة الي تزور فيها لغزنا

[مسيرs]

البقا ياطويل العمر

ضاعت علومي مع التقريب

لكن ماهو القرين ؟

هلا فيك اخي الكريم شوف ردي على الشيخ علك تفتح الباب

[امير الرمال]

صح لسانك اخوي صاحب اللغز وترى انا عضو جديد واول مره اشارك معاكم وابي مساعدة خاصة وعندي لك الغاز اتحداك تحلها ولا هاااااااان السامعين

[فارس الاصيلة]

اخوي مسير والله عجزت من التفكير لكن هنا رمعه ماعاد لقيت غيرها
طيب انت تقول بعشرة وش رايك
بإسمه===و===إسمك 10 حروف
هاه انتهت اللعبة والا باقي

[امير الرمال]

يمكن يكون الاسم

[مسيرs]

الإخوة الافاضل الله يحييكم
فارس الاصيله
وابو محسن
وامير الرمال
بماأنكم ضيوف طبيعة هذا اللغز (زاحف) يعني حله فيه بس يبغى تركيز إما بعكس بعض الحروف
أو بتنقيح كلمة ما من بعض الحروف فيظهر اللغز للعيان فورا أو ممكن تكون عبارة ما تترجم للغة اجنبيه:)
المهم امير الرمال غششني بعدين ترى أخوك صفر بالالغاز أتفقنا

[ابو محسن1]

10 مساء (خير )
الخير ان شاءالله قريب مني ومنك ومن الحاضرين

[راع الأوله 1]

مساكم الله بالخير
وصح لسانك استاذي

وش تقول بالكمبيوتر

تحياتي

[مسيرs]

10 مساء (خير )
الخير ان شاءالله قريب مني ومنك ومن الحاضرين
ثلاث حروف من اسم لغزنا موجوده بحلك:) حاول تبحث عنها وتكملها

[مسيرs]

مساكم الله بالخير
وصح لسانك استاذي

وش تقول بالكمبيوتر

تحياتي
يسعد صباحك يامستشار وحياك الله
اللغز زاحف ومدفون حله فيه مذكور مرتين بس وين الحيله هو شيء مصنوع;)

[ورد المدينه]

اللعب

او لعب كرة القدم

[مسيرs]

اللعب

او لعب كرة القدم
لازال طليق ياوردة المدينه
الإسم موجود بالنص بس مخفي يبغى له تنقيح

[ياعين ابوي]

رمعه مسحوبه ,, لحظه

[ابوسعودد]

صح لسانك يامسير
وش رايك بمسير يامسير

[راشد الحربي]

صح لسانك ياراع اللغز ..


اسمي = 4 حروف

My Name =

6 حروف

المجموع عشرة حروف هي الاسم

رمعة ؟؟!

[مسيرs]

رمعه مسحوبه ,, لحظه
لو تدرين هذي لعبتكِ هيا تذكرين الصمان؟؟
عندك حلين بالنص وعليك الإختيار هيا اميرة الالغاز

[مسيرs]

صح لسانك يامسير
وش رايك بمسير يامسير
ياعلا وغلا بك
زاحف ومدفون ياابو سعود
تبغاه بالعكس موجود تبغاه على هيئته موجود فقط ازل بعض الحروف:)

[مسيرs]

صح لسانك ياراع اللغز ..


اسمي = 4 حروف

My Name =

6 حروف

المجموع عشرة حروف هي الاسم

رمعة ؟؟!
ياعلا براشد وربعه
عندك ثلاث حروف من لغزنا ولو تترجم لفظة معينه كمل لك اللغز

[شاعر الجوف]

السلام عليكم ورحمة لله وبركاته
وشتقول يا مسيرs بإسم وإذا بدلنا الحروف اصبح امس وإذا رجعنا لإسم وقلبناه يصير مسا,,
وان ما صابت اقول انت كاتب الموضوع او اللغز الساعة 10 مساءً
وتقبلوا مرور اخوكم شاعر الجوف

[ياعين ابوي]

تقصد (بك) واذا عكسناها صارت ( كب ) باللغه الانجليزيه .. وكأس بلغتنا ..

[ابوسعودد]

مع اخوي شاعر الجوف ب العاشره مساء
يعني الحل يكون المساء مذكوره كذا مساء واذا عكست باسمك تصير ( ك م س ا )

[محمد-الرس]

السمك- الهواء

[مسيرs]

الاخ شاعر الجوف وابو سعودد محمد الرس
الاخت عين

مساء الخير
الهدف لازال طليق

[ابو اسامه 2]

وعليكم السلام ورحمة الله وبركاته

قعدت احلل في الابيات ما لقيت قدامي الا هذي الجمله




بعشرة مسا خير ياحبايب


استنتجت كلمة

شعب اسمره

ما ادري هوه اناخرّفت ولا صرفت

تحياتي لك

[مسيرs]

وعليكم السلام ورحمة الله وبركاته



قعدت احلل في الابيات ما لقيت قدامي الا هذي الجمله



بعشرة مسا خير ياحبايب

استنتجت كلمة


شعب اسمره


ما ادري هوه اناخرّفت ولا صرفت


تحياتي لك



سلامة فكرك ياموسوعه
عموما محاوله حلوه ولكن لو ترجع كلمة للغة الإفرنج تمسك الحل أو شوف آخر بيت تجد الإسم ماثل امامك بس يبغى تنقيح

[سطام F15]

أخوي مسير يمكن تقصد كم سإب مسيرS من .....؟؟ مثلا إنقطاع الإتصال

[ابو اسامه 2]

طيب محاولة نقول

العشرة = تن

ونقلب التن

= نت

الانترنت

تحياتي لك

[ياعين ابوي]

تقصد كلمة ( ت ك ت ) تكت بالأفرنج

[مسيرs]

طيب محاولة نقول



العشرة = تن


ونقلب التن


= نت


الانترنت


تحياتي لك


موسوعة خطير ولااحد يسبقك اتيت بالفقرة المفقودة وبها يكتمل اللغز بس حطها بمكانها ووشوف حبيك اللغز امامك;)

[مسيرs]

أخوي مسير يمكن تقصد كم سإب مسيرS من .....؟؟ مثلا إنقطاع الإتصال

ياعمدة الحل قريب جدا انظر لاابو اسامه جاب الحلقة المفقودة بس وين الحريف

[مسيرs]

تقصد كلمة ( ت ك ت ) تكت بالأفرنج
شوفي رد ابو اسامه والرد عليه بسرعه

[ياعين ابوي]

طيب ال كنكت .. الله يعينك على رمعاتنا ,,,

[خشم علي]

السلام عليكم
ابدلي بدلوي الحل اسمنت

[الجرح الحزين]

السلام عليكم ورحمة الله وبركاته
اسعد الله اوقاتكم بكل خير
صح السانك اخوي مسير
وشو قولك بـ ( اللغة العربية ،، أو للغز والرمعه ،، أو التراث)

[مسيرs]

طيب ال كنكت .. الله يعينك على رمعاتنا ,,,
عين ابوها خشم على انهاه

[مسيرs]

السلام عليكم
ابدلي بدلوي الحل اسمنت
وعليكم السلام ورحمة الله وبركاته
حبه على خشم علي
سلمت وسلم فكرك نعم هو اسمنت:good: :good: :good: :good: :good:لله درك
اسمه بالسعودية واحد



بعشرة(تن مسا خير ياحبايب" واسمه واحد بكل لهجتنا
واللعب اليوم معك طايب" بإسمك انت تكتمل لعبتنا

[مسيرs]

السلام عليكم ورحمة الله وبركاته
اسعد الله اوقاتكم بكل خير
صح السانك اخوي مسير
وشو قولك بـ ( اللغة العربية ،، أو للغز والرمعه ،، أو التراث)
شكرا لك رزين الحل عند خشم علي

[أخت البنات]

الله يرحم والديك خشم علي


من البارحه دار راسي وانا احلل والف وادور على حل اللغز الغامض


ريحت ..راسي ..من التفكير شكرا خشم علي:(

[خشم علي]

الله يسلمك اخي مسير
ويرحم والديك ام البنات والعفو اختي