المساعد الشخصي الرقمي

مشاهدة النسخة كاملة : أبشركم شريت سياره وأبي خدمه


علوش العتيبي
15/11/2009, 11:40 PM
السلام عليكم كيفكم
أبشركم شريت سياره ددسن دبل غمارتين ماشيه150000ألف كيلو فيها دعامه شريتها 38000 ألف ريال موديلها 2006 بخاخ وحالحين أبي خدمه
أبي شد العقرب ويفضل وجود شراع تنزاني
نبي عزبه كامله متكامله للدسن من كل شي
أبي تانكي ماء أصلي
يعني أبي كل شي للموتر للبر
جهاز أيكوم مع أريله أصلي
جهاز نوفي 710
وترا حد فلوسي 8000ألاف ريال
اللي عنده يعرضه
فهد الفراج
16/11/2009, 01:54 AM
الله يطعمك خيره ويكفيك شره
راعي المقانيص
16/11/2009, 03:26 AM
الله يعطيك خيره ويكفيك شره ان شاء الله

اخوي الكريم

اذا كنت من اهل الرياض

رح للصناعية القديمة ( طريق الخرج ) وفصل شد مرصوص قيمته 350 - 400 ريال
فصل تانكي من عندهم ستانلس ستيل ولا اقدر افيدك عن أسعاره لاني أستخدم جراكل ماء أريح من التوانك بالنسبه لي

الشراع

عندك سوق الأشرعه في الغرابي وانصحك تفصل شراع تايلندي افضل من التنزاني وأرخص بحكم تجربتي الشخصيه

الأجهزة

رح للمرسلات ( سوق الأتصالات )

الايكوم 2200 سعره الأن 1200 ريال مركب وجاهز وبكامل أغراضه

أو

الأيكوم 8000 سعره الأن 1100 ريال مركب وجاهز وبكامل أغراضه

اشتر جهاز قارمن C276 أفضل لك ويخدمك بالبر أفضل من النوفي وسعره الان

مع خرائط دار موجه 2800 ريال

أو

مع خرائط الصحراء ( السياري ) 2500 ريال

وأسئل الله تعالى بان يوفقنا وأياك لكل مافيه خير وصالح
بخارة
16/11/2009, 10:29 AM
الله يعطيك من خيرة ويكفيك شرة
علوش العتيبي
16/11/2009, 10:11 PM
ماقصرتو جميع
وأقدر أزرق للرياض
بس أبي سعر ستيل تفصيل 100 لتر
أبي سعر الشراع التنزاني
ماعليكم أمر
وهل فيه أضافات تنصحون أبها
علوش العتيبي
17/11/2009, 03:50 PM
وينكم ياهل مكشات