الزجاج مرمل

[ابا رند]

اخواني المكشاتية
السلام عليكم
انا عندي زجاج سيارتي الامامي مرمل جايه ترميل من الخط وش حله ؟
ارجو المساعدة

[رياح الشرق1]

للرفع وانا عندي والله نفس المشكله الله يجزاك خير عل طرح الموضوع ارجو من اخوانا راعين الخبره في حل للمشكله ذي خاصة انه زجاج الوكاله .........تحياتي

[Saad-Z]

تفضل هذا الرابط لموضوع مشرفنا برق المدى
يمكن يفيدك

http://www.mekshat.com/vb/showthread.php?t=207750

[واحشني زمانك]

شوف محل زينة سيارات ويلمعونها لك

[رأس الزعامه]

أخوي الزجاج الامامي حله عندي
إذا جاك عج وانت ماسك الخط إضغط على ماء المساحات
ورش على القزازه ماء انا ماأقول حل نهائي لكنه يخفف

[شامخ ألهيلا]

يمدحون السالم لزجاج بالصناعيه
يغير لك قزازه جديدة درجة اولى وشغل وكاله بااقل الاسعاار

لاتبحث ولاتتعب مالك الا جديد

انا نفس الشي حاولت بشتى الطرق

لاكن جاري رمي الاولى لو هي وكاله

[راعي الطلعات]

أخوي الزجاج الامامي حله عندي
إذا جاك عج وانت ماسك الخط إضغط على ماء المساحات
ورش على القزازه ماء انا ماأقول حل نهائي لكنه يخفف

اذا رش ماء على الزجاج وهو بالطريق والجو عج راح يغطي قزاز السياره وتنعدم الرؤيه وهذا خطر

لكن ان كان الزجج الامامي رمل بشكل سي مره فا اشتر لك جديدها وتكلفة الجديده من 100 ريالا وفوق صناعات كثيره وعلى الضمان

بالتوفيق

[باثفندر]

الله يعينك ،،، المشكلة هذه أتوقع مالها حل ،، لانه مافيه مثل شد البلد ،،، مهما أتقن الشغل ،، الله يعينك حقت الوكالة غــــالــــيــــــة ,,, واللي في السوق ماترقى للمستوى ويمكن ماتركب مظبوط وتصرصر مع الهواء ،، أنا أشوف الوقاية خير من العلاج إن الواحد يحط تظليلة شفافة من الخارج ،، ويغيرها كل فتره ، بسبب مخش المساحات وتأثير الشمس ،، الله يعينك .

[لاتكب البيالة]

انا يا جماعة عندي نفس المشكلة من المساحات جاي من البر وجانا مطر ولم يكن هناك بد :dمن استخدام المساحات حتا لو هي منتهية

[S-92]

السلام عليكم ورحمة الله وبركاته
( من أستشارك دخل ذمتك ) الاخوان كبرو الموضوع شوي الموضوع بسيط وبسيط جداً لاتحزن اخوي ولاشي بالنسبه للانوار الاماميه اذا كانت من البلاستك يتم تلميعها عند أقرب محل زينه وياكثرهم اما الزجاج الامامي غيره عند اقرب محل زجاج عنده فلندي زي الاصلي ماتفرقه عنه ورخيص بعد ويظبطه ويحط عليه غراء اسود يمنع دخول الهواء والماء .
تقبل التحيا

[نواف نجد]

افادوك الاخوان