عثر على طير في قطر

[خلوي]

السلام عليكم. الاخوان من اهل قطر تم العثور على قرناس شاهين .

الطير فيه علامات مايختلف فيها اثنين, واضحه وضوح الشمس.

ارجو المراسله على mirag_2000@hotmail.com

[فارس العجمي]

السلام عليكم ورحمة الله وبركاته
الله يعقل الطير علي اهله
والله يكثر من المثالك اخوي خلوي

[ابو عايد]

الله يعقل الطير علي اهله
والله يكثر من المثالك اخوي خلوي

يعطيك العافية يالغالي

وتقبل تحياتي ///// العاشق الولهان

[الجرنـاس]

السلام عليكم ورحمة الله وبركاته
اخوي خلوي مشكور على هذه البادره الطيبه
ارجو توضيح مكان طرح الطير حتي اتمكن من التعرف على صاحبه وافادتك
لأن معظم هل قطر لاهين مع المقناص ومتابعتهم للإنترنت قليله هذه الفتره
ولا تراهم من عشاق منتدى مكشــــــات الرائع

[عبد العزيز العجاجي]

الأصل كُتب بواسطة قرناس^الجزيره
السلام عليكم ورحمة الله وبركاته
الله يعقل الطير علي اهله
والله يكثر من المثالك اخوي خلوي

[سنجاري]

بارك الله فيك.

[البريكي]

لله يعطيك العافيه ولله يكثر من امثالك ويالريت كل الصقاقير يسوون مثلك

[khalidomer1]

شاهين بيتي مصفي العالف الاوسط في كفه اليسرا مندون مخلب 0503833325

[خلوي]

بسم الله الرحمن الرحيم

يا اهل مكشات ابشركم الطير جاني راعيه امس وخذا طيره, الطير قرناس هواء بكر مصفي, العام صايد 14 احبارى في ايران وضاع على وحده, وسنه هاذي انطرح الطير في ايران وجلب القطر, وسبحان الله شراه راعيه على ان اطير مجهول ولما بغى يسجله طلع في الطير شريحه بسم نفس راعيه, وعرفه بعدها, الي حصل انه هده على ثلاث كراوين صاد الاثنين وضاع على الثالث, عاد جاك ابو الشباب الي هو واحد من اخوياي وقبض الطير بعد اربعة ايام . وتم عندي اربعة ايام لاكن الطير كان ناقض بالحيل, عالجت الطير ليقيت فيه دودبطن و دود ريئه, واستعد الطير بعدها.و بعد ذا كله لقيت اعلان في الجريدة ان فيه طير مفقود, كلمت راعيه و وصفلي الطير كنك اتشوفه. يا فرح راعيه يوم جا وخذاه

وبشركم اليوم الثاني الله رزقني احباى اطلعها الطير وصدناها. وسلامتكم

[نقا هشال]

جزاك الله خير

[المتواضع]

السلام عليكم ورحمة الله وبركاته
اخوي خلوي جزاك الله خير الجزاء وكثر الله من امثالك ولكنك ذكرتني بحادثة حقيقية
حصلت لاحد الزملاء .اخونا صاحب القصة توه متزوج ومحملا من الدين ( اقساط سيارات ) وغيره وبعده بفترة وجيزة تزوج اخوه الاصغر وليس هناك من يعينه على تكاليف الزواج وطبعا مكلوف به ضاقت عليه الارض بما رحبت واخذ زوجته وسافر الى احد المدن المجاورة واخذ يشتكي لزوجته من الضائقة اللي هو فيها واثناء مسيرهم رأوا طير يطير ويقع . نزلوا عن الاسفلت للوصول اليه وفعلا وصلو ا الى الطير وامسكوا به وفرحوا به وكادوا يطيرون من الفرح :hot: (ماسووا مثلك اخوي خلوي) المهم اخذوا يباركون لبعضهم البعض واختلفوا بقيمة الطير هل يقومون بتسديد بعض الديون ام يقوم صاحبنا بتجهيز تكاليف زواج اخوه المهم اتفقوا على تجهيز الزواج للاخ الاصغر بعد جدال .بقي الان من الذي يدفع اكثر لهذا الصقر واين الصقارين الذين يعرفون قيمة الصقر ( مانبي ناس مايعرفون قيمته لانهم مايحطون قيمه)المهم بعد وصولهم للمدينه سألوا عن اهل الصقور وعرضوا عليهم الصقر لشراءه فقال صاحبنا انا جبتلك هالصقر لانك اتعرف قيمته وتحط المبلغ اللي يناسبه وجبته لك تشريه ماوديته الناس مايعرفون قيمته يحطون مبلغ مايستاهل .ضحك الصقار وقال ياولدي من رايي انك اتودي صقرك للي مايعرفونه حتى ولو حطوا قيمة ماهي له ترى انت الربحان لان طيرك هذا باشك ماهو صقر.فرجع وحط على الدين دين وزوج اخوه وهذا ماحدث فعلا . وسلامتكم