شي غريب واول مره اشوفه

[راعي عياش]

السلام عليكم ورحمت الله وبركاته
بسم الله الرحمن الرحيم


ياجماعت الخير امس رحت للمدعا معا خويي علشان يدعي طيره قرناس بيتي توه مشري

الطير صراحه احلى طيار شفته لكن لين يمرج الطير الطير يضربه على راسه والصراحه شي غريب

واذا حد مرت عليه هاذي الحاله يقولي وش علاجها لن مانقدر نالعب الطير علشلو كل مرجه يضربك


ومشكورين بس نبغي العلاج ضروري اذا حد مرت عليه الحاله ويقولي العلاج


ومشكورين

اخوكم: راعي عياش

[مكشاتي متصوب]

والله يا اخوي نفسي افيدك لاكن ما عمري سمعت عن الحاله هذي العذر والسماح

[@قرناص@]

وعليكم السلام ورحمة الله وبركاته ,,

هاذي حاله في بعض الطيور ولاكن علاجها ماعندي علم

ننتظر اهل الخبره ,

[هماش]

السلام عليكم

مرحبابك ياغالي
هذي سمعت عنها عند بعض من الشباب بس ما توصل لحد الضرب على الراس
يقولون انه يشيل الشماغ من الراس ويطير بعتقادي انه الطير يكون زعلان وهذا الي يخليه يعمل الحركه هذي

على العموم جرب طريقه انك تربط الشلو بعصى طويله شوي ولما يجيك الطير لاتلعبه خل الشلو بعيد منك كم يوم يعني بطول مدة العصى لين يتعلم ان الشلوا بينك وبينه مسافه كافيه
وبعدها حاول انك تلاعب الطير

عسى اني افتك
تقبل مروري

[صقار شياهين]

اذا الطير منزل واجد يسوي كذا وبعض الطيور يجي طبعه كذا حاول ترفع الطير ويلاعب انشاء الله تقبل تحياتي

[راعي عياش]

جزاكم الله خير بس انا شفت بعض الصقاقير ردعون بالعصا الي تقول عنها بس غالب الطيور الي تندعي على عصا جيره وطيرنا حر فارسي ولى قرب للجير
علعموم ماقصرت اخوي علشرح

[@السيف@]

ودي افيدك لكن الله ييسر لك امرك

[ابو امنه]

موفق خير يالغالي

[الرّمااااي]

الحل عندي ان شاء الله وتمت التجربه علي اكثر من طير بنجاح تام والطريقه انا من فكر فيها بسبب طير عند احد الاصدقاء كان به نفس المشكله اما الحل
اولا اذا دعيت الطير تعرف متي يبتدي يضرب الراس بعد كم مره فاذا كان بعد 5 مرات تاتي عده وتلوح للطير اربع مرات او ثلاث مرات وتعطيه العلف وتكتفي
اليوم الي بعده تلوح 5 مرات وتعطيه اليوم الي بعده 6 او 7 وتعطيه وهكذا لان الطير لايعرف العد وراح يطيب ان شاء الل

[قرناس شماالي]

فادوك اهل الخبره ولي صارت معه مراح يقصر ويعلمك انشاء الله

[حامد الحنيني]

الله يعينك والطيور اللي كذا تتعب
والطير هذا يحدم يعني يزعل
المهم الحل اذا جيت تلوح لاقبل الطير عليك نطححه الشلو خله يهابه وبعدبن ماراح يقربلك ويلوح من بعيد لبعيد
او انك تخلي حبل الملواح قصير واذا اقبل عليك الطير تخلي الملواح تقول مروحه بشكل سريع والطير راح يهاب الملواح ويبعد عنك ارجو اني افدتك وشكرا

[المغتر2]

الاخوان ماقصرو

[شامان 28]

الله يعينك ويشفي الطير

[ماسوم]

الطير ضعيف ارفعه شوى ولا تكثر عليه العب على الملواح

[..@القناص@..]

مافهمت والله !!
بس يفيدونك النشآمآ

[آبو غلآ]

السلام عليكم
الحل عندي ولا هو قصور في الي ردو وبتدعي لي ان شالله
الحل اذا صحت للطير وجاك اكيد انك رابط الشلو بسبب
ارفع الشلو له فوق وكل ما جاك ارفع الشلو له وبيصير الطير يبعد منك
وسوها وبتشووف كلامي وعلمني اذا نجحت الطريقه :)

[حر الجوف]

الاخوان ما قصروا