المساعد الشخصي الرقمي

مشاهدة النسخة كاملة : سؤال مهم لصقاره اهل الخبره عن الطير الضايع


فارس العجمي
19/10/2004, 08:20 PM
السلام عليكم ورحمة الله وبركاته
يا اهل مكشات
عندي سؤال مهم ومالقية له حل
الطير الضايع اذا عينه رجال ولا عرف اهله كم يجلس عنده ويصير حلاله في الشرع
الي اعرفه انا الشات لذيب او للي يعينه الناقه سنه بس الطير كم
اخوكم
قرناس الجزيره
قشاع الرمث
20/10/2004, 12:48 AM
السلام عليكم ورحمة الله وبركاته

هلا بك اخوي قرناس^الجزيره

الي اعرفه انا انك بعد ما تقيظ الطير
يكون لك .لاكن لازم تكون ماسكه خلال المقناص
حتى لو باخره ولازم تكون مشيد بالطير .

وهذى من خلال معرفتي
ويحتمل الصح والخطا ولاكن
خل نصبر شوي لما يجينا احد
من اهل الخبره ..

وكل عام وانتم بخير ....
فارس العجمي
20/10/2004, 04:50 AM
السلام عليكم ورحمة الله وبركاته
وانت بخير يا اخوي قشاع الرمث
مشكور اخوي يعني من كلامك بس في الربطه اذا ربطه وقرنس يصبح ملك للي يمسكه
وعلي كلامك ننطر الجماعه يمكن عندهم علم في الموضوع
مارشال
20/10/2004, 05:12 AM
السلام عليكم ورحمة الله وبركاته
المسأله ترجع للشرع قبل اي شي يا اخوان

سمعت فتوى نقلت عن احد العلماء ان ضالة الطير يعامل مثل ضالة الأبل يجد طعامه وشرابه وليس كما يقول البعض انه لك او لأخيك او للذئب فهذا حديث ضعيف

وفتوى اخرى: في حالة الأمساك بالطير المفقود يُعرف لمده غير محدده وفي حالة معرفة صاحب الطير يأخذه مع دفع الأجور المدفوعه على الطير من حفظ و طعام للمحتفظ بالطير

والله اعلم
مارشال
20/10/2004, 05:22 AM
مسأله

تؤخذ الفتوى حسب ما قرأت في كتاب فقه السنٌه من :
1- القران.................. فأن لم تذكر
2- السنه....................فأن لم تذكر
3- الأجماع (للعلماء).....فأن اختلفت المسأله يرجع العلماء الى العرف
4- العرف.
فارس العجمي
20/10/2004, 05:42 AM
السلام عليكم ورحمة الله وبركاته
مشالله عليك جراش
كلام طيب من رجال طيب
بيض الله وجهك في المعلومات الي يمكن الكثير منا مايعرفه ولا عنده خبره فيها
الف مليون شكر اخوي جراش
المري
20/10/2004, 06:03 AM
ماقصر اخوي جراش

كفى ووفى
تالي الاولين*
20/10/2004, 10:45 AM
.

السلام عليكم

الي اعرفه في سلم الصقاقير واهل الطيور

هو مثل ماقال اخوي جراش ان راعي الطير الغادي

اذا لقاه عند احد ولو بعد الربطة يثبت انه طيره ويعطي

الى لاقيه نقاله وهي مكدة الطير في الفتره الى جلس فيها

الطير عنده .



الأصل كُتب بواسطة قرناس^الجزيره
الي اعرفه انا الشات لذيب او للي يعينه الناقه سنه بس الطير كم

اخوي قرناس الشات الغادية فعلاً لك ,, لكن الناقة الغادية ماتعرضها

مادام انها بصحتها وفي الخلى وحتى لو نشبت لنياق عندك و بقت فيهن سنين

وعرفها راعيها ياخذها ,, و مالك منها اذا انت كاد عليها الى ولايدها .


هذا الى اعرف
ابو عايد
20/10/2004, 02:26 PM
السلام عليكم ورحمة الله وبركاته

اخي لخبرتي القليله وحسب مانسمع الاخوان ان احد الاخوان عين له طير كفو والطير صاحبه من هل الكويت

بعد اربع سنوات وجد ان طيره مع صقار من هل الحفر ووصف له الطير وصف دقيق واعاد له

وللمعلوميه القرنسه تغير من ريشة الطير

وتقبل تحياتي // العاشق الولهان
أبو رداد
20/10/2004, 03:57 PM
بسم الله الرحمن الرحيم

السلام عليكم ورحمة الله وبركاته


ماذا اقرا يامسلمين ؟؟؟ .... الطير مثل الشاة مثل الناقه مثل السياره مثل البيت مثل اي شيء تشتريه بنقودك
ويصبح حلالك ... وحلالك يامسلم حرام على المسلمين ... الاان تحله انت اومن هومخول من قبلك يامسلم ... والله اعلم ...
والمفروض على الذي يجد شيء ان يخبر ويعلن مايستطيع ( هذا اذا كان يخاف الله واليوم الاخر ) .... وكل النقات والتكاليف من اعلانات الى المحافظه على هذا الشيء الى اطعامه ... يجب ان يدفعها صاحب هذا الشي .. عندما يعود اليه حلاله ... واذا لم يجد راعي الشيء يجب تسليمه الى اقرب امام جامع ويخبره بقصة الشيء الذي وجده وكم من المال صرف عليه ... والامام سوف يتصرف ..

اخي العزيز جراش ... فاتك ان تذكر القياس ( الذي اعتمد عليه الصحابه رضوان الله عليهم .. وفقهاء المسلمين من بعدهم ) ...

الاخوه الاعزاء ... الموضوع فيه تفصيل اكثر وادله قرانيه واحاديث شريفه صحيحه ... وسوف اكتبها بعد ان اصلح حاسبتي .. لاني كتبت هذا بالاب توب والحروف انجليزيه ... ومن كثر ماانظر الى الكيبورت القديم صابني حول:looney:
مارشال
21/10/2004, 04:48 AM
حياك الله وابرك الساعات يا قرناس^الجزيره انت والمري

ابو رداد جزاك الله خير على التصحيح والعتب على الذاكره

نفع الله بنا وبكم الأسلام والمسلمين .......... امين
فارس العجمي
21/10/2004, 06:50 PM
السلام عليكم ورحمة الله وبركاته

يا هلا اخو يتالي الاولين* والمري وجراش وابو رداد وابو عايد
مشكووورين يا الربع وماقصرت